Téléchargement du document

Documents linguistiques galloromans
Corpus : chartes de Douai (chDo)
Responsable du corpus : Martin-D. Glessgen
Édition de la charte : Monique Mestayer / Thomas Brunner

chdouai0414

1269, juin. – Douai.

Type de document: charte: reconnaissance de dette

Objet: Reconnaissance par Gautier de Gand d’une dette de 40 livres 7 sous de par. envers Amand le Connestable à rembourser le 11 novembre suivant. En cas ce non remboursement au terme fixé, le débiteur s'engage à dédommager le créancier (ou son héritier), et pourra être amené à verser jusqu'à 100 s. à un tribunal. Gautier engage tous ses biens ainsi que lui-même comme garantie.

Auteur: non annoncé, échevins de Douai.

Disposant: Gautier de Gand, de Cantin.

Sceau: non scellé; devise chirographaire: CI-RO-GRA-PHE

Bénéficiaire: Amand le Connestable, bourgeois de Douai.

Autres Acteurs: échevins de Douai: Jean de Douayeul et Jean Picquette.

Support: Original parchemin chirographe superposé bipartite - partie supérieure.

Lieu de conservation: AM Douai, FF 661/5940.

Verso: C’est couvenence Aman le Counestable.

1 Sacent tout cil ki sunt et ki a venir sunt ke Watiers de Gant, de Cantin, doit et a en-couvent a Aman le Counestable, bourgois de Douay, .XL. lb. et \2 .VII. s. de-par. de boine dete et de loial et de sen propre cateil a-rendre et a-paier dedens le jour Saint Martin en yvier, le premiere ki vient; et \3 s'il avenoit cose ke ceste dete n'estoit rendue et paiee au bourgois devantdit u a-sen hoir, se de lui estoit defalit, u a-sen conmant a-Douay dedens le \4 tiermine devantdit, Watiers devantdis li-doit et a-en-couvent a-rendre tous les cous, tous les despens et tous les damages ke il-i-aroit u-feroit \5 par le defaute de sen paiement en-quelconke maniere ke ce-fust juskes a sen dit u juskes au dit de-sen hoir, se de-lui estoit defalit, sans autre prouvance \6 faire avoec le dete devant dite. Et avoec çou, Watiers devantdis veut et otrie ke li borgois devantdis u ses hoirs u ses commans puist doner del sien \7 au signeur de le tiere u as baillius u a-quele justice k'il volra pour se dete devantdite a-requere et faire avoir juskes a cent sols de-par. sans les cou\8venences devantdites ramenrir. Et de-tout çou faire et tenir ensi com ci-devant est-dit, en met et a-mis Watiers devantdis en droit, en loi et en \9 abandon envers tous signeurs et envers toutes justices tous ses biens et lui et tout le sien u ke-il l'ait, en tele maniere ke li borgois devantdis u ses hoirs u \10 ses conmans le-puist prendre et faire prendre a celui Watier et au sien partout u-ke il l'a et ara com le sien juskes a-tele couvenence ki ci devant est dite. \11 A ceste couvenence furent com eskievin Jehans de Devyoel et Jehans Pikete; en l'an del Incarnation Nostre Signeur mil \12 .CC. LXVIIII., el mois de juing.