Téléchargement du document

Documents linguistiques galloromans
Corpus : chartes de Douai (chDo)
Responsable du corpus : Martin-D. Glessgen
Édition de la charte : Monique Mestayer / Thomas Brunner

chdouai0455

1270, juin. – Douai.

Type de document: charte: testament

Objet: Testament de Thierry Du Marés prévoyant de régler ses dettes et de donner le reste à sa femme Emmain, ou à Aelis la fille de cette dernière en cas de décès de son épouse.

Auteur: non annoncé, échevins de Douai.

Disposant: Thierry Du Marés

Sceau: non scellé; devise chirographaire: CY-RO-GRA-PHUM

Bénéficiaire: Ses créanciers; Emmain, sa femme, Aelis, fille d'Emmain.

Autres Acteurs: échevins de Douai: Raoul le Carpentier, Sohier le Petit.

Support: Original parchemin chirographe superposé bipartite - partie inférieure.

Lieu de conservation: AM Douai, FF 861/32598.

Verso: C'est devise Tieri dou Marés.

1 Sacent tout cil ki sunt et ki a-venir sunt que Tieris dou Marés a-fait se devise \2 et sen testament en tele maniere com chi aprés ert devisseit. Tout au conmencement, il velt \3 et otrie aprés sen deciés que ses detes boinnes et loiaus soient paies tout avant; apriés chou, il \4 donne et otrie aprés sen deciés tout sen remanant qui de lui demoerra, a Emmain, se feme, a \5 faire toute se volenté; et si velt Tieris devant dis que s'il avenoit cose que Emme devant dite \6 alast de vie a-mort ançois que Thieris devant dis, Tieris velt que chou qu'il a devisset \7 a Emmain, se feme, que il soit tout a-Alis, le fille de celi Emmain, apriés le deciés Tieri devant \8 dit a-faire toute se volenté. Et toute ceste devise a-faite Tieris devant dis en tele ma\9niere qu'il le puet muer et rapieler et faire dou sien se volenté toute se vie. A \10 ceste devise furent coume eschevin Raols li Carpentiers et Sohiers li Petis, en \11 l'an del Incarnation ^[1] .M.CC. et. LXX., el mois de june.

Notes de transcription
^[1] Incacionms.