Téléchargement du document

Documents linguistiques galloromans
Corpus : docJuBe (chJuBe)
Responsable du corpus : -
Édition de la charte : -

docJuBe022

1313, 12 mai.

Type de document: charte: vente

Objet: Vente par Perrin dit Monbarral, fils de feu Huguenin, fils de Dambillon, bourgeois de Porrentruy, avec le consentement d’Audete, sa femme, de Jacquet et de Viate, leurs enfants, à Perrin de Bourrignon, bourgeois de Porrentruy, pour 31 s. d’estevenants d’un courtil à Porrentruy; et garantie de la vente par Loviat de Cœuve, écuyer.

Auteur: Perrin dit Monbarral, fils de feu Huguenin, fils de Dambillon, bourgeois de Porrentruy.

Sceau: Loviat de Cœuve, écuyer, et conseil de Porrentruy.

Bénéficiaire: Perrin de Bourrignon, bourgeois de Porrentruy.

Support: Parchemin jadis scellé de deux sceaux sur double queue.

Lieu de conservation: Porrentruy, Archives de la Bourgeoisie, III E, 6.

Édition antérieure: Analyse par J. Trouillat, Monuments…, III, p. 694.

Verso: Perrin Monbarrals, d-une oyche doz la parriere. H. ( xiv^e siècle).

1 Je, Perrins diz Monbarrals, fiz çai en arriers Huguenin, fil Dambillon, borjois de Porreintru, 2 fai savoir a touz 3 que je, non mie \2 deceus ne losengies ne constrains d-aucun, mais sages et bien avisez et de ma bone volenté, et par les loz et par les volentez de \3 Audete, ma feme, et de Jaquet et de Vuiete, noz enfans, hai vendu et vent, pour moi et pour mes hoirs, pour touz jours-mais, au \4 miex que on puet faire vendition et plus fermement entendre, 4 a Perrin de Borregnon, borjois de Porreintru, et a ses hoirs, por \5 trente et un solt d-estevenans, nostre curtil gisant dedous la Perriere de Porreintru, entre la doe et le queminance dou dit leu; 5 les quex \6 trente et un sols d-estevenans desus diz je hai heüs et receus dou dit Perrin de Borreignon en bone monoie et bien numbree et de son \7 propre chatel, et les hai mis et despendus en mon profit, si que je m-en tieg pour bien paiés entierement. 6 Dou quel curtil je me sui des\8vestis et me desvest, et mes hoirs, pour touz jours-mais, et m-en sui mis et met fors de tenure et de possession, et le dit Perrin \9 et ses hoirs en hai envesti et envest, et l-en hai mis et met en bone tenure et leal et en bone possession pour touz jours-mais par ces \10 presentes lettres. 7 Et si hai promis et promet, pour moi et pour mes hoirs, par ma foi pour ce corporelment donee en leu de seire\11ment, que je n-irai contre ceste dite vendition par moi ne par autrui, coiement ne en apert, mais le tenrai, apaiserai, deffenderai \12 et garantirai, pour moi et pour mes hoirs, pour touz jours-mais au dit Perrin de Borregnon et a ses hoirs, en touz leus et en \13 toutes cours et en touz jugemens et deffors, contre touz, a mes propres despens et missions. 8 Et pour ce que li diz Perrins en soit \14 plus segurs, je li en hai mis et met bon garant Loviet de Cuve, escuier; et je, li diz Loviés, escuiers, hai promis et promet \15 par ma foy de porter bone garantie de la dite vendition dou dit curtil por le dit Perrin dit Monbarral, es mains dou dit \16 Perrin de Borregnon, par ensi comme il est dit desus et devisé. 9 En tesmoignage de la quele chose, je, par les requestes et par les loz et par \17 les volentez dou dit Perrin et de Audete, sa feme, et de Jaquet et de Vuiete, lor enfans, hai mis mon seal en ces presentes lettres. \18 Et a plus grande segurté havoir de ceste chose, nos havons proié et requis au consel de Porreintru que il i mettent lor seel; et nos, \19 li diz consels de Porreintru, es prieres et es requestes des diz Perrin et Audete, sa feme, de Jaquet et de Vuiete, lor enfans, et dou dit Lo\20viet de Cuve, escuier, havons mis nostre seel en ces presentes lettres ensamble le seel dou dit Loviet, escuier, en signe de verité. 10 \21 Faites l-an de grace corrant par mil trois cens et treze, le sambedi aprés la feste de saint Jehan devant Porte Latine, ou mois \22 de may.