Téléchargement du document

Documents linguistiques galloromans
Corpus : chNCh (chNCh)
Responsable du corpus : NN
Édition de la charte : Bernadette Gavillet.

chNCh067

1316, 3 avril.

Type de document: charte: donation

Objet: Donation par Jean [II] de Montfaucon-Montbéliard et par Agnès de Durnes, sa femme, à Jean dit Clerc d’Avoudrey de ce qui a été mis en gage à Vuillafans pour un prêt de 240 livres par Perrin dit Rigaut et Luquet, son frère, en raison des 200 livres que Jean dit Clerc d’Avoudrey, aux noms de Jean [II] de Montfaucon-Montbéliard et d’Agnès de Durnes, a donné aux dits frères. Perrin et Luquet peuvent mettre fin à la mise en gage en rendant les 200 livres à Jean dit Clerc d’Avoudrey.

Auteur: Jean [II] de Montfaucon-Montbéliard et Agnès de Durnes.

Disposant: Jean [II] de Montfaucon-Montbéliard et Agnès de Durnes.

Sceau: sceaux de Jean [II] de Montfaucon-Montbéliard et d'Agnès de Durnes.

Bénéficiaire: Jean dit Clerc d’Avoudrey.

Autres Acteurs: Perrin dit Rigaut et Luquet, son frère.

Support: Parchemin scellé de deux sceaux sur double queue.

Lieu de conservation: AEN O1 n° 17.

Verso: Agnés de Durnec, femme de Jehan de Monbelgard, transporte une gaigiere de Villafens a ung leur clerc sa vie naturele durent, l-an mil .CCC.XV. (XV^e siècle).

1 Nos, Jehans de Mombeliart, sires de Monfaucon, et Agnex de Durnec, sa fame, 2 façons savoir a touz 3 que, come Perrins \2 Rigauz, de Villaffans, et Lucauz, ses freres, nos aient baillié et delivré, en nom et par cause de gaigiere, come la chose \3 de nostre fyé, lour homes, lour four et lour riviere de Villeffans pour douze vinz livres d-estevenans, \4 les quex il hont recehues de nos par leaul cause de prest, ensi come il est plenierement contenu en leitres \5 faites sus ce, seellees dou seel l-officiaul de Besençon; et nostres bien amez Jehans diz Clerz d-Avoudrey, en ait \6 baillié et paié pour nos dou sien propre au dit Perrin et Lucaut, son frere, doux cenz livres d-estevenans des dites \7 douze vinz livres, 4 nos, en guierdon de plusours agreiables servises qu-il nos ha faiz et fait encor \8 de jour en jour, et pour les dites doux cenz livres qu-il ha paiés au dit Perrin et a son frere, donons, \9 outroions et delivrons au dit Jehan lo Clerc, present et recevant, a sa vie naturel tant soulemant, \10 tout le droit, tote l-action et raison que nos avons, poons et devons avoir es dites choses obligies et \11 mises en gaige. 5 C-est assavoir que il face les fruiz de la dite gaigiere suens, la gaigiere durant, sauf \12 ce que nos ne autres ne li en puissiens demander rendue ne restitucion; 6 et li donons la dite gaigiere \13 durant tout lo droit dou fyé que nos aviens es dites choses mises en gaige. 7 Et s-il avenoit que li dit \14 Perrins et Lucauz, ou li uns d-aux ou lour hoir, raimbissent la dite gaigiere, nou volons et outroions que \15 rendent et paioient au dit Jehan lo Clerc les dites doux cenz livres qu-il lour-en ha baillies, si com \16 dessus est dit. 8 Prometanz en bone foy que nous ne venrons ne consentirons a venir encontre, mais \17 la li garantirons, appaiserons et deffendrons encontre touz et en touz leux. 9 En tesmoignaige de la quel \18 chose, nos, Jehans, sires de Monfaucon dessus diz, avons mis nostre seel en ces leitres. 10 Et pour ce que li diz \19 fyez muet de l-eritaige de la dite Agnex, nostre fame, nos li avons doné auctorité de ces choses faire; \20 et nos, la dite Agnex, de l-auctorité dou dit nostre seignour et mari, avons mis nostre seel en ces leitres \21 avec lo suen, 11 qui furent faites et donees la voille de Pasques Flories, l-an de grace corrant par \22 mil trois cenz et quinze.