Téléchargement du document

Documents linguistiques galloromans
Corpus : docJuBe (chJuBe)
Responsable du corpus : -
Édition de la charte : -

docJuBe032

1316, 27 mai.

Type de document: charte: vente

Objet: Vente par Willemin, écuyer, fils de Jean de Sancey, chevalier, à Renaut de Cœuve, écuyer, son oncle, pour 30 l. d’estevenants de tout ce qu’il possède à Cœuve, hormis le Champ de Greuse; et retenue d’un droit de réméré pour le même prix.

Auteur: Willemin, écuyer, fils de Jean de Sancey, chevalier.

Sceau: Hugues et Renaut de Delle, chevaliers.

Bénéficiaire: Renaut de Cœuve, écuyer.

Support: Parchemin jadis scellé de deux sceaux sur double queue.

Lieu de conservation: AAEB, B 239 Ajoie/71.

Édition antérieure: Analyse par J. Trouillat, Monuments…, III, p. 700.

1 Je, Willemins, escuiers, fiz mon sy Jehan, chevalier, de Sansey, 2 fais savoir a touz 3 que je, pour mon grant profit evidant, hay vendui et vendoy, pour moy et \2 pour mes hoirs, 4 ai Renal de Cuve, escuier, mon oncle, et ai ses hoirs, pour trente livres d-estevenans tout ce de terre, soit aluef ou fyez, que \3 je hay, doy ou puis havoir en lai fin et ou territoire de Cuve, soit en prez, en champs, en boys, en oychez, en corthiz, en chesaulz et en tou\4tes altres choses, sal lai place de terre que on dit dou Champ de Greuse, que je hostoy fors et exceptoy de lai dite vendition. 5 Les queles trente \5 livres d-estevenans desus dites je, li diz Willemins, hay haüez et receues dou dit Renal, mon oncle, en bone menoie et bien nombree et de son \6 propre chattel, et mises et tornees les hay en mon profit, si que je m-en tieg pour bien paiez entierement. 6 De lai quele chose desus dite, sal que de lai \7 dite pece de terre que on dit lou Champ de Greuse, je me suis desvestis et me desvest, pour moy et pour mes hoirs, et si m-en suis mis et met \8 fors de tenure et fors de possession, et lou devant dit Renal, escuier, et ses hoirs en hay envesti et envestoy, et si les en hay mis et met en bo\9ne tenure et leal et en bone possession pour touz jours-mais par ces presentes lettres. 7 Et si hay promis et promet, par mai foy pour ce corporalment \10 donee en luec de sarement, sollempne stipulacion entrevenant, que je encontre ces convenances ne contre ceste dite vendicion nen iray ^[1] ne ne feray \11 ai aler par moy ne par altrui, coiement ne en apert, mais lai tenray, aipaisseray, desfandray et guarantiray, pour moy et pour mes hoirs, a dit \12 Renal, mon oncle, et ai ses hoirs, en touz luez, en toutes cours, en touz jugemens et defors, encontre toutes gens, ai mes propres despens et missions. 8 \13 Et est ainsic fait que, toutes les foiiez que je ou mi hoir pouriens ou vouriens racheiter lai dite terre dou dit Renal, escuier, ou de ses \14 hoirs, permé les dites trente livres d-estevenans, li dite terre entierement sauroit nostre, quitte et franche comme devant lou dit racheit fait par ainsit \15 comme il est devant devis. 9 En tesmoignaige de lai quele chose, je hay proié et requis es nobles hommes et vaillans mon sire Hugue et mon sy Re\16nal, chevaliers, de Dela, que mettent lour sealx en ces presentes lettres; et nos, Hugues et Renalx, chevalier, de Dela, es proieres et es requestes dou \17 dit Willemin, escuier, de Sansey, havons mis nos sealx en ces presentes lettres en signe de verité. 10 Faites et donees lou juedi prochain \18 devant lai Penthecouste, l-an de grace corrant par mil trois cens et seize, ou moys de may.

Notes de transcription
^[1] Ainsi coupé: ne niray.