Téléchargement du document

Documents linguistiques galloromans
Corpus : chNCh (chNCh)
Responsable du corpus : NN
Édition de la charte : Bernadette Gavillet.

chNCh073

1318 (n. st.), 25 mars.

Type de document: charte: vente

Objet: Vente par Perrin dit Rigaut et Luquet, son frère, à Jean [II] de Montfaucon-Montbéliard du quart de la dîme de vin de Vuillafans pour 100 livres.

Auteur: Official de la cour de Besançon.

Disposant: Perrin dit Rigaut et Luquet, son frère.

Sceau: sceau de la cour de Besançon.

Bénéficiaire: Jean [II] de Montfaucon-Montbéliard.

Autres Acteurs: Jean de Chantrans et Jacquet, fils de Huaut, de Mouthier-Haute-Pierre.

Rédacteur: Guillaume, curé d Fertans.

Support: Parchemin scellé sur double queue.

Lieu de conservation: AEN, Y3 n° 2.

Verso: Lettre de vendue de Perrin Rigaust et de Luquaut, dou dieme de vin de Villafans. (XIV^e siècle).

1 Nos, officiaux de la court de Besençon, 2 façons savoir a touz 3 que, par devant monsi Guillame, curié de Fertans, \2 jurié de nostre court, nostre commandement especiaul au quel nos avons foy pleniere et au quel nos avons \3 commis et commeitons nos foyes par ces lettres, pour ce personelment establi, Perrins diz Rigauz et Luquauz, frere, \4 enfant çai en arriers monsi Jehan Rigaust, de Villaffans, chevalier, qui fu, hont recognu et confessei en \5 droit par devant nostre dit commandement 4 lour avoir vendu, quitei, outroié et delivrei, pour lour et pour \6 lour hoirs, a touz jours mais, a noble damoisel et saige, Jehan de Monbeliart, seignour de Monfaucon, \7 present et recevant, pour lui et pour ses hoirs, tel droit et tel raison comme il avoient, pooient et \8 devoient avoir es diemes de vin dou territoire des doux chastiaux de Villaffans et de la vile, \9 en quelque meniere et pour quelque raison que ce fust, c-est assavoir la quarte partie des diz diemes, \10 pour le pris de cent livres d-estevenens les quex il hont recognu par devant nostre dit commandement avoir \11 heu et recehu dou dit seignour de Monfaucon, achetour, en bons deniers nombrez et tournez en lour grant \12 profist et en paiement de lour dabtes, et s-en tinrent a bien paié. 5 Et hont promis par devant nostre dit \13 commandement li dit vendour, pour lour et pour lour hoirs, par lour fois corporelment donees sus saintes \14 evangiles toichies et par l-obligacion de touz lour biens meubles et non-meubles, presenz et a-venir, \15 les quex il hont obligiez en la main dou dit achetour quant a ce, que il encontre ceste vendue \16 ne venront ne feront venir par lour ne par autrui ou temps a-venir, mais la quarte partie \17 des diz diemes ensinc vendue garantiront, appaiseront, delivreront et deffendront, chascuns \18 pour le tout, a lour propres missions et despens, au dit achetour et a ses hoirs, encontre toutes genz et \19 en touz leux; 6 et rendront et restabliront au dit achetour et a ses hoirs touz domaiges, missions \20 et interest que il feroient, auroient et encourroient pour deffaut de la dite garentie non pourtee \21 en la meniere que dessus est dit. 7 Et hont renuncié en ce fait li dit vendour, par lour dite foy, a \22 toutes exceptions de fait et de-droit es quex quant a ce il convenroit plus expressement renuncier \23 et qui contre la tenour de ces lettres pourroient estre dites et opposees en aucune meniere, et \24 especiaulment au droit qui dit que general renunciacions ne vaut. 8 Et quant a ces convenances \25 tenir et acomplir fermement, li dit vendour en hont obligié et sozmis, chascuns pour le tout, en la \26 juridicion de nostre court lour et lour hoirs et touz lour biens et les biens de lour hoirs, \27 meubles et non-meubles, presenz et a-venir, pour lour contreindre par sentence d-escomuniemant et par la prise \28 et la vendue de lour biens, a acomplir les covenances dessus escriptes. 9 En tesmoignaige de la quel \29 chose, nos, a la proiere et requeste des diz vendours, faite a nos par nostre dit commandement, li quex \30 nos ha rapportees les choses dessus dites estre faites en la meniere que dessus est dit, avons mis \31 le seel de nostre dite court pendent en ces lettres. 10 Faites et donees l-uitieme jour des \32 kalendes d-avril, l-an de grace corrant par mil .CCC. et dix et sept, present maistre Jehan de \33 Chantrans et Jaquaut, fil Huaut de Mostier Aute Pierre, tesmoins a ce appelez. 11 Ita est. G., curatus de Fertans.