Téléchargement du document

Documents linguistiques galloromans
Corpus : chNCh (chNCh)
Responsable du corpus : NN
Édition de la charte : Bernadette Gavillet.

chNCh101

1319, 20 avril.

Type de document: charte: reconnaissance de fief

Objet: Reconnaissance par Thibaut d’Orsans de tout ce qu’il tient ligement d’Agnès du Durnes à Vuillafans, à savoir: 100 soudées de terre.

Auteur: Official de la cour de Besançon.

Disposant: Thibaut d'Orsans.

Sceau: sceau de la cour de Besançon.

Bénéficiaire: Agnès de Durnes.

Autres Acteurs: Jean de Naisey et Pierre de Beaumotte, témoins.

Rédacteur: Perrin de Haute-Pierre.

Support: Parchemin scellé sur double queue.

Lieu de conservation: AEN, T3 n° 4.

Verso: Li fyez Thiebaut d-Ossans (XIV^e siècle).

1 Nos, officiaus de la court de Besençon, 2 façons savoir a touz 3 que, par devant Perrin d-Aute Pierre, clerc, jurié de nostre court, nostre commandement \2 especiaul au quel nos avons commis et commeitons noz foyes par ces lettres et au quel nos avons foy pleniere, pour ce personelment establiz, \3 Thiebauz d-Ossans, filz çai en arriers monsi Jehan d-Ossans, chevalier, qui fu, recognut en droit par devant nostre dit commandement 4 que il est hons \4 liges devant touz de noble damoisele et saige Agnés de Durnec, dame dou Nuef Chastel de Villaffans, 5 et en tient de fyé ligement \5 cent soudees de terre qu-ele li ha donees en la chastelenie de Villaffans le Nuef. 6 Et promist li diz Thiebauz, pour lui et pour ses hoirs, par sa \6 foy donee corporelment en la main de nostre dit commandement, que il encontre ceste recognoissance ne venra ne fera venir par lui ne par \7 autrui ou temps a-venir. 7 Et ha obligié et sozmis a la juridicion et cohercion de nostre dite court temporele et espirituele lui, ses hoirs \8 et touz ses biens meubles et non-meubles, presenz et a-venir, pour lui contreindre a l-observacion des choses dessus dites. 8 En tesmoignaige \9 de la quel chose, nos, a la requeste dou dit Thiebaut, faite a nos par le rapport de nostre dit commandement, li quex nos ha rapporté \10 les choses dessus dites estre louees en sa presence en leu de nos en la meniere que dessus est dit, avons fait matre le seel de nostre dite \11 court pendent en ces lettres. 9 Faites et donees, presenz Jehan de Naisey, escuier, et monsi Pierre de Baumaute, prestre, chapelain de la \12 dite Agnex, tesmoins a ce appelez, le vintieme jour d-avril, l-an de grace corrant par mil .CCC. et dix et nuef. 10 P. de Alta Petra.