Téléchargement du document

Documents linguistiques galloromans
Corpus : chNCh (chNCh)
Responsable du corpus : NN
Édition de la charte : Bernadette Gavillet.

chNCh060

1313 (n. st.), janvier.

Type de document: charte: alliance

Objet: Alliance entre Thibaut [III] de Neuchâtel, du diocèse de Besançon, et son cousin Rodolphe [IV] de Neuchâtel, du diocèse de Lausanne. Thibaut s’engage à apporter aide et secours à Rodolphe, et ce dans un délai de quinze jours après réception d’une requête de Rodolphe. Il s’engage ainsi à proposer à son cousin, ou quiconque se revendiquant de lui, une offre de repli sur ses terres, dans ses maisons ou dans ses forteresses, sauf en cas de conflit avec Jean [I] de Chalon-Arlay, Jean [II] de Montfaucon-Montbéliard et Jean [II] de la Roche.

Auteur: Thibaut [III] de Neuchâtel.

Disposant: Thibaut [III] de Neuchâtel.

Sceau: sceau de Thibaut [III] de Neuchâtel.

Bénéficiaire: Rodolphe [IV] de Neuchâtel.

Autres Acteurs: Jean [I] de Chalon-Arlay, Jean [II] de Montfaucon-Montbéliard et Jean [II] de la Roche.

Support: Parchemin jadis scellé sur double queue.

Lieu de conservation: AEN, A1 n° 8.

Édition antérieure: Publication dans Matile, Monuments…, n° CCCXXXV, p. 315.

1 Nos, Thiebauz, sires de Nuefchastel, de la dyocese de Besençon, 2 façons savoir a toz 3 que nos, consideré et regardé nostre profit, havons \2 fait aliance et confederation a noble home, nostre chier cusin, mon signour Rol, signour de Nuefchastel, de la dyocese de Losanne, a \3 toz jors, a nostre vie et a la sue, 4 en tel forme que tottes foiz que mestier li sara et nos en sarons requis per lui ou per son messa\4gé ou per sa lettre, per quinze jors aprés sa requeste, que nos li promettons, per nostre sairement doné corporelment sus saint evangele, aidier et \5 consoillier, lui et a ses genz, en plait et en armes et senz armes, a grant force et a petite, en guerre et en toz bestanz que li diz Rol \6 aura au tens a venir, en toz lues, coment que ce soit, por le fait dou dit Rol, ou a lui apertinent. 5 Encor li promettons per nostre dit sairement \7 lui et sa gent recepter en noz maisons et en noz forteresces, nos et nostre terre, [a] grant force et a petite aler avoi lui contre tottes genz, exceptez \8 nobles homes, c-est a savoir: mon signour, mon si Jehan de Chalon, signour d-Allay, Jehan, signour de Monfaucon, et Jehan de la Roiche, signour de Chastillon. 6 \9 Encor promettons aut dit Rol, lui et sa gent, ou que il saroient en non de lui et por lui, recepter en noz chasteaus et en noz forteres\10ces per tot lai ou meillours li sara, a grant force et petite, contre tottes genz, sauz contre ces dessus diz et contre ces de cui tenons noz dites \11 forteresces. 7 La quel aleance dessus dite nos promettons tenir et garder per nostre sairement dessus dit bien et loyalment et que nos \12 procurerons le profit dou dit Rol en la maniere dessus dites, et que contre ceste lettre ne contre ces covenances nos ne venrons ne fa\13rons aller. 8 En tesmoignage de la quel chose, nos havons mis nostre seel en ces presenz lettres, 9 faites et donees l-an Nostre \14 Signour corent per mil .CCC. et doze, ou mois de janvyer.