Téléchargement du document

Documents linguistiques galloromans
Corpus : chartes de Douai (chDo)
Responsable du corpus : Martin-D. Glessgen
Édition de la charte : Monique Mestayer / Thomas Brunner

chdouai0446a

1270, 13-30 avril. – Fressain.

Type de document: charte: vente et vêture

Objet: Vente par Gaubert de Fressain de 6 rasières de blé à rente valant chacune 6 den. par. à Erembourt d’Auby, maîtresse de l’hôpital des Wetz. La rentrée de la rente est garantie par la vêture de 4 rasières de terre à Fressain données à Erembourt.

Auteur: non annoncé, échevins de Douai.

Disposant: Gaubert de Fressain.

Sceau: non scellé; devise chirographaire: CI-RO-GRA-PHE

Bénéficiaire: Erembourt d’Auby, maîtresse de l’hôpital des Wetz.

Autres Acteurs: Représentant du seigneur de Fressain: Pieron Le Maire - Jugeurs: Riquier de Bugnicourt, Gérard de Corbehem, Vincent, son frère, Sohier Le Fevre, Jehan Viellars, Mahaut Le Mairesse, Leurent fils d'Amauri et Enguerran.

Support: Original parchemin chirographe bipartite - partie supérieure.

Lieu de conservation: AM Douai, 2NC1239, anc. cote: AH Douai, Fonds du Béguinage dit des Wetz, n° 890.

Verso: C'est l'ospital des Weis de Douay. Et est as-savoir que Jehans Bouriaus de Buignicourt a-reconnut le cirographe estre boine et souffissant en le maniere que d'autre part est contenut. A ceste reconnissance fu par l'assentement des parties conme maires de Fressaing Rikiers li Leurens etconme eschevin de Fressaing, par l'assent des parties, Jehans li Fevres, Sandrars de Marke, Seghars Hues li Fures, Amourris li Leurens, Jakemes li Alars et Gobers Potins. Ce fu fait l'an .M. CCC. et .XIIII., el mois de fevrier, le diemence prochain aprés le Bouhourdich.

1 Sacent tout cil ki-sont et ki a-venir sont ke Gobiers de Fresaing a vendut et verpit a Erembourt d'Aubi, maistrese et porvesrese del hos\2pital de Saint Sprit ki siet dedens le porte des Weis a Douay, sis rasieres de bleit de rente hiretavelement, si vaillant ke a sis \3 deniers paresis priés dou milleur bleit chascune rasiere, a rendre et a paier chascun an a Douay en l'ospital devantdit dedens le fieste \4 Nostre Dame Candeler. Et de chou en a fait Gobiers devant-nomeis assenement a le devantdite Erembourt sor quatre rasieres de \5 tiere ki sient ou tieroir de Fresaing au Pire artisien; et ces quatre rasieres de terre doit on prendre en siet rasieres et deus \6 coupes de terre ke ciels Gobiers i-a en une piece, si les doit on prendre au leis devers Aubegni; et cest assenement fist Go\7biers en tele maniere ke ces quatre rasieres de terre il porta et mist en le main Pieron le Maieur ki estoit ou liu le sig\8neur por ahireter Erembort devant nomee par devant les jugeurs de celi terre et ciels Pieres les porta et mist en le main \9 Erembourt devant dite et l'en ahireta par devant ces meismes jugeurs ki disent par le conjurement de celui Pieron ke Go\10biers devant nomeis en estoit issus bien et a loy et cele Erembours i estoit entree et ahiretee bien et a-loy. Apriés chou \11 Erembours devantdite done a celui Gobiert ces quatre rasieres de terre por les sis rasieres de bleit de rente de\12vant nomees a rendre et a paier chascun an en le forme et en le maniere ke deseure est dite et par tele maniere ke, se cele \13 Erembours n'estoit paie chascun an de ces sis rasieres de bleit de rente au termine et tout ensi ke devant est deviseit, \14 cele Erembours u ciels u cele ki porveres seroit en l'ospital devantdit poroit traire et revenir as quatre rasieres \15 de terre devant nomees com a sen propre hiretage; et ces sis rasieres de bleit de rente dona cele Erembours \16 au devantdit hospital et almosna bien et a loy par devant ces meismes jugeurs ki disent ke li hospitaus devantnomeis \17 en estoit almosnés bien et a loy de le rente devantdite et de toutes ces covenences. Tout chou fu fait a Fresaing. \18 Si fu Pieres li Maires devant-nomeis ou liu le singneur et si furent com censeur et com jugeur Rikiers de Buingnicort, \19 Gerars de Corbehan, Vinchans, freres celui Gerart, Sohiers li Fevres, Jehans Viellars, Mehaus li Mairesse, Leurens, \20 fius Amolri et Engerrans. Ce fu fait en l'an del Incarnation Nostre Signeur mil deus cens soissante et dis, el mois \21 de avril, puis le jour de Paskes.