Accueil>Les corpus textuels>Charte chNCh070

Accueil

Descriptif du projet

Les corpus textuels

Interrogations linguistiques
[vers une autre interface]

Contact

 

Choix d'édition

édition critique
édition interprétative
édition diplomatique

Montrer la structure rhétorique

non
oui

   

Téléchargement du document

fichier xml fichier pdf

Documents linguistiques galloromans
Corpus : chNCh (chNCh)
Responsable du corpus : NN
Édition de la charte : Bernadette Gavillet.

chNCh070

1317, mai.

Type de document: charte: accord

Objet: Accord entre Jean de Vuillafans et Huguenin de Pontarlier concernant le paiement de cent livres que Jean doit à Huguenin pour la dot d’Agnès, sa sœur. Jean octroie à Huguenin des possessions terrestres et 45 soudées de rente annuelle. Dans l’année suivant le décès de Mile, l’oncle de Jean, ce dernier peut octroyer à Huguenin 6 livrées de terre supplémentaires hors du Val de Vuillafans. Si Jean ne parvient pas à garantir ces octrois, Huguenin pourra trouver des terres hors du Val de Vuillafans.

Auteur: Official de la cour de Besançon.

Disposant: Jean de Vuillafans.

Sceau: sceau de la cour de Besançon.

Bénéficiaire: Huguenin de Pontarlier.

Rédacteur: Guillaume, curé de Fertans.

Support: Parchemin scellé sur simple queue.

Lieu de conservation: AEN, X3 n° 18.

Verso: A Huguenin de Pontallié du mariage de Angnel, fille monsseignour Jaiques de Vuillaffans (XIVe siècle).

 1 Nos, officiaux de la court de Besançon, 2 façons savoir a touz ces qui verront et orront ces presentes letres 3 que, par devant monsi Guillame, curey de Fertans, jurey \2 de nostre cort de Besançon, nostre comandemant expecial por ce envoié de-part nos, au quel nos avvons quant a ce et a plus granz choses doney nostre puissance et au quel \3 nos avvons plenere foy, por ce personalment estaublit, Jehans, escuiers, filz çai-en-arriers monsi Jaique de Willafans, chevalier, d-une part, et Huguenin, fil monsi Jeham de \4 Pontellié, chevalier, en nom de lui et de Agnel, sa fome, suer dou dit Jeham, de l-autre part, les dites parties ont fait et acordey entre lour les covenances teles cum ci \5 aprés sunt escriptes et devisees, 4 c-est a-savoir que, come li diz Jehans deust encores a dit Huguenin, en nom que desus, dou mariaige de la dite Agnel, sa suer, cent livres \6 d-estevenans, 5 li diz Jehans, por lui et por ses hoirs, por les cent livres desus dites, ay baillié, outroié, quittey et delivrey permeignablement a dit Huguenin, por lui \7 et por ses hoirs, present et recevant, les choses ci aprés escriptes et devisees, c-est a-savoir: 6 un suen champ arauble, essis ou territoire de Mongesoie, que contient unze jornax, \8 delez la terre Estevenin a Clert d-une part et delez la terre Guiot, fil Puget, d-autre; 7 item, trois jornaux de terre essis en Ballates, delez la terre es damoiseles \9 de Villafans; 8 item, doues pieces de terre essises ou Frasne, des quex li une toiche a champ Verneret, item, li autre a champ a Merchondet; 9 item, trois jornaux essis \10 a tertre de la Berdace [1], delez la terre a curié; 10 item, trois jornaux toichanz a-la terre Jehannenet, fil Lambelet; 11 item, doues pieces de terre essises entre les doues viles \11 des quex li une siet entre la terre Quarmari, item li autre delez la terre a curié de Fertans; 12 item, dous jornaux essis en Vax des quex li uns siet \12 delez la terre Willemin, fil a-la Geste, item li autre ou lue que l-on dit a Roichet; 13 item, cinc jornaux essis entre Willafans et Mongesoie des quex li dui toichent \13 delez la terre Belin a Paichierre, item li uns delez la terre a Bovier, item li autre dui a-la terre Vienet dit Parbois; 14 item, un jornal essis desus lou petit bois; 15 \14 item, un jornaul essis en Lille 16 et quant que li diz Jehans ay, puet ne doit avoir en quelque menere que ce soit dois Chenalates jusque es aiges d-Ornans, \15 c-est a-savoir: en bois, en aubres, en terre arauble et en essarz, ensamble lou fonz, les appandises et les appartenances des choses desus dites, por sexante \16 et quinze soudees de terre a estevenans de rente chescun ant; 17 item, ay encor essigney et essiet et, en nom de assignatiom, baillié et delivrey avec les choses desus dites \17 baillies et delivrees a dit Huguenin, ou nom que desus, por les dites cent livres, quarante cint soudees de terre a estevenans panre, levoir et recevoir chescun ant \18 dou dit Huguenin et de ses hoirs sus touz les homes et sus lor mex que li diz Jehans puet ne doit avoir en quelque menere que ce fust a Villaffans. 18 Et li hay obli\19gié et oblige ses diz homes de Willafans por les dites quarante cinc soudees de terre et ne puet riens lever de ses diz homes tant que satisfactions saroit \20 faite chascun ant a dit Huguenin, en nom que desus, des dites quarante cinc soudees de terre, se n-estoit per la volontey dou dit Huguenin. 19 Les quex choses desus dites, \21 delivrees et essignees a dit Huguenin, en nom que desus, por les cent livres desus dites, li diz Jehans, por lui et por ses hoirs, ay promis, per son soirement doney en \22 la mein dou dit nostre comandement, a dit Huguenin, en nom que desus et sus l-obligaciom de touz ses biens mobles et non moubles, presenz et a-venir, garantir, appaisier \23 et deffendre adix, en touz lues et encontre [2] toutes genz, et que il ne venray encontre ne consentiray que autres i veigne. 20 Et se emsint estoit que deanz un \24 ant aprés lou decex maistre Mile, oncle dou dit Jeham, li diz Jehans povoit ou voloit a dit Huguenin autre part ou Val de Villafans, ou nom que desus, assigner \25 ou asseter six livrees de terre suffisaimant a regart de chevaliers et de bones genz, li diz Huguenins les doit panre, et se li diz Jehans ne povoit garantir \26 a dit Huguenin les choses desus dites, il li doit essigner autre part ou Val de Villafans a regart de chevaliers et de bones genz. 21 Et ces choses desus dites \27 li diz Jehans done, baille et delivre a dit Huguenin ou paiement des dites cent livres dou tout en tout, permeignablement, se einsit ne estoit que li diz Jehans \28 ne les assignet a dit Huguenin deanz un ant aprés lou decex dou dit monsi Mile autre part ou Val de Villafans au regart de chevaliers et de bones genz \29. 22 Et s-est devestuz li diz Jehans, por lui et por ses hoirs, des choses desus dites et de-tout lou droit qu-il avoit, par quelque menere que ce fust, en i-celes, et lou dit Huguenin \30, por lui et por ses hoirs, en ay envestu et mis en possessiom par ces presentes letres. 23 Encor ay volu et outroié li diz Jehans, s-il façoit ou venoit encontre, que nos \31 au tenir et guerder les choses desus dites lou controigniens par sentence d-excomuniement, et s-est submis quant a ce en la juridictiom de la cort de Besançom \32 et ay renuncié en cest fait li diz Jehans, per son soirement, a toutes exceptions de deceptiom, de circonvenciom, de actiom en fait, de condictiom senz cause ou de \33 mains sosfisant cause et a ce qu-il n-ait estey decehuz en façant lou dit essignal en outre la moitié dou droit pris ou enqui entour, et a toutes autres \34 raisons, allegacions et desfenses que porroient estre opposees contre ces presentes letres, et a droit que dit que generaux renunciacions na vaut. 24 En tesmoignaige \35 de la quel chose, nos, a-la relacion dou dit nostre comandement, avvons mis lou sael de-la cort de-Besançon en ces presentes letres. 25 Faites et donees ou moys \36 de may, l-an Nostre Signour corrant par mil .CCC. et dix et sept. 26 Ita est. G. curatus de Fertans.
Notes de transcription
[1] Ou: Berdate.
[2] Ainsicoupé:en contre.