Téléchargement du document

Documents linguistiques galloromans
Corpus : chNCh (chNCh)
Responsable du corpus : NN
Édition de la charte : Bernadette Gavillet.

chNCh041

1304, octobre.

Type de document: charte: renonciation

Objet: Renonciation par Amiet, fils de feu Amiet dit de Voires, en faveur de Sibylle, sa mère, et de Jean d’Avoudrey, son beau-père, à tout ce qu’il a acquis par l’héritage de son père en raison des frais encourus par Sibylle et Jean lorsqu’il était sous leur tutelle. Il reconnait leur devoir 20 livres pour le douaire du premier mariage de sa mère qu’il promet de payer par tranche de 4 livres à chaque Nativité et une rente annuelle de 6 bichets de blé, la moitié en avoine, l’autre en froment, pour les terres du territoire de Voires qu’il a héritées de son père et que sa mère tient par son douaire. Il paiera cette rente tant qu’il conservera la terre que Sibylle et Jean peuvent récupérer à condition qu'elle soit prête pour les semailles de froment et d’avoine.

Auteur: Amiet.

Disposant: Amiet.

Sceau: sceau de Vuillafans.

Bénéficiaire: Sibylle, mère d'Amiet, et Jean d'Avoudrey, beau-père d'Amiet.

Support: Parchemin jadis scellé sur double queue.

Lieu de conservation: AEN, T7 n° 14.

1 Je, Amiat, fiz Amiat dit de Voires, qui fu, 2 fois savoir a touz ces qui verront et orront ces presentes lettres 3 que, come \2 je aie esté per lonc tens et per plusours annees en la garde et en l-avouerie de Jehan dit d-Avoudrer, chestolain de Willaphens a cel \3 tens, et de Sebile, ma mere, fome dou dit Jehan, et li diz Jehanz et la dite Sebile aient receu plusours biens et plusours choses les queles \4 m-avenoient por raison dou dit Amiat, mon pere, 4 je, li diz Amiat, conos et confessoi que moi fors de l-avouerie et de la garde dou dit Jehan \5 et de la dite Sebile, ma mere, pais et acors ai esté fait de ma bone et franche volonté entre moi et lo dit Jehan et la dite Sebile, ma mere, \6 de toutes les choses que li diz Jehanz et la dite Sebile, ma mere, avoient receu, soit en deniers, soit en blef et en toutes autres choses \7 les queles m-avenoient ou devoient avenir, 5 en tel meniere que je, li diz Amiat, conos et confessoi que je quite et ai quité lo dit Jehan et \8 (et) la dite Sebile, mare ^[1], enterainnement, senz jemas rapeler, de toutes les choses que il ont aü ne receu dou mien, soit en deniers, soit en \9 blef, soit en toutes autres choses por raison de la poine et des missions que il ont fait por moi et por les detes que je devoie, que il \10 ont paies; et les quitoi de tout dou tens passé tan-que a-jor de la confection de ces presentes lettres. 6 Et est a-savoir que je, li diz Amiat, \11 conos et confessoi que je doi et confessoi moi devoir a dit Jehan et a la dite Sebile, ma mere, vuint livres de bone monoie corsauble por \12 raison dou mariaige que la dite Sebile, ma mere, ot quant ale vuint en la compaignie dou dit Amiat, mon pere, a-paier et a-rendre les \13 dites vuint livres es termes ci aprés enseganz, c-est a savoir: a la Nativité Nostre Seignour pruchainnement venant, quatre livres, a-la-Nati\14vité Nostre Seignour ensegant aprés, quatre livres, et ainsi a chescune Nativité de Nostre Seignour ensegant aprés, quatre livres, tan-que li diz Jehan \15 et la dite Sebile, ma mere, soient paiez entierement des dites vuint livres. Et est a-savoir que je doi paier a chescun terme de la monoie \16 qui corrai quant je ferai lo paiement. 7 Et conos et confessoi, je, li diz Amiat, que je doi et confessoi moi devoir a dit Jehan et a la dite Sebile, \17 ma mere, six bichet de blef a-la messuire de Durnay, moitié avoine et moitié froment, por raison de la moitié de l-erietaige de Ami\18at, mon pere, li-ques siet ou finaige et ou territoire de Voires, c-es a-savoir de prez, de chans et de chessas, li ques herietaiges avient \19 a la dite Sebile, ma mere, por raison de son douaire, a-paier et a rendre les diz six bichat de blef es termes ci aprés enseganz, c-est \20 a-savoir: de la Nativité Nostre Seignour pruchainnement venant en un an, six bichat, et a la Nativité Nostre Seignour ensegant aprés, six \21 bichat, et ainsi a chacune feste de la Nativité Nostre Seignour ensegant après, six bichat, tant come la volonté dou dit Jehan et de la dite \22 Sebile, ma mere, sara que je aie la dite terre. 8 Et quant li diz Jehanz et la dite Sebile vouront avoir la dite terre, il poent et doivent entrer \23 en la dite terre en somars et en retiers a tens de gainier les fromenz et es froituz a tens de gainier les avoines. 9 Et toutes ces covenan- \24ces, je, li diz Amiat, promet et ai promis per mon sairement fait et doné sor le saint evvangile garder et mantenir fermament adés et \25 touz jors a-dit Jehan et a-la dite Sebile. 10 Et lour promet ausi per mon dit sairement que je jemas contre cest fait ne irai ne ferai aler \26 taisiblement ne espressement per moi ne per autrui. 11 En tesmoignaige de verté, j-a fait saeler ces presentes lettres dou seel de noble \27 baron, mon seignour Vautier de Montfaucon, dou quel l-en use a Willaphens, en cui droit et en cui juridicion je met et ai mis moi \28 et touz mes biens mouble et non moubles, pressenz et a-venir, quant a tenir et a garder ces covenances desus dites. 12 Ce fu fait \29 l-an de l-incarnacion Nostre Seignour corrant per mil trois cent et quatre, ou mois de octouvre.

Notes de transcription
^[1] mare pourma mere.