Téléchargement du document

Documents linguistiques galloromans
Corpus : docJuBe (chJuBe)
Responsable du corpus : -
Édition de la charte : -

docJuBe046

1322 (n. st.), 18 mars.

Type de document: charte: notification

Objet: Notification par Évrart de Vendlincourt, écuyer, qu’il est principale caution des héritiers de feu Alert, chevalier, son frère, pour 10 l. de rente annuelle à assigner sur des terres de franc-alleu entre Bonfol, Grandfontaine, Florimont et Saint-Ursanne en faveur d’un chapelain chargé de chanter une messe quotidienne et perpétuelle pour le repos de l’âme d’Alert, de celles de ses ancêtres et de la sienne dans une chapelle que les bourgeois de Porrentruy feront construire dans la nouvelle église de cette ville; promesse de procéder à l’assignation de cette rente dans la quinzaine de Pâques à venir afin que le chapelain en jouisse entièrement dès la Saint-Martin, faute de quoi Évrart devra donner dans le même délai soixante marcs d’argent au poids de Bâle à son cousin Pierre de Rocourt, chevalier, pour acheter les dix livrées de terre; et garantie de Richart dit Vaydrel, chevalier, de Jean Machelaire, de Jehannenet le Donzelet et de son frère Richardin ainsi que de Renaut de Cœuve, écuyers, qui s’engagent à séjourner à leurs propres frais comme otages chez des hôtes publics à Porrentruy dans les huit jours après en avoir été requis par Pierre de Rocourt, et à délivrer des gages à Porrentruy pour les soixante marcs d’argent dans les quinze jours de leur résidence.

Auteur: Évrart de Vendlincourt, écuyer.

Sceau: Évrart de Vendlincourt, Richart dit Vaydrel, chevalier, Jean Machelaire, Jehannenet le Donzelet et Renaut de Cœuve, écuyers.

Bénéficiaire: Les héritiers de feu Alert, chevalier, frère d'Évrart.

Support: Parchemin jadis scellé de cinq sceaux sur double queue.

Lieu de conservation: AAEB, Chartes.

Édition antérieure: Publication par J. Trouillat, Monuments…, III, n° 172, p. 290-292 (à la date du 26 mars 1321).

Verso: De Huvrart de Wandelincort (xiv^e siècle).

1 Je, Huvrars, escuiers, de Wandelincourt, 2 fais savoir a touz 3 que je suis tenus debtres et renderres principaulz dou tout \2 pour les hoirs a mon sire Alert, chevalier, que fuit, de bone memoire, mon frere, diex livres de rente chescun an ai touz jours\3mais, en herietaige suis franc aluef. 4 La quele dite rente je doy assigner et asseoir entre lou pourpris de Bonfoul \4 et de Grantfontainne ^[1], de Florimont et de Saint Ursanne, pour les diz hoirs a mon dit frere, paissiblement, senz fraude et \5 senz bareit. 5 Et doit estre li dite rente pour hun chappellein que chantoit une messe chescun jour ai touz jours\6mais pour l-arme a dit mon sy Alert et pour lou remede des armes ai touz nos ancessours, et pour nos aisit. 6 Et doit estre \7 li dite messe chantee ai touz jours-mais a Nuef Monstier et ai la Nueve Esglise de Porraintruy, en une chapelle que \8 li bourjoys de Porraintruy feront en la dite esglise, senz autre part assigner la dite messe ne translatter. 7 Et ces dites \9 convenances ai je promis et promat, par mon soirement doné corporalment, sollempnel stipulation entrevenant, de tenir et de \10 pourseugre, par ainsic comme il est dessuis devis, et de assigner la dite rente entierement dedens lai quinzeinne de \11 Pasquex prochainnement enseuguant la confection de ces lettres. 8 La quele dite rente li chappelleins que y saroit mis pour \12 chanter la dite messe doit havoir et joiir et penre entierement ai ceste feste de la Saint Martin d-yver, et dez aidonc \13 ai touz jours-mais. 9 Et si je ne pourseugoie dedens lou dit terme les dites convenances, je suis tenus, par ma dite foys et \14 suis l-obligacion de touz mes biens moubles et non mobles, presens et a-venir, ou que il soient, en franschisse ou defors, de \15 baillier et de deslivrer dedens lou dit terme sexante marcs de argent bon et leal, a poix de Balle, ai mon sy Pier\16re de Rocourt, chevalier, mon coisin, pour achetter les dites diex livrees de terre. 10 Et pour pluis grant seurté faire a \17 dit mon sy Pierre des dites convenances et dou dit argent, je l-en ay mis et met plaiges et debtres et renderres \18 principaulz, chescun dou tout, mon sy Richart Vaydrel, chevalier, Jehan Macelaire, Jehannenat lou Donzellet et Richar\19din, son frere, et Renal de Cuve, escuiers; 11 et nos, li devant nommé Richars, chevaliers, Jehans Macelaires, Jehannenez \20 li Donzellez, Richardins, ses freres, de Porraintruy, et Renalz, escuiers, de Cuve, es proiieres dou dit Huvrart de \21 Vandelincourt, escuier, nos sumes mis et mettons plaige et debtour et rendour principaul, chescuns dou tout pour lui, \22 es mains dou dit mon sire Pierre de Rocourt, chevalier, de aicomplir les convenances dessus dites en tel maniere quar, se li \23 diz Huvrars n-avoit assigné les dites diex livrees de rente dedens lou dit terme, par ainsic comme il est devant \24 dit, ou deslivrey a dit mon sy Pierre les diz sexante marcs d-argent, nos havons promis et promettons, par nos soy\25remens donés corporalment suis sainctes ewangeles touchiez, que huyt jours aprés de ce que nos sauriens \26 requis dou dit mon sy Pierre ou de son commandement portant ces presentes lettres, torneriens et tenriens lealx hos\27taiges ai Porraintruy, chief hun hoste overt, ai nos propres despens et missions. Et quinze jours aprés de que nos \28 hauriens esté es diz hostaiges, nos lour bailleriens gaiges pourtables et menables ai Porraintruy, dez quelz il \29 pourrient havoir les diz sexante mars d-argent. Les-quelz diz gaiges il puent penre, vendre a lour volenté, \30 senz ainuttier ^[2] et senz aibout de justisse ne d-autruy, et senz ce que nos ne autres doiens ne puissiens aler \31 encontre ^[3], coiement ne en apert. 12 En tesmoignaige de la quele chose, nos, li dessus nommé Huvrars de Wandelincort, \32 Richars Vaydrelz, chevaliers, Jehannenez li Donzellez, Jehans Macelaires et Renalz de Cuve, escuier, ai lai proi\33iere et a la requeste dou dit Richardin lou Donzellet, que n-avoit point de propre seel mez s-i est submis \34 quant ai ce desouz nos seelz, havons mis nos seelz en ces presentes lettres en signe de verité. 13 Faites et donees \35 lou juedi devant la mey kareimme, l-an de grace corrant par mil trois cens et vint et hun.

Notes de transcription
^[1] Ainsi coupé: Grant Fontainne.
^[2] Ou amuttier, anuittier.
^[3] Ainsi coupé: en contre.