Téléchargement du document

Documents linguistiques galloromans
Corpus : docJuBe (chJuBe)
Responsable du corpus : -
Édition de la charte : -

docJuBe009

1305, 26 avril.

Type de document: charte: vente

Objet: Vente par Frechin de Beurnevésin, « donzel », fils de feu Vocellet, « donzel », avec le consentement d’Agnelet, sa femme, de Lene et de Jeannete, ses sœurs, à Perrin, chanoine de Moutier-Grandval, fils de feu Bernier, prévôt de Porrentruy, pour 56 l. d’estevenants de la dîme de Bonfol qu’il tenait du chapitre de Moutier-Grandval.

Auteur: Frechin de Beurnevésin, « donzel », fils de feu Vocellet, « donzel »,

Sceau: Jean, doyen d’Ajoie, et conseil de Porrentruy.

Bénéficiaire: Perrin, chanoine de Moutier-Grandval, fils de feu Bernier, prévôt de Porrentruy.

Support: Parchemin jadis scellé de deux sceaux sur double queue.

Lieu de conservation: AAEB, A 55/36.

Verso: Danfruel (xiv^e siècle). — Venditio decimarum Bonfol (xiv^e siècle).

1 Je, Frichins, doncés, de Burnevesin, fiz c-en-ariers Vocellet, doncel, qui fuy, 2 fez savoir a toz ces qui verunt ou orunt ces presen\2tes lettres 3 que je, pour mon grant profeit, neant soduz ne losengiez nei controinz ne baretez, mas par mon seint sent \3 et par ma bone voluntey, ay venduy, vendoy, delivrey et delivroy, esquitie et esquitoy, par les voluntez et les consentemenz de Aignelet, \4 ma fome, et de mes suers, Lene et Jehanete, au miauz et a-plus fermement qu-on puet et qu-on doit fere vendition, \5 senz gemaix (senz gemaix) rapeller, 4 a Perrin, chenoyne de Mostier Granval, fil c-en-ariers Bernier, qui fuy, prevost de \6 Porraintruy, 5 mon dieme de Bonfol lossuix ^[1] que je tenoe dou chepitre de Mostier Granval, pour cinquante et seix libres de este\7venans, les ques je ay heu et recehu dou dit Perrin en bone monoe bien numbree, et mis et despanduy les ay en \8 mon profeit et feit en ay ma voluntey, si que-je m-en tieng pour bien paiez entierement. 6 Et dou dit dieme je me \9 sues desvestuz, desvest, mis et met fuer de tenure et de possession, pour moy et pour mes hoirs. 7 Et nos, Aignelez, fome \10 dou dit Frichin, Lene et Jehanete, ses suers, pour nos et pour nostres hoirs, et lou devant dit Perrin et les suens, neant \11 sedutes ne losengies ne controintes, mas par nostres bones voluntez, et je, li diz Frichins, en evons revestuy, revestons, \12 mis et metons en bone et liaul tenure et possession. 8 Et je, li diz Frichins, Aignelez, sa fome, Lene et Jehanete, suers \13 dou dit Frichin, hevons promis et prometons, par nostres foiz pour ce donees corporalment et par nostres sairemenz juriez sor sein\14tes ewangiles, que nos ceste vendue ne rapellerons ne encontre ^[2] irons ne gemaix par nos ne par altruy ne fe\15rons ne consentirons encontre aler ne rapeller, mas je, li diz Frichins, le garantiray a mes costes et a-mes \16 missions au dit Perrin et es suens, senz lour costes et senz lour domaiges, devant touz juges, encontre totes \17 persones, en totes corz et en toz lues et en toz tens quant je seroe requis de garantie dou dit Perrin ou des suens, \18 et li promet, par ma foy devant dite, que je lou geteray de totes les costes et domaiges qu-il ou li suen encorroent de par \19 ceste chose se-nuns encontre lour en aloit. 9 Et je, li diz Frichins, Aignelet, sa fome, Lene et Jehanete, ses suers, re\20nunçons en ces fait [a] toz droiz escriz et non escriz, de canon, de lois, de citey, de bur et de moire lue, toz us, totes co\21stumes, totes raisons, totes exceptions que qu-eles soent, ou de-fait ou de droit, especialment lou droit disant \22 generaus renunciacion neant valoir se especiaus ne vient devant, le exception de pecune neant peïe, neant \23 delivree, neant numbree, neant en nostres us tornee, le exception de voirie, l-eception et lou privileige de doaire, l-e\24ception divi Adriani et totes altre raison et exceptions que c-en-aprees nos porroent aidier et a nostres hoirs, \25 et au dit Perrin et es suens grever, pour aler encontre ceste vandue. 10 En tesmoignage de ceste chose, nos, \26 li diz Frichins, Aignelez, sa fome, Lene et Jehanete, ses suers, hevons prié et requis a honestes homes, a mon \27 seignour Jehan, doyen de Ajoye, et au consoil de Porraintruy, quil hunt seelley ces presentes lettres, li diz mes si \28 Jehanz dou suen seel et li diz consos dou seel a-le vile de Porraintruy; 11 et nos, Jehanz, doyens de Ajoye, et nos, li con\29sos de-le vile de Porraintruy, hevons ceste presente lettre seellee, nos, li diz Jehanz, de nostre seel et nos, li diz consos, dou seel \30 a-le dite vile de Porraintruy, a-le priere et a-le requeste des persones desus escrites, Frichin, Aignelet, Lene et Jehane\31te, en certey tesmoignage de ceste chose. 12 Faite et donee l-an Nostre Seignour mil troix-cenz et cing, lou lundi a\32prés le feste seint Marg ewangelistre.

Notes de transcription
^[1] Lecture douteuse.
^[2] Ainsi coupé: en contre.