Téléchargement du document

Documents linguistiques galloromans
Corpus : chNCh (chNCh)
Responsable du corpus : NN
Édition de la charte : Bernadette Gavillet.

chNCh065

1315, 4 juillet.

Type de document: charte: serment

Objet: Réitération du serment autrefois prêté par Jean de Suscevaz, fils de Pierre, à Girard d’Arguel, par le dit Jean à Rodolphe [IV] de Neuchâtel. Il s’engage à garder le château de Champvent pour le profit de Jean de Champvent, mari de la fille de Rodolphe, Catherine de Neuchâtel. En cas de décès de Jean de Champvent, le château sera rendu par Jean de Suscevaz à Rodolphe [IV] de Neuchâtel.

Auteur: Jean de Suscevaz.

Disposant: Jean de Suscevaz.

Sceau: sceau de Girard d'Arguel et du prieur de Baulmes.

Bénéficiaire: Rodolphe [IV] de Neuchâtel.

Autres Acteurs: Girard d'Arguel, Jean de Champvent, et Catherine de Neuchâtel, sa femme.

Support: Parchemin scellé de deux sceaux sur double queue. Traces d’écriture sur l’attache du second sceau.

Lieu de conservation: AEN, Y6 n° 12.

Édition antérieure: Publication par G.-A. Matile, Monuments…, n° CCCXL, p. 321-322.

1 Je, Jehanz, filz mon seignour Pierre de Suceve, chevalier, 2 fais savoir a touz 3 que, comme je heusse le soirement \2 a noble home et saige, mon bien amé seignour, monssire Girart d-Arguel, chevalier, de garder le chastel de Cha[m]pvent \3 bien et loialment pour Jehan, fil çay-en-arriers Hombert de Champvent, escuier, 4 je, de la volunté et dou commandement \4 dou dit monssire Girart et dou dit Jehan de Champvent, le soirement en la maniere que je l-avoie fait en la main dou \5 dit monssire Girart, l-ai fait en la main de noble baron et saige, monssire Ro, seignour de Nuefchastel. 5 Et hai promis et \6 promet au dit monssire Ro par mon soirement fait et doné sus sainz evvangiles corporelment le dit chastel de Champvent \7 garder bien et loialment pour le profit dou dit Jehan de Champvent, de Katherine, sa feme, fille dou dit monssire Ro, et \8 pour lour. 6 Et, se ansi estoit que il avenist que il defaillit dou dit Jehan de Champvent par mort, je, de la volunté et dou \9 comandement dou dit monssire Girart et dou [dit] Jehan, ausi hai promis et promet par mon dit soirement au dit monssire Ro \10 le dit chastel de Cha[m]pvent rendre et baillier senz aler encontre por raison dou douaire de Katherine, sa fille, \11 feme dou dit Jehan de Champvent. 7 En tesmoignaige de la quel chose, je, li diz Jehanz de Suceve, hai requis mon devant \12 dit seignour, monssire Girart d-Arguel, chevalier, et religiouse persone et honeste,.. le priour de Baume, en la \13 dyocise de Losanne, que mettent lour sealx en cex presentes lettres; et nous, li diz Girars d-Arguel, chevaliers, et li diz \14 priours, a la requeste dou dit Jehan de Suceve, havons mis nostres sealx en cex presentes lettres. 8 Faite et donee \15 ou chastel de Chalemont, l-an Nostre Seignour corrant par mil trois cenz et quinze, ou mois de jullet, le \16 vanredi aprés la feste des apostres saint Pierre et saint Pol.