Téléchargement du document

Documents linguistiques galloromans
Corpus : chNCh (chNCh)
Responsable du corpus : NN
Édition de la charte : NN

chNCh173

1356, 9 juillet.

Type de document: charte: donation

Objet: Donation par Jean d’Aarberg, seigneur de Valangin, par la volonté de Jeanne, femme de feu Jean de Savagnier, à Jean de Mâche, des possessions et des revenus des enfants de Jean de Savagnier, à l’exception de ce qu’ils ont à Bienne, pour une durée de 10 ans – ou 8 si les enfants le souhaitent – pour le paiement annuel de 27 livres, 11 sous et 6 deniers.

Auteur: Jean d'Aarberg.

Disposant: les enfants de feu Jean de Savagnier.

Sceau: sceaux de Jean d'Aarberg et d'Othon le Bel.

Bénéficiaire: Jean de Mâche.

Autres Acteurs: Jeanne, femme de feu Jean de Savagnier.

Support: Parchemin jadis scellé de deux sceaux sur simple queue; il subsiste celui de Othe le Bel, de Cormondrèche.

Lieu de conservation: AEN, fonds d’Estavayer, n° 16 E.

1 Je, Jeham d-Arberg, sire de Valengin, 2 foy savoir ad toutz 3 que je, come sire, de la volontez de dame Jehanne, \2 czay-en-arier feme monsire Jeham de Savagnié, de Jeham d-Orvain, orondreit mariz de lie, et de monsire Otthe le Bel, \3 j-ay mis et laysiez a Jeham de Maches, come a avoir des-anfant dou dit monsire Jeham de Savagnié, par l-espace de \4 dix antz, touttes choses des ditz enfant, 4 par taul que li dit Jeham doit avoir et perczevoir tout les cens \5 eis ditz enfant, tant de blef que en deniers, et les dyemes et ausi les fruit dou lour vignes et toutes \6 autres choses que li dit enfant tiegnent a-present, en queque lieu que elles soient, excepté les choses \7 qu-il hont ou deyvont avoir a-Beine, 5 c-est a savoir chescum antz pour lo priez de vint et sept livres \8 uncze souls six deniers baleis, a paier un chescon antz 6 par tel qu-il doit faire les vignes eis enfant \9 a ses missions et mantenir en bon estat; 7 et se ensi estoit que aucones choses des choses eis dit enfant \10 fusient soretornés au dit Jeham ou que il (que il) ne peout recovrer, se par son deffout non, \11 ou que ovale li guatiast par celuy temps, l-on le ly doit rabatre ou regard de bones gentz; 8 et se li enfant \12 ne voloyent que li dit Jehan les tenist par dyz, que il les tenist par huit antz. 9 En tesmoing de la quel \13 chose, je, li dit Jeham, sire de Valengin, ay mis mon seel en ces present letres ensemble le seel monsire Otthe \14 le Bel de Cormondresche. 10 Faites et donees le mardi devant la Magdelene, l-an mil trois cent cinquante \15 six.