Téléchargement du document

Documents linguistiques galloromans
Corpus : chNCh (chNCh)
Responsable du corpus : NN
Édition de la charte : Bernadette Gavillet.

chNCh098

1319 (n. st.), 17 mars.

Type de document: charte: quittance

Objet: Quittance par Girard de Scey libérant Agnès de Durnes et Jeanne de Montfaucon, sa fille, de toute manière de dette.

Auteur: Official de la cour de Besançon.

Disposant: Girard de Scey.

Sceau: sceau de la cour de Besançon.

Bénéficiaire: Agnès de Durnes et Jeanne de Montfaucon.

Autres Acteurs: Girard de Vaite et Jean de Vercel, témoins.

Rédacteur: Perrin de Haute-Pierre.

Support: Parchemin scellé sur double queue; il reste l’attache et un fragment de sceau.

Lieu de conservation: AEN, X3 n° 21.

Verso: Lettre de quitance de Girart de Ceys (XIV^e siècle).

1 Nos, officiaus de la court de Besençon, 2 façons savoir a touz 3 que, par devant Perrin d-Aute Pierre, clerc, jurié \2 de nostre court, nostre commandement especiaul au quel nos avons commis et commeitons noz foyes par ces lettres, pour ce \3 personelment establiz, Girars de Ceys, escuiers, recognut en droit par devant nostre dit commandement 4 que il \4 ha quitei et quite, pour lui et pour ses hoirs, a touz jours mais, noble damoisele et saige Agnex de Durnec, \5 dame Villaffans le Nuef, et Jehannaute, sa fille, et lour hoirs, de tout quan-que il lour pooit ne devoit \6 demander, en quelque meniere que ce fust, pour raison de ce qu-il avoit a Roe, soit dou fyé au donzel \7 de Roe ou d-autres choses queles que eles soient ne comant que eles soient nommees, permei une \8 certeine some d-argent qu-il en ha heu et recehu de la dite Agnés, en nom de sa dite fille, en bone \9 monoie leiaulment nombree et tournee en son profist, et s-en tint a bien paiez. 5 Promeitant, pour lui et \10 pour ses hoirs, par sa foy corporelment donee en la main de nostre dit commandement, la dite quitance et les \11 dites covenances tenir, garder et acomplir sans venir ne faire venir encontre per lui ne per \12 autrui. 6 Obligenz et sozmeitanz en la juridicion et cohercion temporele et espirituele de nostre dite \13 court lui, ses hoirs et touz ses biens meubles et non-meubles, presenz et a-venir, pour lui contreindre \14 tout de plain a tenir et acomplir les covenances dessus dites. 7 En tesmoignaige de la quel chose, \15 nos, a la requeste dou dit Girart, faite a nos par le rapport de nostre dit commandement, li-quex nos ha \16 rapporté les choses devant dites estre cognues en sa presence en leu de nos en la meniere que \17 dessus est dit, avons fait matre en ces lettres le seel de nostre dite court de Besençon. 8 Ce fu fait \18 et doné, present monsi Girart de Vaites, chevalier, et sire Jehan de Vercex, seignour de loys, tesmoins a ce \19 appelez, le sambadi aprés la feste de saint Gregoire, l-an de grace corrant per mil .CCC. et dix \20 et huit. 9 P. de Alta Petra.