Téléchargement du document

Documents linguistiques galloromans
Corpus : docJuBe (chJuBe)
Responsable du corpus : -
Édition de la charte : -

docJuBe012

1307, 13 juillet.

Type de document: charte: promesse

Objet: Promesse par Nicolete, veuve de Bernier, prévôt de Porrentruy, de remettre au prévôt et au chapitre de Moutier-Grandval les titres qu’elle pourra retrouver concernant les trois quarts de la dîme de Bonfol qu’elle tenait du chapitre de Moutier-Grandval et qu’elle lui a vendus (voir n° 11), ce qu’elle n’avait pu faire au moment de la vente; et déclaration de nullité pour les titres qui pourraient lui rester.

Auteur: Nicolete, veuve de Bernier, prévôt de Porrentruy

Sceau: Guillaume de Châtillon, curé de Porrentruy, Pierre Machelaire, chevalier, Perrin dit Vaydrel, avoué de Nicolete, et conseil de Porrentruy.

Bénéficiaire: Orévôt et chapitre de Moutier-Grandval

Support: Parchemin jadis scellé de quatre sceaux sur double queue. Sur la première attache on lit: « … seant entre la terre… pour le pris de huyct li[vres] »; sur la deuxième: « … de Porraintrui…, escuier, et la terre de Henr[i]… gyr… Vilare; item, une au[tre] »; et sur la troisième: « … une autre piece de [terre se]ant entre la terre de Henri, fil… »

Lieu de conservation: AAEB, A 55/36.

Verso: Prepositus Bernardus quitavit tres partes decime in Bunfo ( xiv^e siècle).

1 Je, Nicholete, feme çai en arriers Bernier, prevost de Porreintru, 2 fai savoir a touz 3 que, comme je tenisse \2 en fief de mes amez seignours, dou prevost et dou chapitre de Moustiers Grans Vaus, les trois parties \3 dou desme de Bonfou et en heusse bones lettres de lour, une ou plusours, seelees de seax autentiques, \4 comme dou seel mon seignor l-evesque de Balle çai en arriers, dou seel dou tabellion dou pape et de lour \5 seel ensement, 4 les queles trois parties dou dit desme je, par les loz, les consentemens et les voluntez de Perrins Va\6drey, mon voé, et de Henri dit Malegoule, mon fil, lour hai vendu et a lor successours, pour moi et pour mes \7 hoirs, pour touz jours-mais, pour cinquante et sept livres de estevenans et pour quarante solz et un quarrez de froment \8 que je lor devoie chescun an de cense, de par Perrin, mon fil, qui fu, çai en arriers lor conchenoines de l-eglyse de Moustiers \9 Grans Vaus dessus dit. 5 Les queles cinquante et sept livres desus dites je hai heues et receues de mes desus diz \10 seignours, le prevost et le chapitre dou dit leu, en bone monnoie et bien numbree, et l-ai mise et despendue en mon \11 profit, si que je m-en tieg pour bien païe entierement. 6 Les queles lettres desus dites je lor heússe covent de rendre \12 et delivrer ensamble les dites trois parties dou dit desme, la quele chose je n-ai peu ne puis faire. 7 Je promet, \13 par mon seirement doné corporelment sus sains evvangiles et sus l-obligation de touz mes biens moebles et non \14 moebles, presens et a-venir, ou que il soient, que toutes les lettres que je troverai et porrai trover, en-quel leu et en quel \15 tans que ce soit, qui facent mention dou dit desme quant a la tenour de ces lettres, je lor renderai et deliverrai ou a-lor \16 successours ou a-lor commandemens. 8 Et se autres, quex que il fust, en trovoit aucunes, ou que ce fust, je vuel et outroi, \17 pour moi et pour mes hoirs, que eles soient de nulle valour et soient dou tout anullees, pour moi et pour mes \18 hoirs, a touz jours-mais. 9 En tesmoignage de la quele chose, je hai proié et requis a sages homes et honestes, mon \19 seignor Vuillame de Chastellon, curé de Porreintru, mon seignor Pierre Macelaire, chevalier, Perrin dit Vadrey, mon \20 voé desus dit, et au consel de Porreintru que il metent lor seax en ces presentes lettres; 10 et nos, li dit Vuillames, Pier\21res, Perrins et li diz consels, es prieres et es requestes de la dite Nicholete, havons mis noz seax en ces presentes \22 lettres en signe de verité. 11 Faites l-an de grace corrant par mil trois cens et sept, le joesdi deva[n]t la feste de la \23 Division des Apostres, ou mois de jule.