Téléchargement du document

Documents linguistiques galloromans
Corpus : chNCh (chNCh)
Responsable du corpus : NN
Édition de la charte : Bernadette Gavillet.

chNCh063

1314, 20 juin.

Type de document: charte: vente

Objet: Vente par Guillaume de Vautravers, fils de Gui de Vautravers, à son frère Jean d’un pré au Mont de Couvet pour 7 livres.

Auteur: Guillaume de Vautravers.

Disposant: Guillaume de Vautravers.

Sceau: sceaux de Girard, prieur de Vautravers, et de Vauchier, curé de Vautravers.

Bénéficiaire: Jean, frère de Guillaume de Vautravers.

Support: Parchemin scellé de deux sceaux sur simple queue.

Lieu de conservation: AEN, F8 n° 23.

Édition antérieure: Analyse par H. Jéquier, Le Val de Travers…, p. 209.

Verso: Agnés de Durnec, femme de Jehan de Monbelgard, transporte une gaigiere de Villafens a ung leur clerc sa vie naturele durent, l-an mil .CCC.XV. (XV^e siècle).

1 Je, Willemins, filz cey en arrer mom sy Guy de Valtraver, chevalier, 2 fay savoir a touz 3 que je, en regardent mon proffiet, \2 non mie deceu, contreint ne barraté, hay vendu et outroié en nom de pure vendicion a toz jorz mays, por moy et por mes hoirs, a Jeham, \3 mon frere, por luy et por ses hoirs, mon prel assis ou Mont de Covés, ou lue c-un dit ou Prel de la Jour, de joste le prel Esteve\4neta dita Ballia, d-une part, et dejoste le prel es enfanz cey en arrer Lamber dit Ray, de Covés, d-autre part, por seypt \5 livres de bons baleys, les quelz .VII. livres de baleys je hay haü et receu dou dit Jeham en bons deniers nombrez por raison \6 de la dite vendue. 4 Et deveste moy et mes hoirs dou dit prel et le dit Jeham et ses hoirs en enveste corporelment par cestes \7 lettres. 5 Et prometo et hay promix par ma foy donee en nom de sairemant que je contre la dite vendiciom ne contre \8 ceste lettre ne vendray par moy ne par autruyl des cy en avant mays au devant dit Jeham et a \9 ses hoirs je et my hoirs je et my hoirs serons leaulz gueiranz en jugemant et defforz contre touz. 6 Et arrenonce a ce fait a l-escepcion de l-argent nom \10 haü, nom receu et nom paié et a totes autres excepcions qui me porroient haidier ou a mes hoirs en ce fait et \11 au dit Jeham ou a ses hoirs nuere ou teim avenir. 7 En tesmoignaige de la quel chose, je, Willemins desus \12 ditz, hay prié et requix religiouse persone mom sy Girar, priour de Valtraver, et mom sy Vauchier, curié de ce \13 meisme lue, que il meissent lour seex en ces lettres; et nos li diz priour et curié, a la priere dou dit \14 Willemim, havons mix nostres seex en ces lettres. 8 Donees et faites l-an Nostre Seignour mil troys cent \15 et quatorze, le jeudyt devant la feste de seint Jeham Baptistre.