Téléchargement du document

Documents linguistiques galloromans
Corpus : docJuBe (chJuBe)
Responsable du corpus : -
Édition de la charte : -

docJuBe045

1322 (n. st.), 31 janvier.

Type de document: charte: vente en franc-alleu

Objet: Vente en franc-alleu devant la justice publique par Henriet dit Lombart, écuyer, demeurant à Courtemaîche, et par Aalis, sa femme, autorisée par Vernerin de Courtemaîche, écuyer, son frère et son avoué, à Jehannenet de Rocourt, écuyer, pour 31 l. de bâlois ayant cours au marché de Porrentruy de six faux de pré à Porrentruy.

Auteur: Henriet dit Lombart, écuyer, demeurant à Courtemaîche, et par Aalis, sa femme

Sceau: Henriet dit Lombart, Richart dit Vaydrel, de Porrentruy, chevalier, et Jean de Pleujouse, prévôt de Porrentruy, écuyer.

Bénéficiaire: Jehannenet de Rocourt, écuyer

Autres Acteurs: Vernerin de Courtemaîche, écuyer, son frère et son avoué

Support: Parchemin jadis scellé de trois sceaux sur double queue; il subsiste ceux de Richart dit Vaydrel et de Jean de Pleujouse.

Lieu de conservation: AAEB, Chartes.

Édition antérieure: Analyse par J. Trouillat, Monuments…, III, p. 707 (à la date du 31 janvier 1321).

1 Nos, Henriez diz Lombars, escuiers, demorans ai Cordemaschey, et Alix, femme dou dit Henriet, façons savoir \2 a touz 2 que nos, pour nostre gramt profit evidant et par lou loz et la volenté de Wernerin, escuier, de Cordemaschey, frere de \3 moy, Alix dessus dite, mon leal [vouhé][,] [hav]ons vendu et vendons pour franc aluef, pour nos et pour nos hoirs, pour touz jours\4mais, 3 ai Jehannenet, escu[ier][,] [de] [Rocou]rt, et ai ses hoirs, pour trente une livres de baloys coursables \5 ou marchie de Porraintruy, six fa[ulz] [de] prey, gisant ou territoire de Porraintruy: 4 premierement, ai Able, trois \6 faulz en une place, li hoir mon sire Alert, chevalier, que fuit, de Vandelincourt, hont d-une part et li hoir Jehan de Bel\7viler hont d-autre part: 5 item, en Prey Fassair, trois faulz de prey, Morins hay d-une part et Hymaires hay d-autre \8 part, et vont fuer et fuer d-ave en ave ^[1]. La quele somme d-argent nos havons haüe et receue dou dit Je\9hannenet, escuier, en bone menoie bien nombree et de son propre chattel, et mise l-avons en nos profis, si que \10 nos nos en tenons pour bien paié entierement. 6 Dez quelez six faulz de prey dessus dites nos nos sumes des\11vesti et nos desvestons, et nos en sumes mis fors de tenure et fors de possession, et lou dit Jehannenet, es\12cuier, et ses hoirs en havons envesti et envestons, et si les en havons mis et mettons en bone tenure et leal \13 et en bone possession pour touz jours-mais par ces presentes lettres. 7 Et si havons promis et promettons, par nos soiremens \14 donés corporalment, sollempnel stipulation entrevenant, que nos encontre ces convenances ne contre ceste dite ven\15dition nen irons ^[2] ne ne ferons ai aler par nos ne par autruy, coiement ne en apert, mais la tenrons, aipaisserons, \16 desfandrons et guarantirons, pour nos et pour nos hoirs, pour touz jours-mais a dit Jehannenet et ses hoirs, en touz luez, \17 en toutes cours, en touz jugemens et defors, encontre toutes gens, ai nos propres despens et missions, non obstant \18 acune exception de fait ou de droit. 8 Et toutes ces convenances et chescune par ley recoignossons nos havoir fait par \19 devant une overte justi[sse] [pour] [ce] ^[3] sesant, et conventees les havons ai tenir, par nos diz soireme[n]s et suis l-obli\20gation de touz nos biens moubles [et] [neant] ^[4] moubles, presens et a-venir, par ainsi fermement comme il est dessus devis. 9 En \21 tesmoignaige de la quele chose, je, li diz Henriez diz Lombars, ay mis mon seel en ces presentes lettres, par les loz de \22 Alix, ma dite femme, et Wernerin, son dit vouhé, et si havons proié et requis, tuit ensamble et chescuns par soy, as saige hom\23mes et vaillans mon sy Richart Waydrel, chevalier, de Porraintruy, et Jehan de Plujouse, prevost de Porraintruy, escuier, que il \24 y mettent lour seelz; et nos, Richars diz Waydrelz, et Jehans, prevost de Porraintruy, dessus nommé, es proieres et es re\25questes des dessus diz Henriet dit Lombart, escuier, Alix, sa femme, et Wernerin, son vouhé, havons mis nos seelz en ces \26 presentes lettres ensamble lou seel a dit Henriet lou Lombart. 10 Faites et donees lou derriers jour dou moys de janvier, l-an \27 de grace corrant par mil trois cens et vint et hun.

Notes de transcription
^[1] Ou d-aue en aue.
^[2] Ainsi coupé: ne nirons.
^[3] Écriture très effacée.
^[4] Écriture très effacée.