Téléchargement du document

Documents linguistiques galloromans
Corpus : chNCh (chNCh)
Responsable du corpus : NN
Édition de la charte : Bernadette Gavillet.

chNCh149

1329, 9 décembre.

Type de document: charte: remise en fief

Objet: Remise en fief par Fromont dit de la Saule à Jeannin de Rosières de ce que Guillaume de la Saule dit Clerc, son frère, avait pris illégalement en fief de l’héritage d’Alix, fille de Varescon de Rosières.

Auteur: Official de la cour de Besançon.

Disposant: Fromont dit de la Saule.

Sceau: sceaux de la cour de Besançon et de Fromont dit de la Saule.

Bénéficiaire: Jeannin de Rosières.

Autres Acteurs: Guillaume, frère de Fromont, et Alix, fille de Varescon de Rosières; Perrin, de Vyt-lès-Belvoir, Pierre dit de Paris et Besencenat, maire de Raynans, témoins.

Rédacteur: Jean de Montbéliard dit Gratier.

Support: Parchemin jadis scellé sur simple queue.

Lieu de conservation: AEN, S9 n° 25.

1 Nos, officials de la court de Besençon, 2 façons savoir a touz 3 que, en la presence de Jehan de Monbeliart \2 clerc, notaire, jurié de la court de Besençon, nostre comandement especial a cui nos avons commis et commat\3tons nostre pouhoir quant es choses cy aprés escriptes et quant a plus granz, estaubliz personalement et pour ce especial\4mant venanz, messi Fromons diz de la Saule, chevaliers, ai confessei en droit par-devant lou dit nostre \5 comandement et recognu publiement 4 que comme messi Willelmes diz Clers, de Fer, chevaliers, ses freres, qui \6 fu, hust repris Alix, que fu fille a Varescon de Rosieres, qui fu, de tout son partaige que elle \7 havoit, pouhoit ou devoit havoir en la vile et ou finaige de Rosieres, lou quel partaige la \8 dite Alix tenoit et devoit tenir entierement en fyé et en homaige de Jehannin lou Grant, de Rosie\9es, qui fu filz Henri de Rosieres, escuier, qui fu, freres dou dit Varescon, ensi comme li diz messires Fromons \10 l-ai recognu publiement par devant lou dit nostre comandement, 5 et li diz messires Fromons ait trovei par juste \11 et leal information de prodomes que li diz partaiges de la dite Alix estoit et devoit estre fyez dou dit \12 Jehannin et rerefyez dou dit monsi Willelme Clerc, de Fer, et avoit fait senz cause et senz raison de son re\13refyé, fyé nu, li diz messires Willelmes au prejudice dou dit Jehannin et de ses hoirs, 6 pour oster ce tort \14 fait, li diz messires Fromons ai rendu, pour lui et pour ses hoirs, a dit Jehannin, son feal, pour lui et pour \15 ses hoirs, lou dit partaige de la dite Alix entierement comme la chose que estoit et devoit estre de son \16 fyé, lou quel partaige de la dite Alix li diz Jehannins tient et doit tenir en fyé nuemant, il et sui hoir, \17 dou dit monsire Fromont et de ses hoirs, avoc autres choses que il Jehannins en tient et doit tenir en \18 fyé nuement, il et sui hoir. 7 Et cest partaige de la dite Alix ai promis et promat li diz messires Fromons, \19 comme sires de fyé, tenir, garder et garantir comme la chose de son fyé par son soirement donei \20 corporalment, pour lui et pour ses hoirs, et sus l-obligation de touz ses biens moubles et non moubles, presenz \21 et a-venir, a dit Jehannin, son feal, et a ses hoirs, saulf touz jours lou droit de son fyé, adés, en \22 touz lues, en jugement et deffuers, contre touz, senz gemas venir encontre par lui ne par autru, en lui \23 et ses hoirs submattent quant a ce a la juridiction de la court de Besençon pour lui et ses hoirs con\24troindre ou faire controindre par sentance de excommeniement et par la caption de lour biens a l-observa\25tion de toutes les choses dessus escriptes, non obstant aucunne exception de fait ou de droit. 8 \26 En tesmoingnaige de la quel chose, nos, officials dessus diz, a la relation dou dit nostre comande\27mant, avons mis lou seal de la court de Besençon avoc lou seal dou dit monsi Fromont \28 en ces presentes lettres; 9 et je, Fromons diz de la Saule, chevaliers dessus diz, qui confessois toutes \29 les choses dessus escriptes estre veraies, ai requis et fait mattre lou dit seal de la dite court \30 de Besençon par lou dessus dit notaire avoc lou mien que je y ai mis en signe de vartei en ces \31 presentes lettres. 10 Faites et donees, presenz Perrin, de Vy vers Belvoir, monsi Pierre dit de Paris, \32 de Montbeliart, prestre, Besencenat, maire de Reynans, et plusours autres, lou nuevieme jour de \33 decembre, l-an mil trois cenz vint nuef. 11 Jo. Gratier.