Téléchargement du document

Documents linguistiques galloromans
Corpus : chNCh (chNCh)
Responsable du corpus : NN
Édition de la charte : Bernadette Gavillet.

chNCh056

1311, 30 avril.

Type de document: charte: renonciation

Objet: Renonciation par Guillemin dit Ferdelet, de Pontarlier, en récompense des services qu’elle lui a rendus et pour 20 livres qu’elle lui a données, aux biens meubles et à l’héritage de la Guie, sa nièce, fille de son frère Estevenon dit Hevrart et de ses droits sur les hommes appelés QuassePainsd’Ansyes, à l’exception de ce qu’il a en sa possession au jour de la confection de cette lettre.

Auteur: Guillemin dit Ferdelet.

Disposant: Guillemin dit Ferdelet.

Sceau: sceau de Pontarlier.

Bénéficiaire: La Guie.

Autres Acteurs: Estevenon dit Hevrart, Les "Quasse Pains d’Ansyes".

Rédacteur: Perrin Tholomé et Estevenin de l'Aule.

Support: Parchemin scellé sur double queue.

Lieu de conservation: AEN, F8 n° 7.

Verso: La Guye, femme Perrenet l-Alemant. Louee. Debet pro sigillo .XX. d. et scripturam (XIV^e siècle).

1 Je, Willemins diz Ferdelez, de Pontellié, 2 fais savoir a-touz ces qui verront et orront ces presentes lattres 3 que je, de mon bon gré et de ma \2 bone, pure et frainche volunté, non-mie contrainz, decehuz ne baretez en ce fait, pour moi et pour mes hoirs, conois et con\3fesse moi estre departiz et dessoivrez dou tout entierement de mouble et de herietaige de la Guye, ma niece, fille Este\4venon dit Hevrart, mon frere, femme Perrenet dit l-Alemant, borgois de Pontellié, et de ses hoirs, perpetuament, 4 en te\5le meniere que çou que j-ai et de que je suis en possession et hai esté jusques a jor de la confection de ces presentes lattres en mouble et en \6 herietaige me demore pour mon partaige et a mes hoirs aussiment; 5 et les choses que la dite Guye tient et hai tenues \7 ou temps passé, des queles choses la dite Guye est et hai esté en possession jusques a jor de la confection de ces presentes lattres \8 en moubles et en herietaiges demorent toutes entieremant a la dite Guye et a ses hoirs perpetuament pour \9 son partaige. 6 Et par ceste partie dessus devisee, pour les choses dessus dites que [...] ^[1] porte pour mon partaige je, li-diz Villemins Fer\10delez devant diz, pour moi et pour mes hoirs, quitois et hai quité la dite Guye, ma niece, et ses hoirs perpetuament de tout \11 partaige en moubles et en herietaiges, de conquises, d-eschoites et de toutes autres choses que je pourroie, devroie ou vou\12droie demander a la dite Guye ou a ses hoirs ou temps a-venir. 7 Et especiament je, pour moi et pour mes hoirs, quitois et hai \13 quité a la dite Guye et a ses hoirs perpetuament tout lou droit, toute la cause et toute la roison que je puis et doi havoir \14 es homes que l-on claimme les Quasse Pains d-Ansyes ^[2]. 8 Et conois et confesse moi havoir ma partie loyalment des choses dessus dites et \15 m-en tien pour bien-paiez. 9 Et cestes quitances, je, li diz Villemins Ferdelez, fais et hai faites, pour moi et pour mes hoirs, \16 a la dite Guye et es suens hoirs perpetuament pour plusours biens que la dite Guye m-a faiz ou temps passé et especial\17ment pour vint livres d-estevenens, les ques j-ai ahuz et recehuz entierement de la dite Guye et m-en tien por bien \18 paiez et la dite Guye et ses hoirs en quitois et hai quitez perpetuament, et pour partaige dessus devisé que j-ai, et m-en tien \19 pour bien paiez. 10 Et promet et hai promis par mon soiremant doné corporelment sus sainz evangiles que je la dite partie et \20 la dite quitance ne rappellerai ne ferai rappeller par moi ne par autrui, apparamment ne resconduamment, et que je ne deman\21derai a la dite Guye ne reclamerai ou temps a-venir a-lei ne a ses hoirs nul autre partaige de mouble ne de he\22rietaige qui nos soit demorez de nostre pere et de nostre mere, et especiament dou dit Estevenon dit Hevrart, \23 nostre frere. 11 Et ceste quitance je tiendrai et garderai fermemant a la dite Guye et a ses hoirs perpetuament, \24 en touz leus, encontre toutes genz et par deva[n]t touz juges, par mon soiremant dessus dit et sus l-oubligacion de touz \25 mes biens moubles et non moubles, presenz et a-venir, quel que il soient et puissent estre trovez. 12 Et renunce et hai renuncié \26 en ce fait a touz droiz escripz et non mie escripz canon et de loys, et especiament a droit qui dit que generaus \27 renunciacions ne vaut, a touz priviliges, a touz usaiges et a toutes [co]stumes ^[3] de paiis, et a toutes autres \28 roisons et reclamacions de fait, de droit et de volunté qui me pourr[oient] ^[4] valoir et haidier, moi ou a mes \29 hoirs, en ce fait et nuire a la dite Guye, ma niece, ou a ses hoirs. 13 En tesmoignaige de la quele chose, j-ai requis \30 et fait saeller ces presentes lattres dou seel de la cort a tres noble dame et puissant dame Mahaut, contesse \31 d-Arthois et de Borgoigne palazine, et dame de Salins, dou quel seel l-on use a Pontellié, par Perrin Tholomier \32 et par Estevenin de l-Aule, en la juridicion de la quele cort je somet et hai somis moi et touz mes biens mou\33bles et non moubles, presenz et a-venir, quel que il soient et puissent estre trovez por faire tenir et acomplir la \34 tenour de ces presentes lattres. 14 Faites et donees en l-an de grace corrant par mil trois cenz et unze, lou \35 vanredy devant la feste des Apostres saint Phelyppe et saint Jayque.

Notes de transcription
^[1] Un mot effacé.
^[2] OuAusyes.
^[3] Ecrituretrèseffacée.
^[4] Ecrituretrèseffacée.