Téléchargement du document

Documents linguistiques galloromans
Corpus : docJuBe (chJuBe)
Responsable du corpus : -
Édition de la charte : -

docJuBe019

1311 (n. st.), 28 février.

Type de document: charte: vente

Objet: Vente par Perrin dit Pagin, de Damphreux, à Perrin dit Vaydrel, de Porrentruy, écuyer, pour 10 l. d’estevenants de tout ce qu’il tient à Damphreux et à Lugnez du prieur et du couvent de Feldbach, à charge à l’acquéreur de payer chaque année le cens de 6 s. d’estevenants dû aux religieuses de ce lieu; et concession par Perrin dit Vaydrel à Perrin dit Pagin de ces biens en tenure héréditaire moyennant une redevance annuelle de 18 émines d’épeautre à la mesure de Porrentruy payable à la Saint-Martin, faute de quoi l’acquéreur pourra en disposer.

Auteur: Perrin dit Pagin, de Damphreux.

Sceau: Jean, doyen d’Ajoie, et conseil de Porrentruy

Bénéficiaire: Perrin dit Vaydrel, de Porrentruy, écuyer.

Support: Parchemin jadis scellé de deux sceaux sur double queue.

Lieu de conservation: AAEB, B 239 Ajoie/103.

Édition antérieure: Analyse par J. Trouillat, Monuments…, III, p. 689-690 (à la date du 28 février 1310).

Verso: Pertinent mon sy R. Waydrel ( xiv^e siècle).

1 Je, Perrins diz Pagins, de Danfruel, 2 fai savoir a touz 3 que je, non mie deceus ne losengiés ne constrains \2 d-aucun, mais sages et bien avisez et de ma bone volenté, hai vendu et vent, pour moi et pour mes hoirs, \3 pour touz jours-mais, au miex que on puet faire vendition et plus fermement, 4 a Perrin dit Vadrey de Por\4reintru, escuier, et a ses hoirs pour dix livres de estevenans tout quanque je hai et tieg et puis et doi \5 tenir et havoir a Danfruel et a Luygney de-l eglyse de Vuelpasch et dou priour dou dit leu, soit en \6 terre arable et non arable, en ouches, en chasals, en bois, en prez et en toutes autres choses queles que \7 eles soient, en tele maniere que li diz Perrins en doit paier chescun an six sols de la dite monoie de cense \8 es dames de la dite eglyse de Vuelpasch. 5 Les queles dix livres desus dites je hai heues et receues \9 dou dit Perrin dit Vadrey, escuier, en bone monoie et bien numbree et de son propre chatel, et les hai mises \10 et despendues en mon profit, si-que je m-en tieg pour bien paiez entierement. Des quex choses desus dites je \11 me sui desvestis et me desvest, et mes hoirs, pour touz jours-mais, et m-en sui mis et met fors de tenure \12 et de possession, et le dit Perrin Vadrey, escuier, et ses hoirs en hai envesti et envest, et les en hai mis et met \13 en bone tenure et leal et en bone possession pour touz jours-mais par ces presentes lettres. 6 Et si hai promis \14 et promet, pour moi et pour mes hoirs, par ma foy pour ce corporelment donee en leu de seyrement, que je n-i\15rai contre ces dites covenences ne contre ceste dite vendition par moi ne par autrui, coiement ne en apert, \16 mais les tenrai, apaiserai, garantirai et deffenderai, pour moi et pour mes hoirs, pour touz jours\17mais es diz Perrin dit Vadrey, escuier, et a ses hoirs, en touz leus, en toutes cours et en touz juge\18mens et defors, contre toutes gens, a mes propres despens et missions. 7 Les queles choses desus dites \19 je, li diz Perrins diz Vadrez, escuiers, hai laissie et laissoi, pour moi et pour mes hoirs, en droit feu au dit \20 Perrin dit Pagin et a ses hoirs pour dix et huyt emines de espeaute a la mesure de Porreintru, a \21 paier chescun an a moi ou a mon commandement a la feste de saint Martin d-yver, en tele maniere \22 que, se il ne me paioit chescun an au terme desus dit les dites dix et huyt emines de espeaute, ou a mon \23 commandement, ensi comme il est dit desus, je torneroie sus les dites choses comme sus les moies pro\24pres et les laisseroie a autrui, se il me plaisoit, et en feroie entierement mon plaisir et ma propre vo\25lenté. 8 En tesmoignage de la quele chose, nos, li dit Perrins diz Pagins et Perrins diz Vadrez, escuiers, \26 havons proié et requis a sages homes et honestes, mon sire Jehan, doyen de Ajoye, et au consel de Por\27reintru que il metent lor seals en ces presentes lettres; et nos, Jehans, doyens de Ajoye, et li consels de \28 Porreintru desus dit, es prieres et es requestes des diz Perrin dit Pagin et Perrin dit Vadrey, escuier, ha\29vons mis noz seals en ces presentes lettres en signe de verité. 9 Faites l-an de grace corrant par mil \30 trois cens et dix, le derrier jour dou mois de fevrier.