Téléchargement du document

Documents linguistiques galloromans
Corpus : chartes de Douai (chDo)
Responsable du corpus : Martin-D. Glessgen
Édition de la charte : Monique Mestayer / Thomas Brunner

chdouai0388

1267, août. – Douai.

Type de document: charte: donation de dot en exécution testamentaire

Objet: Donation “post mortem” par Lambert le Juif, de sa maison sise rue Dame Augut (actuelle rue des Fripiers), à sa fille Jeanne et à son gendre Philippe le Merchier.

Auteur: non annoncé, échevins de Douai.

Disposant: Lambert le Juif et Benoîte, sa femme.

Sceau: non scellé; devise chirographaire: CIROGRAPHE

Bénéficiaire: Jeanne, sa fille; Philippe le Merchier, son gendre.

Autres Acteurs: échevins de Douai: Gérard du Markiet, Bernard Catel.

Support: Original parchemin chirographe superposé bipartite - partie supérieure.

Lieu de conservation: AM Douai, FF 583/32.

Verso: C'est dons et couvenence Phelippon le Mierchier et Jehanain, se feme.

1 Sacent tout cil ki sunt et ki a venir sunt ke Lambers, li juis de le rue Dame Augut, a doné aprés \2 le deciés de lui et de Beneoitain, se feme, a Jehanain, leur fille, en mariage avoec Phelippon le Merchier, \3 sen baron, se maison et tout sen tenement u il maint, ki siet en le rue Dame Augut entre le maison \4 Ansiel d'Aubrecicort, le blaier, et le maison ki fu Jehan ^[1] le Clop, tout ensi com cele maisons et tous \5 cius tenemens siet, wis et hebergiés devant et derriere, a .VII. frt. .III. s. de par. et \6 .XXVIII. dois. et .II. capons de rente par ^[2] an sor toutes rentes et par maniere ke Lambers \7 devant dis ne Beneoite, se feme, ne puent ne ne doivent faire cose par quoi Phelippes \8 et Jehane, se feme ^[3], u li uns d'iaus deus u leur hoir u leur conmant n'aient et tiegnent \9 le ^[4] maison et tout le tenement devantdit aprés le deciés Lambert et Benoietain \10 devantdis a tele rente ki ci devant est devisee. A cel don et a ceste couvenence \11 furent com eskievin Gerars dou Markiet et Bernars Cateus, en l'an del Incar\12nation Nostre Signeur mil .CC. LXVII., el mois d'aoust.

Notes de transcription
^[1] kifuJehanécrit sur un grattage ms.
^[2] "parar" ms.
^[3] sefemeinterligne ms.
^[4] leécrit sur un etms.