Téléchargement du document

Documents linguistiques galloromans
Corpus : chartes de Douai (chDo)
Responsable du corpus : Martin-D. Glessgen
Édition de la charte : Monique Mestayer / Thomas Brunner

chdouai0367

1265, 1^er-28 juin. - Douai.

Type de document: charte: reconnaissance de dette et donation de bien

Objet: Reconnaissance d'une dette de 160 livres par. contractée par Gérard "Hieraus" envers Pierre de Hasnon à l'occasion du mariage de son fils Robert avec Alixandre, fille de Guillaume "le Patinier" et donation par Gérard à ce même fils d'une maison à Douayeul dont il jouira après la mort de ses parents.

Auteur: non annoncé, échevins de Douai.

Disposant: Gérard "Hieraus".

Sceau: non scellé; devise chirographaire: CY-RO-GRA-PHUM

Bénéficiaire: Pierre de Hasnon; Robert, fils de Gérard.

Autres Acteurs: Robert, fils de Gérard, Alixandre, fille de Guillaume "le Patinier"; Amand de Lens et Pierre le Petit; Marote, femme de Gérard. - échevins de Douai: Gilles li Alains et Simon Malet.

Support: Original parchemin chirographe superposé tripartite - partie médiane.

Lieu de conservation: AM Douai, FF 661/5912.

Commentaire: ms. coumant

Verso: Cis escris est Pieron de Hasnon.

1 Sacent tout cil ki sunt et ki a-venir sunt que 2 Gherars Hieraus doit et a en-couvent a Pieron de Hasnon \2. VIII xx. lb. de par. a-rendre et a-paier a-Pieron devant dit u a-son coumant dedens l'an que Robiers, li-fils \3 Gherart Hieraut, ara espousee a-feme Alixandre, le fille Willaume le Patinier; et ces. VIII xx. lb. devant dites, \4 a en-couvent Gherars Hieraus a lui et au sien que Pieres de Hanon devant dis les puist prendre a-lui et au \5 sien par tout u k'il l'ait et vendre et despendre coume le sien dusques as. VIII xx. lb. devant dites s'il n'estoi\6ent paiet dedens le jor devant dit. De ces. VIII xx. lb. devant dites, sunt dette, et cascuns por le tout, por \7 Gherart Hieraut devant dit, Amans de Lens et Pieres li Petis; 3 et si en sunt conpaignon Amans de Lens et \8 Pieres li Petis as damages s'il les i avoient autant li uns coume li autres d'endroit ces couvenences devant \9 dites. Et si a en-couvent Gherars Hieraus a-lui et au sien a-aquiter tous quites Amant de Lens et Pieron \10 le Petit de tous cous et de tous damages qu'il i aroient cascun sor sen dit d'endroit ces couvenences devant \11 dites. Et si a en-couvent Gherars Hieraus a-aquiter tout quite Robiert, sen fil, de toutes dettes de ci au jor \12 et a-l'eure qu'il aroit espousee a-feme Alixandre, le fille Willaume le Patinier. Et si a encore counut et otriiet \13 Gherars Hieraus a Robiert, sen fil, en mariage se maison et tout sen tennement la il maint a Devioel joing\14nant au tennement ki fu mon segneur Willaume de Devioel, si coume il siet, wis et hierberghies devant et der\15riere, a .XL. s. de par. par an au plus, se tant doit, a-prendre et a-avoir coume sen hiretage aprés le déciés de \16 Gherart Hieraut, sen pere, et de Marotain, se feme, mere a celui Robiert, tout quite sans nule couvenence \17 a tel rente que deseure est dite, se tant doit. 4 A-ceste counissance furent coume eschevin Gilles li Alains \18 et Simons Malés, en l'an del Incarnaton .M.CC. et. LXV., el mois de june.