Téléchargement du document

Documents linguistiques galloromans
Corpus : docJuBe (chJuBe)
Responsable du corpus : -
Édition de la charte : -

docJuBe017

1310, 2 décembre.

Type de document: charte: vente

Objet: Vente par Vernier d’Undervelier, écuyer, fils de feu Jean, chevalier, à Perrin dit Braichet, de Courtedoux, pour 4 l. 10 s. d’estevenants de sa colonge, ayant appartenu à Girart, fils de feu Bourquin Éspavelart; et octroi par l’acheteur d’un droit de réméré à exercer pendant douze ans au prix de 4 l. 11 s. de la même monnaie.

Auteur: Vernier d’Undervelier, écuyer.

Sceau: Thierri, curé de Courtedoux, et d’Hugues, curé de Bressaucourt

Bénéficiaire: Perrin dit Braichet, de Courtedoux

Support: Parchemin jadis scellé de deux sceaux sur double queue.

Lieu de conservation: AAEB, Chartes.

Verso: Littera Breschat ( xiv^e siècle).

1 Je, Vuarniers d-Rondevelier, escuiers, fiz mon sire Jehan, chevalier, qui fu, 2 fai savoir a touz ces qui verront et orront ces presen\2tes lettres 3 que je hai vendu et vent, pour moi et pour mes hoirs, au miex que on puet faire vendition et plus fermement \3 entendre, 4 a Perrin dit Brachet, de Cortedou, et a ses hoirs pour quatre livres et dix sols de estevenans, ma colonge de \4 terre qui fu ça en arriers Gyrart, le fil Borquin Espavelart, qui fu. 5 La quele somme d-argent je hai heue et receue dou \5 dit Perrin Brachet en bone monoie et bien numbree et de son propre chatel, et l-ai mise et tornee en mon profit et fait en \6 hai ma volenté, si que je m-en tieg pour bien paiés entierement. 6 De la quele colonge de terre je me sui desvestis et me des\7vest, et mes hoirs, et m-en sui mis et met fors de tenure et de possession, et le dit Perrin dit Brachet et ses hoirs en hai \8 envesti et envest, et l-en hai mis et met en bone tenure et leal et en bone possession par ces presentes lettres. 7 Et si hai pro\9mis et promet, par ma foi pour ce corporelment donee en leu de seirement, que je n-irai contre ceste dite vendition ne con\10tre ces dites covenences par moi ne par autrui, coiement ne en apert, mais les tenrai, apaiserai, deffenderai et garantirai, \11 pour moi et pour mes hoirs, au dit Perrin dit Brachet et a ses hoirs, en touz leus, en toutes cours et en touz jugemens \12 et defors, contre toutes gens, a mes propres despens et missions. 8 Et je, li diz Perrins diz Brachés, vuel et outroi que, toutes les fois \13 que li diz Vuarniers porra et vorra racheter la dite colonge de terre dedens douze ans continuelment et entierement ensegans la con\14fection de ces lettres, de moi ou de mes hoirs, de quatre livres de estevenans et de onze sols de la dite monoie, que il les rait \15 quittement et ligement comme devant; et se il ne le rachetoit dedens le dit terme de la dite somme d-argent, ele \16 demore et est quittement et ligement moie et a mes hoirs pour touz jours-mais. 9 En tesmoignage de la quele chose, nos, \17 li dit Vuarniers, escuiers, et Perrins diz Brachés, havons proié et requis a sages homes et honestes, mon sire Thierri, \18 curé de Courtedou, et mon sire Hugue, curé de Brisaucourt, que il metent lor seals en ces presentes lettres; et nos, li \19 dit curé Thierris et Hugues, es prieres et es requestes des diz Vuarnier d-Ondrevelier, escuier, et de Perrin dit Brachet, \20 havons mis noz seals en ces presentes lettres en signe de verité. 10 Faites l-an de grace corrant par mil trois cens et \21 dix, le mercredi aprés la feste saint Andreu, ou mois de decembre.