Téléchargement du document

Documents linguistiques galloromans
Corpus : chartes de Douai (chDo)
Responsable du corpus : Martin-D. Glessgen
Édition de la charte : Monique Mestayer / Thomas Brunner

chdouai0430

1270 (n. st.), janvier. – Douai.

Type de document: charte: reconnaissance de dette

Objet: Reconnaissance d’une dette de 35 livres par. et contrat passé par Henri de Saint-Amand vis-à-vis de Gillon Lalain et de Gérard de Le Ville pour l’exploitation des bois de Wallers.

Auteur: non annoncé, échevins de Douai.

Disposant: Henri de Saint-Amand

Sceau: non scellé; devise chirographaire: CY-RO-GRA-PHUM

Bénéficiaire: Gillon Lalain et de Gérard de Le Ville

Autres Acteurs: Caution morale de Robert de Lambres et Willaume, frères d'Henri - échevins de Douai: Sohier le Petit, Pieron de Hasnon.

Support: Original parchemin chirographe superposé bipartite - partie inférieure.

Lieu de conservation: AM Douai, FF 661/5953.

Édition antérieure: Espinas, Vie urbaine, t. III, n° 532, p. 399.

Verso: Cis escris est Gillion l'Alain et Gherart de-le Vile.

1 Sacent tout cil ki sunt et ki a-venir sunt que Henris de Saint Amant doit et a en-covent conme se propre dete a \2 Gillion l'Alain et a Gherart de-le Vile .XXXV. lb. de par. a-rendre et a-paier devens le Candeler prochainne que nous \3 atendons; encore doit et a en-couvent Henris devant dis as borgois devant noumeis a-rendre toute le pierte et le \4 damage qu'il ont eut et k'il poroient avoir en le marchandise k'il ont faite des bos de Wallers qu'il acaterent \5 au segneur de Bevre et au segneur de Rumegni, de-tant conme a-le partie de celui Henri aferra; et si a-en-covent \6 encore Henris devant dis as borgois devant dis k'il requerra les detes et fera les besoingnes de le conpaingnie des \7 bos devant dis bien et loialment dusques au dit des preudoumes devant dis u de l'un d'aus. Et toutes ces covenences \8 a en-covent et proumis par foit fiancie Henris devant dis a faire et a-tenir bien et loialment, tout ensi com deseu\9re est dit; et vielt et a otriiet cils Henris que li borgois devant dit u li uns d'aus u leur hoir, se d'aus estoit \10 defallit, les puissent prendre et faire prendre a-lui et au sien par tout u k'il l'ait et vendre et despendre cascuns \11 conme le sien, dusques a-teil covenence com chi devant est dite; et en a renonciet cils Henris a-tous previleges de \12 crois, a tout plait de crestienté, a-tous warans et a-toutes les coses ki aidier u-valoir li poroient et gre\13ver Gillion et Gherart devant dis u leur hoirs, se d'aus estoit defallit. Et si ont connut Robers de Lam\14bres et Williaumes, ses freres, qu'il voelent et ont otriiet que ces couvenences, teiles coume eles sunt ci devant \15 devisees, soient et voisent avant toutes les couvenences k'il avoient et poroient avoir sor Henri de\16vant dit et sor le sien, tant k'il soient sols et paiet de toute le covenence devant dite. A ceste con\17nissance furent coume eschevin Sohiers li Petis et Pieres de Hasnon ^[1], en l'an del Incarnation \18 .M.CC. et. LXIX., el mois de jenvier.

Notes de transcription
^[1] Le nom des échevins est d'une autre main ms.