Téléchargement du document

Documents linguistiques galloromans
Corpus : docJuBe (chJuBe)
Responsable du corpus : -
Édition de la charte : -

docJuBe033

1316, 5 novembre.

Type de document: charte: vente

Objet: Vente reprenant les termes de celle effectuée le 16 février 1313 (n. st.) devant Thomas de Chevenez, écuyer, prévôt de Porrentruy, par Thierri, fils de feu Thierri, de Lugnez, et par Jeannin, fils de feu Huguenet, frère de Thierri l’aîné, à Bourcart, abbé, et au couvent de Bellelay pour 16 l. d’estevenants et un muid d’avoine à la mesure de Florimont de terres à Lugnez, desquelles une pièce appartenant aux terres dites de Saint-Germain a fait l’objet d’un échange avec Perrin [dit Maillat], maire de Damphreux, qui s’en déclare content au nom des chanoines de Moutier-Grandval; la complétant par la vente par les mêmes vendeurs, avec le consentement de Pierre, curé de Suarce, à Lambert, abbé, et au couvent de Bellelay pour 3 l. 15 s. de bonne monnaie ayant cours en l’archevêché de Besançon d’un bois et de son fonds; et annulant tout acte antérieur.

Auteur: Thierri, fils de feu Thierri, de Lugnez, et par Jeannin, fils de feu Huguenet, frère de Thierri l’aîné.

Sceau: Pierre, curé de Suarce, Renaut de Delle, chevalier, Pierre, curé de Florimont, et Richart, curé de Courcelles.

Bénéficiaire: Bourcart, abbé, et le couvent de Bellelay.

Autres Acteurs: Thomas de Chevenez, écuyer, prévôt de Porrentruy.

Support: Parchemin jadis scellé de quatre sceaux sur double queue. Sur la première attache on lit: « … et Perrenat et Viate, anfanz des devanz diz Bessançonz… de lour propre chatal si que nos nos am-tenons por/… am nostre grant profeit… es devanz diz Vernier et Perrenat et Via[te] »; sur la deuxième: « … et defuer et par devant touz juges tant come a droite varantie afiert… en autres chosses ou en autres… de lay vandue et des chosses devant dites… »; sur la troisième: « … bien paié et les avons mis… pour çou corporalmant donees em leu de soiremant a gau[rantir]… ceste dite vandue contre toutes gens adés et em touz leus am-jugement… »; et sur la quatrième: « … vandue nos lour devons doner… nos devestuy pour nos et pour noz hoirs; et les devanz diz Vern[ier] et Viate am avons amvesti… »

Lieu de conservation: AAEB, B 133/21.

Édition antérieure: Analyse par J. Trouillat, Monuments…, III, p. 700.

Verso: Ligney ( xiv^e siècle).

1 Nos, Thierriz, fiz çai en arriers Thierri, de Luygney, et Jehannins, fiz Huguenat, qui fuit freres dou dit Thierri, lou pere de moi Thierri prumieremant nommey, 2 façons savoir a touz 3 que nos, non-mie deceu ne lossangie ne controint d-acun, mais \2 saige et bien avissez et de noz bones volontez et par lou consoil de nos amis et por nostre grant profeit, avons vanduy et vandons, por nos et por noz hoirs, por touz jours-mais, a-muez que om puest faire vendiciom et pluis fermemant antandre, 4 a-mon\3seignor Borquart, par lay pacience de Deu abbé de l-ygleisse de Ballelee a-çou tens, et a-covant dou dit leu et a lour suscessours, por sauze livres et cinc souz d-estevenans et un muat d-avoinne a-lay mussure de Florimont, par-devant \4 Thomais de Cheveney, escuier, prevost em ce tans de Porraintruy, seant em justisse, ces chosses et ces places de terre ci aprés escriptes et devissés, giessanz ou finaige et ou terretoire de Luygney, c-est a-savoir: 5 une place de terre arable \5 antieremant, giessant antre lay terre Saint Martim d-une part et lai terre Saint Bernart d-autre part; 6 item, lay place de terre que Tullaz et li Saniers tiennent des diz monseignor Borquart, abbé de Ballelee, et dou covant dou dit leu, li ques \6 Tullaz et li Saniers sunt apeley chescuns par som droit nom Jehannim, li quelle place de terre giest entre lay terre monsire Hugue de Bacourt, chivalier, d-une part et lay terre Thierriat, de-Montaigney, d-autre part; 7 item, seix jornas \7 et une perche de sauze piez, des quels li duy jornal et li perche dessuis dite sunt de lay vendiciom dessuis dite, et li quatre jornal sunt por un anniversaire de quatre souz que nostre devantier donarent a-lay dite maissom per\8mennablemant, li quel seix jornal dessuis dit et li perche de sauze piez giessent em Bois Durant, entre lay terre Saint Germain d-une-part et lay terre dou devant dit monsy Hugue de Bacourt, chivalier, d-autre-part; 8 item, un jor\9nal de terre, giessant devant lay grange des diz monseignor Borquart, abbé de Ballelee a-çou tens, et dou covant dou dit leu, li quelle grange giest a-Luygney; 9 item, une place de prey, que giest ou leu ou om dit a Gabat. 10 Les queles \10 sauze livres et cinc [souz] et lou muat d-avoinne dessuis dites nos havons aües et receues des diz monseignor Borquart, abbé de Ballelee a-çou tens, et dou covant dou dit leu em bone mennoie bien nombree et de-lour propre cha\11tel et les avons misses et despandues em noz profeiz, si que nos nos an-tenons por bien paiez antieremant. 11 Des quelles chosses dessuis dites et des quelles places de terre dessuis devissees nos, par devant lou dit Thomais, \12 escuier et prevost a-çou tens de Porraintruy, nos sumes devestuy et devestons, por nos et por noz hoirz, a touz jours-mais, et nos am-sumes mis et metons fuel de-tenure et de-posseissiom, et les diz monseignor Borquart, abbé de Ballelee \13 a çou tans, et lou covant dou dit leu et lours suscessours em avons amvestui et amvestons, et les avons mis et metons em bone tenure et leal et em bone possessiom, por lour et por lours susscessours, par lay tradiciom de ces \14 presentes lettres por touz jourz-mais. 12 Et fuit faite ceste vendicions de ces places de terre dessuis dites, ansanble toutes les covenances dessuis devissees, lou vanredy aprés lai feste de saint Valantin que est ou mois de \15 fevrier, l-am de grace corrant par mil trois cenz et douze. 13 Et si avons promis et prometons, por nos et por noz hoirz, es devanz diz monseignor Borquart, abbé de Ballelee, et a-covant dou dit leu, por lour et por lours suscessours, par \16 noz bones fois por çou corporalmant donees em leu de soiremant, que nos n-irons ne ferons a-aler contre ceste dite vandue ne contre ces covenances dessuis dites par nos ne par autruy, coiemant ne em apert, mains \17 lay tenrons, appaisserons, deffandrons et garantirons, por lour et por lour suscessours, tant come a droite varantie effiert, em touz leus, em toutes cours et par devant touz juges, em jugemant et defuer, et contre \18 toutes genz, a noz propres despans et missions. 14 Et furent faites et recogneues et promisses a-tenir toutes ces convena[n]ces dessuis dites l-am et lou jour dessuis dit. 15 Item, de ces places de terre dessuis nommees il \19 ay dous jornals et une perche de sauze piez que om dit de-lay terre Saint Germaim des places moihumemant dessuis nommees em lay vendiciom dessuis dites, et lou bois et lou fonz de lors tout dou lonc que li autre \20 chané vaut jusques a Chane Roigier, 16 que nos, Thierriz et Jehannins dessuis nommey, anfant Thierri et Huguenat, ensy come il est devant devissez, qui furent, 17 façons savoir a-touz 18 que nos, ne controint ne deceu \21 ne baretey ne lossangie, mains saige et bien avissey et de noz bones volontez et por nostre grant profeit et par lou consoil de noz amis, avons vanduy, quitey et delivrey, por nos et por nos hoirz, por touz jours-mais, a-muez que om \22 puest faire vendiciom et pluis fermemant antandre, a monseignor Lambert, abbé de l-ygleisse de Ballelee a çou tans, et a-covant dou dit leu et a-lours suscessours, tout por franc aluef, por quatre livres cinc souz \23 moins de bone mennoie corsable em l-arceveschie de Bessançom; 19 etavons vanduy lou dit bois ansanble lou fonz dou dit bois, ensy come il est dessuis devissez, par lou lous et par lay volontey monsy Pierre, curie \24 de Suarce a-çou tens, tout por les quatre livres cinc souz moins dessuis dites. 20 Et por pluis fermemant garantir et apaissier ceste vandue dessuis dite a-monseignor Lanbert, abbé de Ballelee a-çou tans, et a-covant \25 dou dit leu et a-lours suscessours, nos, Thierriz et Jehannins dessuis nommey, avons doney de noz bones volontez bom eschange por les places de terre de ceste vandue dessuis dite a-Perrin, lou maire de Damfruy \26 a-çou tens, seant em justisse por ceste chosse; 21 et je, Perrins, maires de Damfruyl, quenoies et tesmoinnois de-mai bone volontey qual je ay haü des devanz diz Thierri et Jehannim bom eschange et leal por lai devant \27 dite terre Saint Germaim de lay vendiciom dessuis dite et m-am toins por bien paiez antieremant, em nom de-messeignours de-Mostiers; 22 les quelles quatre livres cinc souz moins dessuis dites nos, li dessuis dit \28 Thierriz et Jehannins, avons haües et receues des diz monseignor Lambert, abbé de Ballelee a-çou tans, et dou covant dou dit leu em bone mennoie bien nombree et delivree a nos de-lour propre chatel, et les avons misses \29 et despandues em nostre grant profeit, si que nos nos an-tenons por bien paiez antieremant. 23 Et de ceste vendiciom, çou est a-savoir des dous jornals et de-lay perche de sauze piez et dou bois et dou fonz dou dit bois, \30 ensy come il est dessuis devissez, nos sumes nos devestuy et devestons, por nos et por noz hoirs, a touz jours-mais, et nos am-sumes mis et metons fuer de tenure et de possessiom par devant Perrim, maire de \31 Damfruil a-çou tans, seant em justisse (seant em justisse) uverte, et les diz monseignor Lanbert, abbé de Ballelee a-çou tans, et lou covant dou dit leu et lour suscessours em avons amvestuy et amve\32stons, et les em avons mis et metons em bone tenure et leal et bone possessiom por touz jours-mais par lai tradiciom de ces presentes lettres. 24 Et avons promis et prometons, par noz bones fois por çou corporalmant \33 donees em leu de soiremant, por nos et por noz hoirz, que nos n-irons contre ceste dite vandue ne contre ces dites covenances par nos ne par autruy, coiemant ne em apert, mains lai tenrons et apaisserons \34 et deffandrons et garantirons, tant come a-droite varantie effiert, es diz monseignor Lambert, abbé de Ballelee a-çou tans, et a-covant tout dou dit leu et a-lours suscessours, em touz leus, em toutes \35 cours, em jugemant et deffuel, et contre toutes genz et par-devant touz juges, a-noz propres despans et missions. 25 Et renonçons em ces nostre fait por lai prumiere vendiciom dessuis dite des places de terre dessuis \36 devissees, que furent vandues por sauze livres et cinc souz et un muat d-avoinne a-monseignor Borquart, abbé de Ballelee a çou tans, et a-covant dou dit leu, por lour et por lour suscessours, l-am et lou jour \37 dessuis dit, et renonçons em ces nostre fait de ceste dariere vendiciom, por nos et por noz hoirz, des quatre livres cinc souz moins, faite por les dous jornals et lay perche de sauze piez et lou bois et lou \38 fonz dou dit bois, ensy come il est dessuis devissez, a-monseignor Lanbert, abbé de Ballelee a-çou-tans, et a-covant dou dit leu, por lour et por lours suscessours, a touz barez, a-touz decevemanz, a-touz droiz \39 de canom, a-toutes loyes de droit escript et non escript, a-touz us, a-toutes custumes et a-touz privelaiges quel que il soient et a-l-excepciom d-estre deceu outre lay moitie de droit preis \40 et a-l-excepciom de moindre d-aige, et a-l-excepciom que nos n-aiens haües et receues les dites somes d-argent dessuis dites et lou dit muat d-avoinne, çou est a-savoir les sauze livres et cinc souz et \41 lou muat d-avoinne por lay prumiere vendiciom faite l-am et lou jour dessuis dit, ensi come il est dessuis devissez, et les quatre livres cinc souz moins, faite ceste dariere vandue lou jour de-lay confecti\42om de ces presentes lettres. 26 Et renonçons a-droit qui dit general renonciatiom non valour se li eppecias ne vay devant, et a-toutes autres excepcions, roissons et aides de droit escript et non \43 escript que nos ou noz hoirs poroient aidier et valour et a-aler contre ces covenances dessuis dites et devissees, et es devanz diz monseignor Lambert, abbé de-Ballelee a-çou tans, et a-covant, toz dou dit \44 leu, et a-lour suscessours grever ou nueire: 27 Item, toutes chosses, toutes groisses, toutes accions et toutes lettres de quamques freres Borquarz, abbés de Balleelee, qui fuit, et danz Lanbers, abbés de Ballelee \45 a-tans de-lai confectiom de ces presentes lettres, et li covanz touz dou dit leu, et Thierriz et Jehannins, de-Luygney, dessuis nommey, orent umques a-faire amsanble das lou jour de-lay confectiom de-ces \46 presentes lettres em ariers, sunt quites et anullés par lai tradiciom de ces presentes lettres. Et toutes les covenances de-ces presentes lettres sunt de-valour. 28 Em tesmoinnaige des quelles chosses et-de-quelles \47 covenances dessuis dites et devissees, nos, Thierriz et Jehannins, de-Luygney, dessuis nommey, et Perrins, maires de Damfruil a çou tans, avons prié et requis, tuit trois ansanble et chescuns par lui, a-honeste persone \48 et discreite, a-monsy Pierre, curie de Souarce a-çou tens, qu-i mate som seal pandant em ces presentes lettres; et je, Pierres, curiez de Souarce dessuis nommez, par lay priere et par lay requeste des dessuis diz Thi\49erri, Jehannim et Perrim, maire de Damfruil a-çou tans, et por roissom de-çou que li vendicions dou bois dessuis dit et dou fonz dou dit bois, ensy come il est dessuis devissez, est faite par mon lous et par mai \50 volontey, ai mis mon seel pandant em-ces presentes lettres. Et por pluis grant seurtey faire ancour de ceste chosse et de toutes les covenances dessuis dites et devissees es dessuis diz monseignor \51 Lambert, abbé de Ballelee a-çou tans, et a-covant tout dou dit leu, por lour et por lours suscessours, avons prié et requis, tuit ansanbles nos quatre dessuis nommey et chescuns par-luy, çou est a-sa\52voir nos, Pierres, curiez de Suarce, Thierriz et Jehannins, de-Luygney, et Perrins, maires de Damfruil, a-noble home et saige, a-monsy Renaut de Dele, chivalier, et a-honestes persones et discretes, a-mon\53sy Pierre, curie de Florimont, et a-monsy Richart, curie de Corcelles delez Florimont, qu-il matent lours seals pandanz em ces presentes lettres; et nos, Renauz de Dele, chivaliers, Pier\54res, curiez de Florimont, et Richars, curiez de Corcelles, dessuis nommey, par lay priere et par lai requeste des dessuis diz monsy Pierre, curie de Suarce, de Thierri, de Jehannim, de-Luigney, et de \55 Perrim, maire de Damfruil, dessuis nommez, avons mis noz seals pandanz em ces presentes lettres avoc lou seel dou devant dit monsy Pierre, curie de Suarce, em signe de veritey. 29 \56 Faites et donees l-am de grace corrant par mil trois cenz et sauze, lou vanredy aprés lay feste de Touz Sainz que est ou mois de novembre.