Téléchargement du document

Documents linguistiques galloromans
Corpus : docJuBe (chJuBe)
Responsable du corpus : -
Édition de la charte : -

docJuBe030

1315, 27 avril.

Type de document: charte: conclusion de litige

Objet: Conclusions du prieur de Bellelay et de Loviat de Cœuve, écuyer, arbitres choisis par l’abbé de Bellelay, dans un litige opposant l’abbaye à Bourquin, fils du Rossel, de Montignez, et à son frère, Perrin le Clerc, à propos de terres à Montignez.

Auteur: Non annoncé.

Sceau: Loviat de Cœuve, écuyer

Bénéficiaire: Abbaye de Bellelay, Bourquin de Montignez et Perrin le Clerc, son frère.

Support: Parchemin jadis scellé sur double queue.

Lieu de conservation: AAEB, Chartes.

Édition antérieure: Publication par J. Trouillat, Monuments…, III, n° 127, p. 219-222.

Verso: Montagney. — Montegny. — Arbitraige et rapport. — Ceste lettre monstre que ung chan que giet a Montaigny, entre la Fagiere et lu rey de Corselles, est es segneurs de Bellelee (xiv^e-xv^e siècle).

1 Come descort fut entre les religiouses persones, mon seignour l-abbé de Balelee et le covant \2 dou dit luec, d-une part et Borquin, lo fil a Rossel, de Montaigney, d-autre part, por raison \3 de çou que li diz Borquins estoit montez schuz un champ que giet entre la Fagiere et lo \4 rahy de Corcelles, qui est es diz seignours de Balelee; et estoit ausi montez li dit \5 Borquins schuz plusours autres peces de terre gisans ou dit territoire de Montai\6gney, et tenut les avoit outre ses annees, contre la volenté des diz seignours, douz ans \7 et plus, et il et li Rossez, ses peres, ansi comme li diz abbés lo dit par son sarement; 2 \8 et en aprés de çou li diz Borquinz ala tranchier bouz en lour bouz bannal contre \9 la volenté des diz seignours, li quez bouz est lour propres herietages; et en tranchant lo \10 dit bouz, li uns des convers es diz seignours fu onvoiez verz lo dit Borquin, qui \11 tranchiet lo dit bouz, por contredire lui la dite chose; la quele chose li diz Borquinz ne vullei \12 laissier nen entendre lo dit conver, maiz lo bata en tele maniere c-on lo raporta \13 en l-ostel ansi com mort, et li fit a granter que jemax n-en parleroit. 3 Por les queles choses et enjures li dis abbez se pleigna a seignour \14 d-Asuel, qu-est ses sires. 4 Par priere de plusours de prudomes qui estoent a dit luec, \15 compromis fu faiz entre lour, et arbitre nommé d-une part et d-autre por determiner \16 la dite cause par droit ou par amour. Et furent arbitre nommé pour les diz seignourz \17 messir Jehanz d-Asuel, chevaliers, et Henriz Escuerz diz Mareschauz, de Delemont, et pour \18 lo dit Borquin furent arbitre Jaquez, de Delemont, et li mairez d-Ajoe, en tel \19 forme que li partie que ne poursegrait et ne tenroit lo dit es diz arbitres estoit enchoi\20te, en non de poine commise, de vint livrez d-estevenans, les quelez devoent lever \21 li partie tenanz lo dit arbitrage la moitie, et l-autre moitie devoit venir a dit seignour \22 d-Asuel; 5 et schuz çou comme li dit arbitre disessient lor dit et acordessient de lour \23 propre volenté dou dit descort, ço est a savoir que li diz chanz de la Fagiere devoit \24 demorer quitez et franz es diz seignourz, senz çou que li diz Borquinz, ne autres a-per \25 lui, i-doüt jemaiz monter ne reclamer au dit champ, et li fu lassie li autre \26 terre qu-il tenoit dez diz seignourz, a çou fuer et es annees que li autre proudome \27 tenoent de lour. 6 Et por çou qu-il havoit batu lo dit conver, li arbitre li en\28geignerent, ou non de penitence et schuz la poinne desuz dite, que lo pruchein de\29mange aprez et lez douz domangez continuelment ensegant, il devoit aler a procession, \30 deschauz, en poir et en lange, et tenanz unez vergez pour soi batre; et çou fait, \31 il devoit essir de l-aveschie, senz revenir, jusque a rapel dou dit abbé; et se li diz \32 abbez estoit trop cruelz de lui rapeler, li priours de Balelee ou li diz messir \33 Jehanz lou poouient rapeler a lour volenté. 7 Et comme li diz Borqui[n]z nen hait \34 porsegu lo dit arbitrage en tout nen en partie, maiz retornet l-endeman de la dite \35 jornee schuz lo dit champ et en getest la cherruhe et la mesnie es diz seignourz, \36 pour lo quel fait li diz abbez s-en alay plaindre et clamer es seignours d-Asuel \37 desuz diz. 8 Et li dit seignour d-Asuel i envoerent Borquart, lour scafenour, pour \38 panre sez gagez ou lo cors dou dit Borquin s-il ne pooit avoir gagez. 9 Et quant \39 li diz Borquarz fuz venuz por çou faire, li diz Borquinz et li diz Borquarz \40 veindront ensamble par devant dou dit abbé, et promit a dit abbé, par sa foi do\41nee en luec [de] saremont, que jemaix schuz lo dit champ ne monteroit ne contre \42 lo dit abbé ne feroit ne par soi ne par autru; pour quoi li diz schafenerez \43 lassa a panre et lui et ses gagez. 10 En aprez li diz (diz) Borquinz en chessay lez mesniez \44 et les cherrues es diz seignourz malement et travelousement, a tenz c-on dut \45 gaignier, et montai schuz lou dit champ et lou gaignay outre lo contredit \46 des seignourz d-Asuel desuz diz et de lour maire, par qu-il est enchois, es mans \47 des diz religiouz, de la dite poinne. 11 Et pour lez ditez enjurez, li diz abbez se \48 replaint es diz seignours d-Asuel por lo dit champ, dou quel il hai trait garant \49 Perrin lo Clerc, son frere. 12 Et aprez plusours jorneez tenuez, mise et arbitrage refui \50 faiz dez ditez partiez par la priere de bonez genz. Et nommay li diz abbez lo priour \51 de Balelee et Loviet de Cueve, escuer, et li diz Perrinz et Borquinz, ses \52 frerez, nommerent Jehan, chastelein de Plujousa, et Girot, de Corgenart, \53 por arbitres. Et se li dit arbitre ne pooent acorder, messir Cuenez de Mireval, \54 chevaliers, lez devoit acorder comme pardesuz ^[1]. 13 Et est a savoir que noz, priourz de Ba\55lelee et Loviez de Cueve, escuers, rendenz nostre droit en ceste forme \56 car nos disonz en droit, par lo conseil de bonez genz, que dou dit champ de la Fagiere, dou \57 quel li diz Perrinz wuet estre garanz, Borquin, sonz frere, ne rienz nen i avoit, \58 par ensi comme il est desuz dit, qu-il ne lo puet faire nen ^[2] estre garanz, se ensi \59 est que li diz abbez puisse acertener que li diz Borquinz li quiteit lo dit \60 champ, par ensi comme il est desuz devis, la quele quitance faite, nos disons que \61 li diz Perrins ne puet estre gairanz fors que de la partie que li diz Perrinz demande por soi, \62 se ensi est qu-il partie i doive avoir; la quel chose li diz abbez nee par son saremont \63 qu-il onquez ne li represtay aprez les anneez complies. Et li diz Perrinz dit qu-il wuet \64 prover que li diz Borquinz, sez frerez, ne doit avoir nul droit a champ desuz dit. \65 Aprez, nos, li dit arbitre, disonz en droit que li dit Perrinz et Borquinz doivent \66 rendre et oster lez diz religiouz de touz lez dommagez et de totez lez missionz et lez \67 costungez quil sont venu pour la dite cause, car nos les avons trové en \68 tort. Les qué domaiges, li dit religious aament et estement a diex lib. \69 d-estevenanz. 14 Et pour plus grant segurté faire de cez choses, je, diz Loviez, par la \70 volunté dou dit priour arbitre, hai mis mon seel en ces present escrit. 15 \71 Fait et doné le domange devant l-Ascension, l-an mil troix cenz et quinze.

Notes de transcription
^[1] Ainsi coupé: pardesuz.
^[2] Lire n-en?