Téléchargement du document

Documents linguistiques galloromans
Corpus : chNCh (chNCh)
Responsable du corpus : NN
Édition de la charte : Bernadette Gavillet.

chNCh050

1305 ou 1306 (n. st.), mars.

Type de document: charte: vente

Objet: Vente par Jeannete, fille de feu Fereclot, avec l’accord de son mari Guillemin, à Perrenet dit Mercier, bourgeois de Pontarlier, à sa femme la Guie et à leurs héritiers, de sa part du pré de la Chena qui lui est échue de sa sœur pour 76 sous et 20 deniers qu’elle doit à Perrenet et 60 sous qu’elle a reçu de lui. Pour ce pré, un cens annuel de 10 deniers revient à Notre-Dame de Pontarlier.

Auteur: Jeannete, fille de feu Fereclot.

Disposant: Jeannete, fille de feu Fereclot.

Sceau: sceau de Pontarlier.

Bénéficiaire: Perrenet dit Mercier et la Guie, sa femme.

Autres Acteurs: Guillemin, mari de Jeannete.

Rédacteur: Perrin Tholomé et Estevenin de l'Aule.

Support: Parchemin jadis scellé sur double queue.

Lieu de conservation: AEN, B9 n° 14.

Verso: Perrenet li Mercier paier touz dd. (XIV^e siècle).

1 Je, Juaneta, file çay en arers Fereclot, 2 fay savoir a touz ces qui verront et orront ces presentes lettres 3 que je, de ma \2 bone volontey, non mie contrainte ne decehue ne baratee en ces fait, et par le los et par le consantement de Vuillemin, \3 mon mari, ay vanduz, quitey, outroier et delivrez parmaignablement, a touz jour mes, touz frainchement a Perrenet \4 dit Mercier, borjois de Pontellié, et a la Guie, sa fame, et a lours hoirs ma partie dou prez de Chena, c-es a savoir \5 le siete de touz le dit prez que m-es eschoite de Damate, ma suert, li quel prez est atochant a-prez Vuinet Taquet \6 d-oune part et d-autre par a-prez Jaquinet a la Truie, por le pris de sesante et saze sols et vuil deniés d-estevenens, \7 les ques je devé a-dit Perrenet sus le prez, et por le pris de sesante sos de bone monoie corsauble en l-arceveschier \8 de Bessençon, les ques j-ay ehuz et recehuz dou dit Perrenet et de la Guie, sa fame, en bons deniés nombrez. 4 Et doit le-dite \9 partie dou prez chacune annee, a-touz jour mes, dis deniés de cens a Nostre Dame de Pontallié. 5 La quel vandue devant \10 nommee, je, Jueneta desus dite, promat et ay promis, par ma foy donee, guarantir, mantenir, desfandre et apaisier a dit Perrenet \11 et a la Guie, sa fame, et a lours hoirs, en touz lues et contre totes genz, 6 et que je la dite vandue ne rapelleray ne feray \12 rapellez par moy ne par autres persones lointaines ou pruchaines. 7 Et renonçoy et ay renoncier en ces fait a-touz droit \13 escript et-non mie escript de loy et de canon et a-totes autres exeptions, raisons, aleguations, reclamations de ma, de-baret, \14 de pecune non mie paie, de husure et de croserie, de deceptions outre la moitier de droit pris, especialment a-droit \15 que dit que general renonciation ne vaut, par les ques choses la dite vandue porroit estre rapellee ou anoiancie \16 en cour de cristiantey ou en cour de seignour terriens. 8 En-tesmoignage de la quel chose, je, Jueneta desus nommee, ay \17 fait seellé ces letres par mes prieres et par ma requeste dou seel de la cour a-tres aute et tres puissent dame Mahot, \18 comtesse d-Artois et de Borgoigne pallatine et dame de Salins, dou quel on use a-Pontellié, par Perrin Tholomé et par Estevenin \19 de l-Aule, en la juridicion de la quel court, je, Juenete, vanderi desus dite, somat et ay somis moy et touz mes biens \20 mobles et non mobles, pressent et a-venir, por faire tenir la tenour de ceste lettre. 9 Faites et donees l-an corrant \21 mil .CCC. et cinc, ou mois de mar.