Téléchargement du document

Documents linguistiques galloromans
Corpus : docLyon (docLyon)
Responsable du corpus : -
Édition de la charte : -

docLyon027

1359 (n. st.), 2 février.

Type de document: convention

Objet: Convention passée entre les commissaires et Aymonet de Nevro, receveur del’imposition.

Lieu de conservation: Archives municipales de Lyon, CC 189, folio 34 v°, ligne 3.

1 Li recivares de l’imposicion ordena a levar a les portes p. les cloysons de la vila de Lion sera tenus a faire:
2 Premerement, demandar et recovrar douz censiers de la dita imposicion tot czo que il devrant chascun meys, passa son termen, et ellos contreindre, se mesters est, p. tal manieri que, passa .VIII. jors apres lo dit meis, li diz recevares deyve paier et ballier, el commandement douz generaux commissaires sus lo gouvernement de la dita imposicion ou de lour deputa a czo, tot czo que tuit li dit censier devrant p. lo dit meis adong passa, czo est assaveir, aviron .IIIIC.L. flur. que montera li diz meis et yssi fere de meys en meis durant lo temps de sa dita recepta, recovreit douz diz censiers ou non, entendu totes veis que, se alcun censer y avit tal que luy ou ses plagers l’on ne poist contreindre p. deffaut de beins ou p. la absenci de la persona qui ja n’aviegne, en celluy cax li diz recivares ne serit pas tenus de paier p. celuy, mais lo rendrit ou diz generaux commissaires comme p. perdu et li dit commissour lo retindrant comme lo lour. Et, se li diz recevares fet alcuns depens et messions a contraindre los diz censiers ou alcun d’eux p. paier lour dita censa, si s’en face paier li diz recevares a celluy ou cellos contra cuy el ara fet les dites messions et non a atro, et ren ouz diz conmissours ne poche contar ou demandar, se non de cellos qui serant fait contra ceulx a cuy se perdrit li chataux.
3 Item, se li ovra de les dites closures a mestier de alcun prest de pecuyni utra czo que ☐ devrant li dit censier chacun meis, comme dit est, li diz recevares devra pretar del sin el mandamen douz diz commissaires ou de lur deputa sus czo touz jors et tantes veis comme manda li sera, mesque sos diz prez .I. ou plusours ne monteit utra .C. flur. d’or, entendu totes veis que cy seit p. manieri que el ne poche perdre son dit prest, et devra li diz recevares ballier et delivrar en pecuyni czo qui li sera manda p. cidoles de par los diz commissaires ou lour deputa si bein et si briamen que cil cuy li dita pecuyni devra estre ballia non aiant causa de mal faire la dita ovra ou de ellos plendre ouz diz commissaires de lur payement.
4 Item, jurera sus senz evangilos li diz recivares de faire les choses dessus dites et chacuna d’icelles ben et leialmen en la manieri dessus dita a bon et sain entendemen, durant le cors del temps de sa dita recepta. Et promet de rendre bon et leial contio, el qual contio li serant alloyes et mises a contio totes les cidoles a luy tramises p. los diz generaux sus la delivranci de l’argen, entendu que les cedules seiant seelees des seaz ou seignaux des .III. commissours ou signes p. Rothonay et cetera et se oblige et renunce et cetera, li quax temps sera p. lo cors de .I. an, a comencier lo .XV. jor de janver novelamen passa el qual jor furont ballies a levar les censes dessus dites. Entendu totes veis que, se li diz recivares non fait bein et entieriment les choses dessus dites, en celluy cax, li dit commissaires lo poont otar et changier a .I. atro, se il volont, et toz jors remandra et sera tenus li diz recivares de faire czo que faire devrit ou arit laissie a faire p. sa culpa, en son teins, non obstant czo que changies serit et otas de son dit officio. Et p. les choses dessus dites faire bein et leyalmen en la manieri que dit est et p. lo travail de son corps et destorbe de besoignes li dit commissairo li assignont ☐ sus la dita recepta .IIII. flur. grant pois de salairo chacun meys, durant lo teins que el sera el dit officio, a contar l’an p. .XII. meis.
5 Item, li dit commissaires obligiont tota la dita imposicion et censes ou dit recevour a luy satiffaire et paier czo qu’el pretara a la dita ovra, se ren prete, et de luy satiffere ses diz gages p. lo mandement douz diz generaux commissours utra czo que el devrit ballier p. chacuns meis, si comme dessus est dit.