Téléchargement du document

Documents linguistiques galloromans
Corpus : chNCh (chNCh)
Responsable du corpus : NN
Édition de la charte : Bernadette Gavillet.

chNCh116

1321 (n. st.), 10 janvier.

Type de document: charte: vente

Objet: Vente par Agnès et Perrin, enfants de Thomessin, d’Ornans, à Agnès de Durnes pour 10 livres du terrain situé à Flangebouche et de toutes ses dépendances qu’ils tenaient de leur père.

Auteur: Agnès et Perrin.

Disposant: Agnès et Perrin.

Sceau: sceau de la cour d'Ornans.

Bénéficiaire: Agnès de Durnes.

Support: Parchemin scellé sur double queue.

Lieu de conservation: AEN, J1 n° 54.

Verso: Lettre de vendue dou meix de Flaingeboiche (XIV^e siècle).

1 Nous, Hannel et Perrins, anfanz Thomessin, jadix d-Ornans, 2 façons savoir a-touz presanz et a-venir 3 que-nos \2 avons vanduz a-touz jors maix pour-nos et pour-nos hoir, ay Hannel de Durnay, dame dou Nuef Chastel \3 de Vilafans, un mez de terre seant en-la-vile de Flange Boiche, atout ce que apartient a-dit mez en \4 prel, en-champs, en-chesalx, en-chenevieres, en homes, en-maisons, en-censes et an-toutes atres choses \5 que-nos avons, devons et povons avoir ou-diz mex, lou-quel mex Colom, de Flaingeboiche soloit te\6nir de Thomessin, perre de-nos, Annel et Perrins; lou-quel mex ansanble les choses desus di\7tes nos, Hannel et Perrins desus nommez, vandour, conossons estre dou fiez a la dite Hannel, a\8cheteris, por lou pris de dix livres de-bons estevenans, la-quel some d-ergent, nos, la dite Han\9nel et Perrins desus nommez, avons aüe et receue de la dite Hannel, acheteris, en bons deniers nom\10brez, si-que por bien paiez nos an-tignons. 4 Porquoy nos, la dite Hannel et Perrins, nos suemes des\11vestuz dou dit mex et des apartignances, et la dite Hannel, dame dou Nuef Chestel, an-avons \12 envestuz et mis en-corporel posasiom ou asic par ces latres. 5 Et li promatons, par-nos soiremant doné sor \13 sainz evvangele, nos, la dite Hannel et Perrins, gairandir, deffandre, appessier en-touz luef, en-toutes cort \14 et devant touz juges, a-nos propres despans lou diz mes et non jamaix venir encontre par-nos diz soiremant. 6 \15 Et renonçons en ce fait et avons renonciez nos, la dite Annel et Perrins, a-touz droit de-loix et de-ca\16nom, escript et non-escript, et a-toutes exceptions de deceptiom ou de mainre eage ou d-atre cax, \17 quelx que il soit, et expecialmant a-droit que-dit que general renonciatiom ne vat, se nos volins ri\18ens dire ou prover contre ceste latre, que riens ne nos vaile. 7 En tesmoignaige de veritez, nos, Han\19nel et Perrins desus nommez, vandour, avons fait saeleer ces presantes latres dou sel de la-cort \20 ma dame la-contesse de-Burgoine, dou-quel l-on huise ay-Ornans, 8 en la-jurediciom et en la-protectiom \21 de la-quel cors nos, la dite Hannel et Perrins desus nommez, vandour, sozmatons nos corps, nos \22 hoirs et touz nos biens mobles et non-mobles, presanz et a-venir, quant a-tenir et garder fermemant \23 la-tenour de-ceste latre, 9 qui fut faite et donee l-an de-l-Inquarnatiom Nostre Signour corant par mil troix cent \24 et vint, lou sanbadiz aprés l-Apariciom Nostre Signour.