Téléchargement du document

Documents linguistiques galloromans
Corpus : docJuBe (chJuBe)
Responsable du corpus : -
Édition de la charte : -

docJuBe010

1307, 3 avril.

Type de document: charte: vente

Objet: Vente devant Horriet de Sonvilier, écuyer, prévôt de Porrentruy, par Jean, de Miécourt, fils de feu Vallat, maire, avec le consentement de Catherine, sa femme, et de leurs enfants ainsi qu’avec celui d’Othenet, son frère, avoué de Catherine, à Pierre Machelaire, chevalier, demeurant a Porrentruy, pour 28 l. 10 s. de bâlois de neuf « schatz » de vigne au vignoble de Cernay, provenant de sa femme.

Auteur: Jean, de Miécourt, fils de feu Vallat, maire

Sceau: Guillaume de Châtillon, curé de Porrentruy, Henri, curé de Charmoille, et conseil de Porrentruy.

Bénéficiaire: Pierre Machelaire, chevalier, demeurant a Porrentruy

Autres Acteurs: Témoins: Willemin dit Rousset, de Cœuve; Thomas de Chevenez, écuyer; Henri dit Malegoule, bourgeois de Porrentruy; Henri dit Tue-Dieu, de Miécourt; Henriet, de Courgenay, maire d’Ajoie; et Perret, maire de Cornol.

Support: Parchemin jadis scellé de trois sceaux sur double queue; il subsiste celui de Guillaume de Châtillon, curé de Porrentruy.

Lieu de conservation: AAEB, Chartes.

Édition antérieure: Publication par J. Trouillat, Monuments…, III, n° 56, p. 109-111 (à la date du 7 avril).

Verso: Lettres de vineis in Hufol ( xiv^e siècle).

1 Je, Jehans, de Miecourt, fiz çai en arriers au maire Vallet, 2 fai savoir a touz 3 que je, non mie losengiez, \2 deceuz ne constrains d-aucun, mais de ma bone et franche volunté, et par le loz, par le consentement \3 et par la volunté de Katherine, ma feme, et de noz enfans, et par le loz, par le consentement et par la volunté \4 de Othenet, mon frere, voé de la dite Katherine, ma feme, ven, quitte, outrie et delivre a touz jours\5mais, pour moi et pour mes hoirs, 4 a mon seignor Pierre Macelaire, chevalier, demorant a Porreintru, et a ses \6 hoirs, nuef schatz de vigne gisans ou territoire et ou vignoble de Seyreney, movans de par ma feme, \7 pour le pris de vint et huyt livres et dix sols de bons baloys. 5 La quele somme d-argent je hai heue et \8 receue dou dit mon seignor Pierre en bone monnoie et bien numbree, et l-ai mise et despendue en mon profit, si \9 que je m-en tieg pour bien paiez entierement. 6 Des quex nuef schatz de vigne, nos, li dit Jehans et Katheri\10ne, sa feme, nos sommes desvesti et desvestons, et nos en sommes mis fors de tenure et de possession par devant \11 Hourriet de Sonvelier, escuier, prevost de Porreintru, en justise seant, et le dit mon seignor Pierre Macelaire, \12 chevalier, et ses hoirs en havons envesti et envestons, et les en havons mis en bone tenure et loial et en bone \13 possession a touz jours-mais par ces presentes lettres. 7 Et si havons promis et prometons, por nos et por noz hoirs, \14 par noz fois pour ce corporelment donees en leu de seirement et sus l-obligation de touz noz biens moebles \15 et non moebles, presens et a-venir, ou que il soient, que nos n-irons contre la dite vendition par nos ne par autrui, en \16 jugement ne defors jugement, ne en nulle autre maniere quele que ele soit, mais le maintendrons, apaiserons, \17 garantirons et deffenderons a touz jours-mais, por nos et por noz hoirs, au dit mon sire Pierre et a ses \18 hoirs, a nos propres despens et missions. 8 Et je, la dite Katherine, por ce que les choses dessus dites sont et moe\19vent de par moi, par le loz et par le consentement et par la volenté et par la requeste dou dit Othenet, mon voé, loe, ou\20troie et consente la dite vendition estre faite, sans jamais rapeller de moi ne des miens, par ensi comme il est \21 desus dit et devisé, par mon seirement doné et juré especialment sus saintes evvangiles par devant le dit Horriet, \22 prevost de Porreintru, en justice seant. 9 Et renunçons en cest fait, de certaines sciences, nos, li dit Jehans, Katheri\23ne et Othenez, a touz drois, a touz us, a toutes coustumes, a touz privileges de mariage et de doaile et a toz \24 autres privileges quex que il soient, a tot barat, a tot decevement, a l-exception que nos, li dit Jehans et Katheri\25ne, n-aiens heu et receu les dites vint et huyt livres et dix sols de balois en bone monnoie et bien numbree \26 et mises et despendues en nostre profit, a l-exception de deception outre la moitie dou droiturier pris, a droit \27 qui dist que generax renunciations ne vaut se li especials ne vait devant, et a toutes autres raisons et exceptions \28 qui nos porroient aidier et a nos hoirs a venir contre ces covenences et au devant dit mon seignor Pierre et a ses \29 hoirs nuire. 10 A ces covenences faire furent present cist desous escript: Vuillermins diz Roussés, de Cuve, Thomas \30 de Cheveney, escuier, Henris diz Malegoule, borjois de Porreintru, Henris diz Tuedeu, de Miecourt, Henriez, \31 de Corgenay, maires de Ajoye, et Perroz, maires de Coronot. 11 En tesmoignage de la quele chose, nos, li dit Je\32hans, Katherine et Othenez, havons proié et requis a sages homes et honestes, mon seignor Vuillame de Chastel\33lon, curé de Porreintru, mon seignor Henri, curé de Charmailles, et au consel de Porreintru que il metent lor \34 seax en ces presentes lettres; 12 et nos, Vuillames et Henris dessus dit, curé, et li consels de Porreintru, es prieres \35 et es requestes des devant diz Jehan, Katherine et Othenet, havons mis noz seax en ces presentes lettres \36 en signe de verité. 13 Faites l-an de grace corrant par mil trois cens et sept, le lundi aprés l-uytave de Pasques, \37 ou mois d-avril.