Téléchargement du document

Documents linguistiques galloromans
Corpus : chartes de Douai (chDo)
Responsable du corpus : Martin-D. Glessgen
Édition de la charte : Monique Mestayer / Thomas Brunner

chdouai0391

1268, 8-30 avril. – Douai.

Type de document: charte: convention pour un chantier

Objet: Convention entre la ville de Douai et quatre maçons pour la réparation de l’enceinte de la ville de la porte des Wetz à la porte Saint Nicolas.

Auteur: non annoncé, échevins de Douai.

Disposant: Quatre maçons: maître Jaquemon l'ainé, maître Jaquemon, maître maçon de la Ville, maître Jaquemon le jeune, Warnier, frère du précédent - La ville représentée par: Bernard Pilate, Baudouin d'Estrée, Rénier de Gouy et Gérard du Markiet.

Sceau: non scellé; absence de légende.

Bénéficiaire:

Autres Acteurs: échevins de Douai: Gillaume de Gouy, Jean de France.

Support: Original parchemin non scellé.

Lieu de conservation: AM Douai, DD 183.

Édition antérieure: Espinas, Finances, n° 45, p. 439.

Verso: Des machons des murs de le vile.

1 Sacent tout cil ki sunt et ki a-venir sunt ke teles sunt les covenences entre maistre Jakemon l'aisnet, \2 maistre Jakemon, le maistre de le vile, maistre Jakemon le jovene et Warnier, sen frere, d'une part, \3 d'endroit le markiet k'il ont fait a-Bernart Pilate, Baude d'Estrees, Renier de Goy et Gerart dou Mar\4kiet, si com d'amender les fortreces de le ville tres le porte des Weis et les apendances de celi porte \5 dusques a-le porte Saint Nicholai et les apendances de celi porte ausi et les apendances ausi des-portes ki sunt li en dedens ^[1], en-tele maniere k'il doivent \6 tous les murs refaire bien et loialment tres le fondement desous dusques deseure, la u besons sera, \7 et creteler et metre chevaliers sour le plain et entauler et le wit et le plain par paing et chou k'il-a\8ferra a ceste oevre faire, si com piere, caus, savelon et toutes autres coses ki a-le besoigne a\9ferra sans engien, sauf chou ke, se li vile troeve a-sen consel ke on le voelle enduire, pinceler \10 et quarler, faire le doivent au coust de le vile. Et si-est encore a-savoir ke le mur ki est entre \11 le porte au Cerf et le porte Saint Nicholai, k'il doivent le plus bas haucier au foer del autre \12 et creteler et atourner, ensi com devant est dit, sans engien et sans soupeçon. Et si doit on \13 prendre par le consel des eschievins, .IIII. homes, c'est a-savoir .II. machons et .II. preudomes ^[2] \14 ki doivent prendre warde a-l'oevre et doivent li-maistre devant nomeit ouvrer par leur \15 consel et amender l'oevre, s'il i avoit…… ^[3] par leur consel et par leur dis. \16 Et por ceste oevre devant dite faire, tout ensi com ci devant est deviseit, doivent avoir \17 li maistre devant nomeit .VII. C lib. de torn., par maniere ke, s'il ne pooient faire ceste \18 oevre por les .VII. C lib. devant dites et Bernars Pilate, Baudes d'Estrees, Reniers de Goi et Ge\19rars dou Markiet veoient k'il i-eussent damage, il leur doivent rendre dusques a .L. lb. de \20 torn., se tant i-avoient de damage par leur dis, sans engien. Et por le soume des deniers de\21vant dis, doivent li maistre devant nomeit faire bien et loialment l'oevre devant nomee, \22 tout ensi com ci devant est deviseit. Et s'il ne le faisoient ensi et li vile i-avoit cous u damages par leur \23 defaute u par le defaute de-l'un d'als, il ont en-covent a-rendre tous les cous, tous les despens \24 et tous les damages ke li vile i-averoit u feroit en-quelecunque maniere ke ce fust, dusques \25 au dit des preudomes ki ci devant sunt nomeit. Et tout çou, ont li .IIII. maistre devant \26 nomeit, et cascuns d'als .IIII. por le tout, en-covent [a] [aus] ^[4] et au leur, u k'il l'aient, et ke li preu\27dome devant nomeit le puissent prendre et faire prendre partout conme le leur. Et \28 de toute ceste covenence ont en-covent li preudome devant nomeit a-ouvrer par le consel \29 des eschievins. A-ceste covenence furent com eschievin Willaumes de Goy et Jehans \30 de France. C[e] [f]u ^[5] fait en l'an del Incarnation Nostre Segneur mil .CC. et. LXVIII., el mois \31 d'avril.

Notes de transcription
^[1] etlesapendances... endedensen interligne ms.
^[2] sfinal au-dessus de la ligne ms.
^[3] Le texte est effacé (3 ou 4 mots) par suite d'une pliure du parchemin.
^[4] Texte effacé.
^[5] Texte effacé.