Téléchargement du document

Documents linguistiques galloromans
Corpus : chartes de Douai (chDo)
Responsable du corpus : Martin-D. Glessgen
Édition de la charte : Monique Mestayer / Thomas Brunner

chdouai0399

1268, novembre. – Douai.

Type de document: charte: arrentement

Objet: Arrentement par Margot Baudane de deux maisons au dehors de la porte Vaqueresse à Baudouin Le Machon moyennant 9 s. de douis., 4 chapons et 20 s. par. de rente.

Auteur: non annoncé, échevins de Douai.

Disposant: Margot Baudane

Sceau: non scellé; devise chirographaire: CY-RO-GRA-PHUM

Bénéficiaire: Baudouin Le Machon, de Guesnain.

Autres Acteurs: échevins de Douai: Baudouin d'Estrées, Simon Malet.

Support: Original parchemin chirographe superposé bipartite - partie supérieure.

Lieu de conservation: AM Douai, sans cote, anc. cote: BM Douai, ms. 1096, t. I, n° 12.

Verso: Cest contre escrit warde Simons Malés.

1 Sacent tout cil ki-sunt et ki a-venir sunt que Margos Baudane a-werpi et donné a \2 rente a Bauduin le Machon de Ghesnaing .II. maisons ki sient dehuers le porte Vackerece \3 joinnant au tennement Jehan le Carlier d'unne part et au tennement ki fu Cavelier d'au\4tre part sour le rue d'Aubemarle, si que ces .II. maisons et tous li tennemens siet, wuis \5 et hiebreghiés devant et derriere, a .IX. s. de douissiens et a .IIII. capons et a .XX. s. par. \6 par an sor toutes rentes; et tout ensi com-chi devisset est, a-en-couvent Margos devant dite [a] ^[1] \7 dit dusques au dit des eschevins \8 a Bauduin devant dit. Et si a-en-couvent Bauduins devant noumés a esmiudrer le te[nne]\9ment devant dit de .VIII. lb. de par., les .C. s. de-par. dedens le jour Saint Jehan Bap\10tiste prochain que nous atendons et les .LX. s. del jour Saint Jehan Baptiste prochain que nous \11 atendons en .V. ans apriés ensivans; et ces .VIII. lb. a metre en amendement ens el \12 tennement devant dit dedens les terminnes devant dis a en-couvent Bauduins devant dis \13 a lui et au sien en tele maniere que Margos devant dite les puist prendre et faire prendre \14 a lui et au sien partout u que il l'ait et vendre et despendre conme le sien dusques as .VIII. lb. \15 devant dites. Tout chou fu fait en le hale par devant es-chevins Baudon d'Estrees et \16 Simon Malet ^[2], en l'an del Incarnation .M.CC. et. LXVIII., el mois de novenbre.

Notes de transcription
^[1] Le parchemin est déchiré au bord.
^[2] Le nom des échevins est d'une autre main ms.