Téléchargement du document

Documents linguistiques galloromans
Corpus : docJuBe (chJuBe)
Responsable du corpus : -
Édition de la charte : -

docJuBe037

1317, 18 juin.

Type de document: charte: vente en franc-alleu

Objet: Vente en franc-alleu par Jehannenet dit le Roi, bourgeois de Porrentruy, avec le consentement de son frère Jehannenet de Tavannes, écuyer, à Richart de Morimont, chevalier, pour 20 l. d’estevenants de toute la terre qu’il tenait de son dit frère Jehannenet à Damphreux; et renonciation par ce dernier en faveur de l’acquéreur à tous ses droits sur cette terre.

Auteur: Jehannenet dit le Roi, bourgeois de Porrentruy

Sceau: Jean, doyen d’Ajoie, de Bourcart, curé de Fontenais, et conseil de Porrentruy.

Bénéficiaire: Richart de Morimont, chevalier.

Autres Acteurs: Jehannenet de Tavannes, écuyer.

Support: Parchemin jadis scellé de trois sceaux sur double queue; il subsiste des fragments de ceux de Jean, doyen d’Ajoie, et du conseil de Porrentruy.

Lieu de conservation: AAEB, Chartes.

Édition antérieure: Analyse par J. Trouillat, Monuments…, III, p. 702.

1 Je, Jehannenez diz li Roix, borjoys de Porraintruy, 2 fais savoir ai touz 3 que je, pour mon grant profit evidant et par lou loz et lai bone volenté de Jehannenet, escuier, de \2 Thavennes, mon frere, hay vendui et vendoy, pour moy et pour mes hoirs, pour franc aluef, sans gemais rappeller, 4 ai mon sy Richart, chevalier, de Morimont, et ai ses hoirs pour \3 vint livres d-estevenans lai terre entierement que mes diz freres Jehannenez me [ha] doney en fye, gisant en lai fin et ou territoire de Damfruel, ce est ai savoir lou tout entie\4rement de terre que mes diz freres pouoit havoir ou devoit en lai vile et ou territoire devant dit en prez, en champs, en boys, en oychez, en chesaulz et en toutes \5 altres choses. 5 Les queles vint livres d-estevenans desus dites je, li diz Jehannenez li Roix, hay haüez et receuez dou dit mon sy Richart en bone menoie et bien nombree et \6 de son propre chattel, et mises et despemduez les hay en mon profit, si que je m-en tien pour bien paiez entierement. 6 De lai quele terre desus dite nos, li devant nommé \7 frere, Jehannenez diz li Roix, et Jehannenez, escuiers, nos sumes desvesti et nos desvestons, pour nos et pour nostres hoirs, et se nos en sumes mis et mettons \8 fors de tenure et fors de possession, et lou devant dit monsy Richart, chevalier, et ses hoirs en havons envesti et envestons, et se les en havons mis et mettons \9 en bone tenure et leal et en bone possession pour touz jours-mais par ces presentes lettres. 7 Et si havons promis et promettons, par nos soiremens donés corporalment, sollempnel \10 stipulation entrevenant, que je encontre ces convenances ne contre ceste dite vendition nen irons ^[1] ne ne ferons ai aler par nos ne par altrui, coiement ne en apert, mais lai tenrons, \11 aipaisserons, desfandrons et guarantirons ai touz jours-mais, chescuns de nos en tout, pour nos et pour nostres hoirs, a dit mon sy Richart, chevalier et ai ses hoirs, en touz luez, \12 en toutes cours, en touz jugemens et defors, encontre ^[2] toutes gens, ai nos propres despens et missions. 8 Et est ai savoir que je, li devant nommés Jehannenez, escuiers, de Tha\13vennes, hay renoncie et renonçois, quitté et quittois touz les drois, toutes les desmandes et actions, a dit mon sy Richart et ai ses hoirs, que je ou mi hoir pouri\14ens havoir ou reclamer en lai terre entierement desus dite a maintenant ou cei en aprés, et mi ^[3] obligeoy, pour moy et pour mes hoirs, en lai main a dit [mon] [sy] ^[4] Richart \15 et ai ses hoirs, suis le obligation de touz mes biens, de guarantir lai dite terre ai touz jours-mais, par ainsi fermement comme il est desus dit et expressé. 9 En tesmoig[naige] ^[5] de lai \16 quele chose nos, li devant nommé Jehannenez diz li Roix et Jehannenez, escuiers, de Thavennez, havons proié et requis es saiges persones et vaillans, mon sy Jehan, daien, \17 monsy Borquart, curé de Fonthenoys, et a consoil de lai vile de Porraintruy, que mettent lour sealx en ces presentes lettres; et nos, Jehans, daiens de Ajoye, Borquars, curés \18 de Fonthenoys, et li conselz de lai dite vile de Pouraintruy, es-proiieres et es requestes des devant nommés freres Jehannenet dit lou Roy, borjoys de Porraintruy, et Jehanne\19net, escuier, de Thavennes, havons mis nos sealx en ces presentes lettres en signe de verité. 10 Faites et donees lou sambedi devant lai Nattivité saint Jehan Baptiste, \20 l-an de grace corrant par mil trois cens et dix et sept, ou moys de jugnoyt.

Notes de transcription
^[1] Ainsi coupé: ne nirons.
^[2] Ainsi coupé: en contre.
^[3] Ou m-i.
^[4] Effacé.
^[5] Effacé.