Téléchargement du document

Documents linguistiques galloromans
Corpus : docJuBe (chJuBe)
Responsable du corpus : -
Édition de la charte : -

docJuBe021

1312, 11 mai.

Type de document: charte: vente

Objet: Vente par Perrin, fils de Jeannin Reincelin, bourgeois de Porrentruy, avec le consentement de Cécile, sa femme, autorisée par Willemet des Estals, son avoué, avec celui de ses père et mère, Jeannin et Aliate, ainsi qu’avec celui d’Ythenet, de Clemençon, de Sebiliat et de Cecillete, ses sœurs, à Jehannenet, de Courtemaîche, et à Agnelet, sa femme, fille de Morisset, bourgeois de Porrentruy, pour 6 l. 15 s. d’estevenants de leur maison à Porrentruy.

Auteur: Perrin, fils de Jeannin Reincelin, bourgeois de Porrentruy.

Sceau: Hugues, curé de Bressaucourt, Guillaume [de Châtillon], chapelain de Porrentruy, et conseil de Porrentruy.

Bénéficiaire: Jehannenet, de Courtemaîche, et Agnelet, sa femme, fille de Morisset, bourgeois de Porrentruy

Support: Parchemin jadis scellé de trois sceaux sur double queue; il subsiste un fragment de celui de Guillaume, chapelain de Porrentruy.

Lieu de conservation: AAEB, Chartes.

Édition antérieure: Publication par J. Trouillat, Monuments…, III, n° 104, p. 179-180 (à la date du 27 mai).

Verso: Lettre de une de nos masson a Porrentru, que fust Jehannenat de Cordemaiche prés de la vie que vest trens l-aule ( xiv^e siècle).

1 Je, Perrins, fiz Jehannin Reincelin, bourjois de Porreintru, 2 fai savoir a touz 3 que je, non mie deceus ne losengies \2 ne constrains d-aucun, mais sages et bien avisez et de ma bone volenté, et par les loz et par les voluntez de Secille, \3 ma feme, et de Vuillermet des Estals, son voué, dou dit Jehannin, mon pere, et de Alyete, sa feme, ma me\4re, et de Ythenet, de Climençon, de Sebiliet et de Secillete, mes serours, hai vendu et vent, pour moi et \5 pour mes hoirs, pour touz jours-mais, au miex que on puet faire vendition et plus fermement entendre, \6 4 a Jehanninet, de Cordemasche, et a Aignellet, sa feme, fille Morisset, borjois de Porreintru, pour six livres \7 et quinze solz d-estevenans, nostre maison seant en la ville de Porreintru, entre la maison es enfans Huguenet, \8 de Cortedou, qui fu, et la vie qui vait dois la hale dou dit leu contremont la ville, par devant la maison \9 dou dit Morisset; et touche par devant a la vie qui vait de chies Henri, le fil dame Anguenese, qui fu, vers \10 la porte a la Guille. 5 Les queles six livres et quinze solz de estevenans, je hai heu et receu des diz Jehanninet et \11 Aignellet, sa feme, en bone monoie et bien numbree et de lor propre chatel, et les hai mises et despendues \12 en mon profit et fait en hai ma volenté, si que je m-en tieg pour bien paiés entierement. 6 De la quele maison et \13 des appertenances dou dit leu je me sui desvestis et me desvest, et mes hoirs, pour touz jours-mais, et m-en \14 sui mis et met fors de tenure et de possession, et les diz Jehanninet et Aignellet, sa feme, et lor hoirs \15 en hai envesti et envest, et les en hai mis et met en bone tenure et leal et en bone possession pour touz jors\16mais par ces presentes lettres. 7 Et si hai promis et promet, por moi et por mes hoirs, par ma foi pour ce corporelment \17 donee en leu de seirement, que je n-irai contre ceste dite vendition par moi ne par autrui, coiement ne en apert, \18 mais le tenrai, apaiserai, garantirai et deffenderai, pour moi et pour mes hoirs, pour touz jours\19mais es diz Jehanninet et Aignellet, sa feme, et a lor hoirs, en touz leus et en toutes cours et en touz \20 jugemens et defors, contre toutes gens, a mes propres despens et missions. 8 La quele vendition nos, li dit \21 Secille, feme dou dit Perrenet, Vuillermés, ses vouez, Jehannins et Alyete, Ythenés, Climençons, Sebili\22és et Secillete confessons et cognoissons estre faite par noz loz et par noz volentez, par ensi comme il est desus \23 dit et devisé. 9 En tesmoignage de la quele chose, nos havons proié et requis a mon sire Hugue, curé de Bri\24saucourt, a mon sire Vuillame, chapelain de Porreintru, et au consel dou dit leu que il mettent lor seilz en \25 ces presentes lettres; et nos, li dit Hugues, curez de Brisaucourt, Vuillames, chapelains de Porreintru, \26 et li consels dou dit leu, es prieres et es requestes des diz Perrin, Secille, Vuillermet, Jehannin, Alyete, Ythenet, \27 Climençon, Sebiliet et Secillete, havons mis nos seils en ces presentes lettres en signe de verité. 10 Faites l-an de \28 grace corrant par mil trois cens et deuze, lo joesdi devant Penthecouste, ou mois de may.