Téléchargement du document

Documents linguistiques galloromans
Corpus : docJuBe (chJuBe)
Responsable du corpus : -
Édition de la charte : -

docJuBe011

1307, 13 juillet.

Type de document: charte: vente

Objet: Vente par Nicolete, veuve de Bernier, prévôt de Porrentruy, avec le consentement de Perrin dit Vaydrel, écuyer, son avoué, et d’Henri dit Malegoule, son fils, au prévôt et au chapitre de Moutier-Grandval pour 57 l. d’estevenants et moyennant la remise d’un cens de 40 s. de bâlois et d’un « quarré » de froment qu’elle leur devait annuellement de ses droits sur les trois quarts de la dîme de Bonfol qu’elle tenait desdits prévôt et chapitre de par feu son fils Perrin, chanoine de Moutier-Grandval; et promesse par le prévôt et le chapitre de donner annuellement pour le repos de l’âme dudit Perrin: 30 s. de bâlois pour la célébration de la Fête-Dieu, dix sous pour l’anniversaire et, en faveur des pauvres, un « quarré » de blé à la mesure de Moutier-Grandval le jour de son anniversaire.

Auteur: Nicolete, veuve de Bernier, prévôt de Porrentruy

Sceau: Guillaume de Châtillon, curé de Porrentruy, de Pierre Machelaire, chevalier, de Perrin dit Vaydrel, et du conseil de Porrentruy.

Bénéficiaire: Prévôt et chapitre de Moutier-Grandval

Support: Parchemin jadis scellé de quatre sceaux sur double queue. Sur la deuxième attache on lit: « temporis dispendium caveatur… aguntur scriptis roborari. Noverint igitur universi ad quorum ten[or]… »; sur la troisième: « …fiz… çai en arr[iers]… savoir a touz que… »; sur la quatrième: « …de Estevenin de … et de… de Vilar desus Fonten[ois] touchans d-une part a la terre monsire… ».

Lieu de conservation: AAEB, A 55/36.

Verso: Littere vendicionis tercie partis decimarum in Bonfol ( xiv^e siècle).

1 Je, Nicholete, feme çai en arriers Bernier, prevost de Porreintru, 2 faiz savoir a touz 3 que je, non \2 mie losengie, deceue ne constrainte d-aucun, mais sage et bien avisee et de ma bone volenté, \3 par les loz, par les consentemens et par les volentez de Perrin dit Vadrey, escuier, mon voé, et de \4 Henri dit Malegoule, mon fil, ven, quitte, outrie et delivre, pour moi et pour mes hoirs, \5 a touz jours-mais, au miex que on puet faire vendition et plus fermement entendre, 4 au \6 prevost et au chapitre de Moustiers Granz Vaus, et a-lor successours, tel droit, tele raison et \7 tele reclamation que je hai, puis et doi havoir en quele maniere que ce soit ou desme de Bonfou: \8 ce est a savoir les trois parties dou dit desme, la quele chose je tenoie des desus diz mes seignors \9 le prevost et le chapitre de Moustiers Granz Vaus, pour cinquante et sept livres de estevenans et pour \10 quarante solz de balois et un quarrez de froment que je lor devoie chescun an de cense, de par Perrin, \11 mon fil, qui fu, çai en arriers chanoines de eglyse dou dit Moustiers Granz Vaus. 5 Les queles cinquante et \12 sept livres desus dites je hai heues et receues de mes diz seignors le prevost et le chapitre dou dit \13 leu en bone monnoie et bien numbree, et les hai mises et tornees en mon profit, si que je m-en tieg pour \14 bien païe entierement pour touz jours-mais. 6 Des queles trois parties dou dit desme je me sui desvestie, \15 et mes hoirs, pour touz jours-mais, et mise fors de tenure et de possession, et les desus diz mes \16 seignors le prevost et le chapitre dou dit Moustiers Granz Vaus et lor successours en hai envesti et \17 envest, et mis en bone et leal tenure et possession pour touz jours-mais par ces presentes lettres. \18 7 Et hai promis et promet, pour moi et pour mes hoirs, par mon seirement doné corporelment sus sains \19 evvangiles et sus l-obligation de touz mes biens moebles et non moebles, presenz et a-venir, ou que \20 il soient, que je n-irai contre la dite vendition par moi ne par autrui ne consentirai que autres i viegne, \21 coiement ne en apert, en court ne defors court, en jugement ne defors jugement, ne en autre \22 maniere quex que ele soit, mais garantirai, apaiserai et deffenderai, pour moi et pour mes hoirs, \23 les dites trois parties dou dit desme es desus diz le prevost et le chapitre dou desus dit leu pour toz \24 jours-mais, en touz leux et contre toutes genz, a mes propres despens et missions. 8 Et nos, li prevoz \25 et li chapitres de Moustiers Granz Vauz dessus dit, prometons, par noz bones fois, pour nos et pour noz suc\26cessours, que nos, dois le jour de la confection de ces lettres en avant a touz jours-mais, donrons \27 ou ferons doner, chascun an continuelment ensegant la dite confection de ces lettres, pour l-arme dou \28 dit Perrin, nostre conchanoine, trente solz de bons balois pour faire et celebrer la feste et l-office dou \29 Cors Nostre Seignour, et dix solz de la dite monnoie pour son anniversaire, et un quarrez de blef a la \30 mesure de Moustiers Granz Vaus pour doner es povres genz le jour de son anniversaire. 9 Renun\31çans en cest fait, nos, Nicholete, Perrins, Henris, li prevoz et li chapitres desus dit, a tout barat, \32 a tout decevement, a touz drois, a touz us, a toutes coustumes, a touz privileges, et especi\33alment je, la dite Nicholete, a-l-exception de deception outre la moitie dou droiturier pris, a \34 l-exception que je n-aie heu et receu entierement les dites cinquante et sept livres de estevenans, a-droit \35 qui dit que generax renuntiations ne vaut se-li especials ne vait devant, et a toutes autres rai\36sons et exceptions qui me porroient aidier et a mes hoirs a venir contre ces covenences, et \37 es devant diz le prevost et le chapitre de Moustiers Granz Vauz et a lour successours nuire. 10 En \38 tesmoignage de la quele chose, nos, li devant dit Nicholete, Perrins, Henris, li prevoz et li \39 chapitres de Moustiers Granz Vaus, havons proié et requis a sages homes et honestes, mon seig\40nour Vuillame de Chastellon, curé de Porreintru, mon seignor Pierre Machelaire, chevalier, Perrin \41 dit Vadrey, voé de la dite Nicholete, et au consel de Porreintru que il metent lor seax en ces presen\42tes lettres; 11 et nos, li dit Vuillames, curez de Porreintru, Pierres diz Machelaires, chevaliers, Per\43rins diz Vadreiz, voez de la dite Nicholete, et li consels de Porreintru, es prieres et es reques\44tes des devant diz Nicholete, de moi, Perrin, de Henri, dou prevost et dou chapitre de Mous\45tiers Granz Vaus, havons mis nos seax en ces presentes lettres en signe de verité. 12 Faites l-an \46 de grace corrant par mil trois cens et sept, le joesdi devant la feste de la Division des Apos\47tres, ou mois de jule.