Téléchargement du document

Documents linguistiques galloromans
Corpus : chNCh (chNCh)
Responsable du corpus : NN
Édition de la charte : Bernadette Gavillet.

chNCh132

1323, 30 mars.

Type de document: charte: ratification

Objet: Ratification par Marguerite, femme de feu Jacques de Vuillafans, mère de Jean de Vuillafans, de la donation de 4 livrées de terre que son fils a octroyé à Jean dit Clerc d’Avoudrey en tant que détentrice de celles-ci par son douaire [cf. 129].

Auteur: Marguerite, mère de Jean de Vuillafans.

Disposant: Marguerite, mère de Jean de Vuillafans.

Sceau: sceau d'Agnès de Durnes.

Bénéficiaire: Jean dit Clerc d'Avoudrey.

Autres Acteurs: Jean de Vuillafans; Catherine et Jean, témoins.

Rédacteur: Perrin deHaute-Pierre.

Support: Parchemin scellé sur double queue.

Lieu de conservation: AEN, Z3 n° 19.

1 Je, dame Marguerite, femme jadis monsi Jaque de Villaffans, chevalier, qui fu, 2 fais savoir a touz 3 que, come Jehanz de Villaffans, mes filz et \2 filz dou dit monsi Jaque, ait assis et assigné sus touz ses homes de Villaffans la Ville sus lour meix et lour tenemenz et sus la taille \3 et la debite qu-il li doivent a Jehan dit Clerc d-Avoudrey, chastelain de Villaffans le Nuef, quatre livrees de terre de annuel rente qu-il \4 doit au dit Clerc d-Avoudrey a sa vie, a paier chascun an a la Saint Mertin d-yver, a la vie dou di Clerc, ensi comme il est plus \5 plainement contenu en unes lettres que li diz Clerc d-Avoudrey en ha dou dit Jehan, mon fil, seellees dou seel de la court l-arcidiacre de \6 Besençon et dou seel ma bien amee dame Agnés de Durnay, dame de Villaffans le Nuef, donees le. XXII^e. jour de juignet l-an mil \7 .CCC. et vint et doux, 4 li quex homes que li diz Jehanz, mes filz, ha a Villaffans la Vile et lour meix, lour tenemenz et li taille et li \8 debites qu-il doivent au dit Jehan, mon fil, m-estoient obligié et assigné par le dit Jehan, mon fil, pour mon doaire et par le lox de ma dite \9 dame de Villaffans le Nuef, de cui fyé il sont, et avant que li diz assignax en fust faiz au dit Clerc d-Avoudrey pour les dites \10 quatre livrees de terre, 5 je, come bien conseillie et bien avisee, de ma bone volunté et de certeine science, ai loé, agreié, ratiffié \11 et confermei et loois, agreiois, ratiffiois et confermois l-assise et l-assignal et l-obligacion que li diz Jehanz, mes filz, ha fait au dit \12 Clerc d-Avoudrey des dites quatre livrees de terre a [paier] [sus] ^[1] les diz homes en la meniere que dessus est dit. 6 Et promeit, \13 par ma foy donee corporelment, pour moi et pour mes hoirs, par stipulacion sollempnel entremise et sus l-obligacion de touz mes biens meubles \14 et non-meubles, presenz et a-venir, que je n-irai ne ferai aller encontre par moi ne par autrui, mais vuil et outroy et a ce expressement \15 m-obligois que li assignax et li assise faiz au dit Clerc sus les diz homes des dites quatre livrees de terre, ensi comme dessus est dit, \16 vaille et teigne en la meniere qu-il est contenu es lettres dessus dites qu-il en ha dou dit Jehan, mon fil, non obstant ce qu-il m-estoient \17 premiers obligié; 7 la quele obligacion faite a moi, je vuil et outroy qu-ele soit de nule valour et de nule vertu encontre le dit \18 assignal et l-obligacion faite au dit Clerc d-Avoudrey, ensi comme dessus est dit. 8 Et pour ce que ce soit plus ferme chose et plus \19 estable, j-ai prié et requis a ma dite dame de Villaffans le Nuef, par Perrin d-Aute Pierre, son clerc et son commandement, que ele, en \20 signe de verité, mate son seel pendent en ces lettres; 9 et nos, la dite Agnés de Durnay, dame de Villaffans le Nuef, a la priere et requeste de \21 la dite dame Marguerite, faite a nos par le rapport dou dit Perrin, nostre clerc et nostre commandement, le quel nos avons commis a ce par ces lettres, avons \22 mis nostre seel pendent en ces presentes lettres. 10 Donees le mercredi aprés Pasques, l-an mil .CCC. et vint et trois, presenz dame Katherine, \23 fille monsi La [...] ^[2], nonne de Ba [...] ^[3], et Johant, vallet dou dit Jehan de Villaffans, tesmoins a ce appelez. 11 P.

Notes de transcription
^[1] Parchemintroué.
^[2] Parchemintroué.
^[3] Parchemintroué.