Téléchargement du document

Documents linguistiques galloromans
Corpus : chNCh (chNCh)
Responsable du corpus : NN
Édition de la charte : Bernadette Gavillet.

chNCh121

1321, 21 octobre.

Type de document: charte: quittance

Objet: Quittance par Etienne Bon Valet demeurant à Besançon reconnaissant avoir reçu 8 livres et 16 sous d’Agnès de Durnes en son nom et en celui de Jeanne de Montfaucon, sa fille, par la main de Richard d’Orchamps, prévôt de Vercel, pour le paiement de bijoux, d’étoffes de soie et d’autres denrées que Simonete de Vercel, Jean dit Clerc d’Avoudrey et Richard d’Orchamps avaient achetées pour elles.

Auteur: Official de la cour de Besançon.

Disposant: Etienne Bon Valet.

Sceau: sceau de la cour de Besançon.

Bénéficiaire: Agnès de Durnes et Jeanne de Montfaucon.

Autres Acteurs: Richard d'Orchamps; Jean dit Clerc d'Avoudrey et Vienet, témoins.

Rédacteur: Perrin de Haute-Pierre.

Support: Parchemin scellé sur simple queue.

Lieu de conservation: AEN, K9 n° 23.

Verso: Lettre de paie dou bon Bon Vallet (XIV^e siècle).

1 Nos, officiaus de la court l-archidiacre de Besençon, 2 façons savoir a touz 3 que, par devant Perrin d-Aute Pierre, clerc, \2 notaire, jurié de nostre court, nostre commandement especiaul envoié en leu de nos, au quel nos avons commis et \3 commeitons noz foyes par ces lettres, pour ce personelment establiz, li bons Bon Valaut, citieins-de Besençon, ha \4 recognu et confessé en droit par devant nostre dit commandement 4 qu-il ha heu et recehu de noble damoisele et \5 saige Agnés de Durnay, dame de Villaffans le Nuef, en nom de lei et de damoisele Jehanne, sa fille, par \6 la main Richart d-Orchans, prevost de Vercex, huit livres et sauze solz d-estevenans, qu-ele, en nom que dessus, \7 li devoit pour juyex et soie et cendel et autres denrees prises de lui pour la dite Agnés et sa fille par \8 Symonaute de Vercex, sa damoisele, par le Clerc d-Avoudrey et par le dit prevost, si comme il dit et \9 confessa par devant nostre dit commandement; 5 de la quele some d-argent il se tient entierement a-bien \10 paiez en bone monoie bien et leiaulment contee, et en quita et clama quite la dite Agnés et sa \11 fille et lour hoirs a touz jours mais; 6 encour les quita et clama quite de tout quanque il lour \12 poist ou dehust demander de tout le temps passé jusque au jour de la confection des lettres. 7 \13 Promeitanz li diz Bons, pour lui et pour ses hoirs, par sa foy donee corporelment en la main de nostre dit commandement, \14 que il ceste quitance tenra, gardera et acomplira fermement sans venir ne faire venir encontre. 8 \15 Obligenz et sozmaitanz quant a ce a la juridicion et cohercion de nostre dite court lui, ses hoirs et \16 touz ses biens meubles et non-meubles, presenz et a-venir, vuillanz que nos le puissiens contreindre \17 par une chascune de noz juridicions spirituele et temporele, c-est assavoir par sentence d-excomuniement et par la \18 prise et la vendue de ses biens, a l-observation des choses dessus dites. 9 En tesmoignaige de la quel \19 chose, nos, a la priere et requeste faite a nos dou dit Bon, par le rapport de nostre dit commandement, \20 avons fait matre en ces lettres le seel de nostre dite court de Besençon, 10 qui furent faites et donees, \21 presenz le chastelain de Villaffans le Nuef et Vienaut, de Boclans, tesmoins a ce appelez, le mercredi \22 aprés la feste de saint Luc Evvangelistre, l-an .M.CCC. et vint et un. 11 P. de Alta Petra.