Téléchargement du document

Documents linguistiques galloromans
Corpus : chNCh (chNCh)
Responsable du corpus : NN
Édition de la charte : Bernadette Gavillet.

chNCh096

1319 (n. st.), 16 mars.

Type de document: charte: quittance

Objet: Quittance par Heliot, juif de Vesoul, reconnaissant avoir acquitté Agnès de Durnes et Jeanne, sa fille, de tout ce qu’elles lui devaient, à l’exception d’une dette de 510 livres [cf. 95] et d’une dette 26 livres, 13 sous et 4 deniers.

Auteur: Official de la cour de Besançon.

Disposant: Heliot, juif de Vesoul.

Sceau: sceaux de la cour de Besançon et de Vesoul.

Bénéficiaire: Agnès de Durnes et Jeanne de Montfaucon.

Rédacteur: Richard dit des Bans et Jean de Port.

Support: Parchemin scellé de deux sceaux sur double queue.

Lieu de conservation: AEN, L3 n° 4.

Verso: Agnel de Durnec, dame de Veillaffans (XIV^e siècle).

1 Nous, officials de la court de Besençon, 2 façons savoir a-touz 3 que, en la presence de Richart dit des Bans, de Vesoul, et de Je\2han de Port, clerz, juriez de nostre dite court de Besençon, nos commandemenz especials a-ce envoiez en leu de nous et de-part nous, es quels \3 et a un-chescun d-icels nous avons foy pleniere et lour avons commis et commettons nostre pooir par ces presentes lettres, pour ce em propre persone \4 estaubliz et a-ce venanz en droit et en jugement par devant nos diz juriez en leu de nous, Helioz, juys, demorans a-Vesoul, non \5 controinz, nom decehuz, mes de sa bone volontey, senz force, ai racoignu et confessey 4 que il, pour lui et pour ses hoirs, ai quittey et remis \6, quitte et remet noble damiselle, Agnel de Durnet, dame de Vellaffans, femme jadis de noble damisel, Jehan, signour de Mont\7falcon, qui fui, et Jehannote, fille des diz Jehan et Agnel, et lour hoirs, de toute maniere de debtes et de choses que li diz Jehanz, \8 mariz de la dite Agnel, messires Vauthiers, peres dou dit Jehan, et messires Jehanz, ses oncles, signour de Monfalcon, qui furent, et les dites \9 Agnels et Jehannote dehussent onques ou fussent tenu ou obligié au dit Heliot en lour chief, par lettres ou senz lettres, de tout le temps \10 passey jusque au jour de la confection de ces presentes lettres, 5 sauf toute voie que de une debte de cinc cenz et dix livres d-estevenans \11 que li dite Agnels, pour li et en nom de la dite Jehannote, sa fille, doit encor au dit Heliot, a paier a la feste de Saint Martin d-yver \12 prochainnement venant, l-an de grace mil trois cenz et dix-nuef, 6 et sauf encor une autre debte de vint et seix livres treze soulz et quatre \13 deniers que li dite Agnels, ou nom de li et de la dite Jehannote, sa fille, doit encor au dit Heliot, que sont a-paier a-la feste de saint \14 Michiel qui seray en l-an de grace mil trois cenz et vint, 7 par ensic comme il est contenu en doux paire de lettres que li diz Helioz en ay \15 de la dite Agnel, saellees des seels des courz de l-official de Besençon et de Vesoul; 8 et ay volu et autroiié li diz Helioz par devant nos diz juriez \16 que toutes autres lettres que en seroient trouvees dou-temps passey en que mentions fust faite des dites Agnel et Jehannote, de \17 Jehan, de monsi Vauthier et de monsi Jehan, dessus diz signours de Monfalcon, qui furent, que elles soient et fussent de nulle valour encontre \18 les dites Agnel et Jehannote et lour hoirs, 9 sauf toute voie que les dites lettres de cinc cenz et dix livres et les autres lettres de vint et seix \19 livres treze soulz et quatre deniers, des quelles mencions est dessus faite. 10 Et ceste quittance, en la maniere qu-il est dessus dit et devisey, ay \20 fait li diz Helioz es dites Agnel et Jehannote et a lour hoirs pour roison de la-tierce partie des debtes es queles li diz Jehanz, sires de Mon\21falcon, mariz de la dite Agnel au temps qu-il vivoit, pooit ou devoit estre tenuz au dit Heliot pour roison de lui, de monsi Vauthier, son \22 pere, et de monsi Jehan, signours de Monfalcon, qui furent; 11 de la quelle tierce partie des dites debtes, li dite Agnels, pour li et pour la dite Jehannote, \23 sa fille, ai fait grey en la main dou dit Heliot parmi facent son debt en la main dou dit Heliot des dites cinc cenz et dix livres de que \24 mencions est dessus faite; 12 et autre chose n-en porroit querir ne demander li diz Helioz es dites Agnel et Jehannote ne a lour hoirs, \25 mes s-en devroit tenir et tanroit es autres hoirs dou dit Jehan, signour de Monfalcon, qui fui, des autres douhes parties des dites deb\26tes. 13 Promettanz li diz Helioz que il contre les choses et convenances dessus dites ne irai, ferai ne consentiray a-aler par lui ne par autre, en \27 requoy ne en apert. 14 Submettanz quant a-ce lui, ses hoirs et touz ses biens en la juridicion de nostre court de Besençon par la quelle il \28 et sui hoir fussent et soient controint par sentence d-excommuniement mise es participans ensemble lour se il de-riens aloient encontre \29 les choses et convenances dessus dites. 15 En tesmoingaige de la quel chose, a la requeste dou dit Heliot, faite en droit par devant nos diz \30 juriez en leu de nous, a la relation de nos diz juriez, digne de foy, nous avons mis le seel de nostre dite court de Besençon en ces presentes \31 lettres; 16 avec le quel seel de la dite court de Besençon, je, Helioz, juys dessus diz, ai requis et fait mettre en ces lettres le seel de nostre signor \32 le roy de France dou quel on use en la court de Vesoul, 17 en la quelle court de Vesoul je submot moy, mes hoirs et touz mes biens \33 pour moy faire controindre a-tenir et acomplir les choses et les convenances dessus dites. 18 Ce fui fait et doney le vanredi apré le diemoinge \34 que on chante Oculi mei, l-an de grace mil trois cenz et dix-huict. 19 R. des (des) Bans de Vesoul, Johannes de Portu.