Téléchargement du document

Documents linguistiques galloromans
Corpus : chartes de Douai (chDo)
Responsable du corpus : Martin-D. Glessgen
Édition de la charte : Monique Mestayer / Thomas Brunner

chdouai0438

1270 (n. st.), mars. – Douai.

Type de document: charte: reconnaissance de dette

Objet: Reconnaissance par Pieron Le Cornier d’une dette de 70 sous par. envers Jean de La Bassée.

Auteur: non annoncé, échevins de Douai.

Disposant: Pieron Le Cornier

Sceau: non scellé; devise chirographaire: CY-RO-GRA-PHUM

Bénéficiaire: Jean de La Bassée

Autres Acteurs: échevins de Douai: Guillaume Pourcelet, Sohier le Petit.

Support: Original parchemin chirographe superposé bipartite - partie supérieure.

Lieu de conservation: AM Douai, FF 661/5959.

Verso: Cis escris est Jehan de-le Bassee.

1 Sacent tout cil [ki]a sunt et ki a-ven[ir] ^[1] sunt que Pieres li Corniers doit et a en-covent a-Jehans de-le Bassee .LXX. s. de \2 par. de boinne dete et de loial et de sen propre chateil a-rendre et a-paier devens le j[or] de le Pentecouste prochain que \3 nous atendons; et s'il en-defaloit et Jehans devant dis i avoit painne, cous u damages par le defaute de-sen paiement, \4 rendre li deveroit cils Pieres tous les cous et tous les damages que il i-aroit u feroit en-quelconques ^[2] maniere que \5 ce fust dusques a-sen dit u dusques au dit de sen hoir, se de lui estoit defallit, sains autre provance faire avoec \6 le dete devant dite. Et toute ceste couvenence ^[3] a en-covent Pieres devant dis a-lui et au sien en-tel maniere que \7 Jehan[s] [de]vanta dis u ses coumans les puist prendre et faire prendre a-lui et au-sien par tout u k'il l'ait et vendre et \8 despendre conme le-sien dusque a-teil covenence com chi devant est dite. A-ceste connissance furent conme eschevin \9 Williaumes Porcelés et Sohiers li Petis ^[4], en l'an del Incarnation .M.CC. et. LXIX., el mois de march.

Notes de transcription
^[1] Le parchemin est troué en plusieurs endroits.
^[2] quelconquesms.
^[3] Suivent trois lettres raturées ms.
^[4] Le nom des échevins est d'une autre main.