Téléchargement du document

Documents linguistiques galloromans
Corpus : chNCh (chNCh)
Responsable du corpus : NN
Édition de la charte : Bernadette Gavillet.

chNCh134

1323, 23 mai.

Type de document: charte: reconnaissance

Objet: Reconnaissance par Jean dit Clerc d’Avoudrey stipulant qu’il tient, à ses frais, le four de Vuillafans-le-Neuf qu’Agnès de Durnes lui a octroyé en échange de tous les bons services qu’il lui a rendus et de 100 livres et ce jusqu'à son décès, auquel jour Agnès le récupérera.

Auteur: Jean dit Clerc d'Avoudrey.

Sceau: sceau de la cour de Besançon.

Autres Acteurs: Pierre dit Golart et Vauchier de Chaussin.

Rédacteur: Perrin de Haute-Pierre.

Support: Parchemin jadis scellé sur double queue.

Lieu de conservation: AEN, W3 n° 5.

1 Je, Jehanz diz Clerc d-Avoudrey, chastelains de Villaffans le Nuef, 2 fais savoir a touz 3 que, come ma bien amee dame Agnés de \2 Durnay, dame de Villaffans le Nuef, me demandast son four de Villaffans le Nuef, que je tenoie, et les yssues de plusours annees \3 que je l-avoie tenu devant la confection de ces lettres, et acorz en soit faiz entre lei et moi, que pour plusours agreiables servises que j-ai \4 faiz a lei et a ses devantiers et pour cent livres de bons estevenans qu-ele en ha heuz de moi en bone monoie bien nombree, ele m-a venduz, \5 donez, bailliez, quitez et delivrez les fruiz et les yssues et touz les esmolumanz et profiz dou dit four, a tenir a ma vie tant \6 soulement, et quitez les fruiz et les yssues qu-ele me demandoit dou temps que je l-avoie tenu devant la confection de ces lettres, \7 si comme il est plus plainement contenu en unes lettres que j-en ai de ma dite dame, seellees de son grant seel et dou seel de la \8 court l-officiaul de Besençon, 4 je cognois et confessois que, pour les dites cent livres, ensi comme dessus est dit, je doi tenir et \9 avoir les fruiz et les yssues et touz les-esmolumanz et profiz dou dit four a ma vie tant soulement et non plus, et que tantost \10 aprés mon decés li diz fourz ensemble les fruiz, yssues, esmolumanz et profiz d-ycelui revenront et seront a ma dite dame \11 et a ses hoirs, quité et delivré; 5 et le dit four je doi maintenir en bon point a ma vie et a ma propre mission. 6 Et promeit, \12 pour moi et pour mes hoirs, par ma foy donee corporelment sus saintes evangiles toichies et par stipulation sollempnel, que je le dit acort \13 et les dites convenances tenrai et garderai fermement sans venir ne faire venir encontre ne consentir que autres y veigne. 7 Et pour ce \14 que ce soit plus estable chose et plus ferme, j-ai prié et requis a honorable persone et saige, l-officiaul de la court l-arcidiacre de \15 Besençon, par Perrin d-Aute Pierre, clerc, notaire, jurié de la dite court, que il, en signe de verité, mate le seel de la dite court \16 en ces presentes lettres, 8 en la juridicion et cohercion de la quel court j-ai obligié et sozmis moi et mes hoirs et touz mes biens \17 meubles et non-meubles, presenz et a-venir, pour moi contreindre tout de plain par une chascune juridicion spirituele et temporele de la \18 dite court, c-est assavoir par sentence d-excomeniement et par la prise et la vendue de mes diz biens, a tenir, garder et acomplir ces \19 convenances et ces choses dessus dites, ensi comme je l-ai promis, aucune excepcion de fait, de droit ou de coustume non obstant. 9 Et \20 nos, li diz officiaux de la court l-arcidiacre de Besençon, a la priere et requeste dou dit chastelain, faite a nos par le rapport dou dit \21 Perrin d-Aute Pierre, clerc, notaire, jurié de nostre dite court, nostre commandement especiaul a ce envoié de part nos, auquel quant a ce \22 nos avons commis et commeitons noz foyes par ces lettres, li quex nos ha rapporté les choses dessus dites einsinc estre faites, loees \23 et promises par devant lui en leu de nos, avons fait matre en ces presentes lettres le seel de nostre dite court en tesmoignaige de verité. 10 \24 Ce fu fait et doné, presenz monsi Pierre dit Golart, de Mongessoie, prestre, et Vauchier de Chaucins, vallet de dite Agnés, \25 tesmoins a ce appelez, le lundi devant la feste de saint Urbain, l-an de grace corant par mil .CCC. et vint et trois. 11 \26 P. de Alta Petra. Ita est.