Téléchargement du document

Documents linguistiques galloromans
Corpus : chNCh (chNCh)
Responsable du corpus : NN
Édition de la charte : Bernadette Gavillet.

chNCh038

1302, juin.

Type de document: charte: arbitrage

Objet: Arbitrage par Aimé de Faucogney d’une querelle entre Estevenod le Frostier et Jean, son fils, d’une part, et Gilles de Noidans et ses enfants d’autre part, concernant la garde des prés et des bois de Noidans. Aimé déclare que la garde de ces lieux appartient à Estevenod et à Jean et que Gilles de Noidans et ses héritiers ne possèdent aucun droit sur cette garde.

Auteur: Aimé de Faucogney.

Disposant: Gilles de Noidans.

Sceau: sceau d'Aimé de Faucogney.

Bénéficiaire: Estevenod le Frostier et Jean, son fils.

Support: Parchemin scellé sur double queue.

Lieu de conservation: AEN, M6 n° 27.

1 Je, Haymés de Facoigneys, sires de Veler, 2 fas savoir a touz ces qui varrunt et orrunt ces presantes lattres 3 que come descors fust \2 entre Estevenot lou frostier de Naidant et Jeham, son fil et fil de Clemance de Veler, qui fu, d-une part, et mon segnour Gyle de \3 Naidant et ses anfanz, d-atre, sus la garde des preez et des bois de Naidant, 4 vint avant li diz Estevenoz et li diz Jehanz, ses fiz, \4 et me requistrent, come a lour segnour droiturier de cui la chose muet, que je lour raportasse lour raison de la dite garde \5 des bois et des preez de Naidant, de la quele il estoent en possession et en vesture. 5 Et je, li diz Haymés, ajornai l-une partie et l-atre \6 par devant moi por raporter droit de la dite garde. 6 Je raportai lou droit et les usaiges de la vile de Naidant, ainsinc come mui de\7vantier et je l-avons tenu jusque a jour de-hui, en tel meniere come il est ci-aprés devisez: 7 que li diz Estevenoz, Jehanz, ses fiz, \8 devant diz, et lour hoir doivent garder les bois et les preez de Naidant et dou finaige de la dite vile. 8 Et est a savoir que li diz \9 Estevenoz et Jehanz, ses fiz, et lour hoir doivent avoir un andain rabaitu por raison de la dite garde des preez, et de chescune \10 fauz de preel estrange, dous deniers de praage. 9 Et doit avoir li diz Estevenoz, li diz Jehanz et lour hoir une vaiche et un \11 cheval es diz preez de Naidant por raison de la dite garde. 10 Aprés, je raportai par les devant diz us et custumes que li diz Estevenoz \12 et li diz Jehanz, ses fiz, et lour hoir doivent garder les bois de tout lou finaige de Naidant, et doivent avoir de chescun chaine \13 que on trancherai ou bois c-on dit en Vernoi quaitre deniers ou quaitre piez dou dit chaine par devers la fonte. 11 Et doivent \14 panre li diz Estevenoz, li diz Jehanz et lour hoir es diz bois de Naidant chescun jour chargié dous homes de bois de quelque \15 bois que il vouront panre, por raison de la dite garde. 12 Et est a savoir que li diz Estevenoz, li diz Jehanz et lour hoir doivent \16 lever totes les amandes, petites et granz, des diz bois et des diz preez et doivent venir des lour main en la moe main. 13 Et se \17 je povoe trover que li diz Estevenoz, li diz Jehanz ou lour hoir ne lou feissent bien et lealmant, il en doivent jurier sus \18 saintes evvangiles la verté et il en doivent estre creu par lour sairemant. 14 Et est a savoir que li diz mesires Giles de Naidant \19 ne sui hoir ne ont nunl droit ne nule raison en ces choses desus dites ne nuns atres fuer que li diz Estevenoz et li \20 diz Jehanz, ses fiz, et lour hoir ne ne doivent panre li diz mesi Giles ne sui hoir point de bois es diz bois de Naidant, \21 ne n-i ont nunl droit de gaigier. 15 Et se ainsinc estoit que il alessent par vers les bois devant diz et il i gaigoent nunl, ne es diz \22 prez, il doivent porter les diz gaiges de que il auroent gaigié a dit Estevenot ou a dit Jehan ou a lour hoirs. 16 \23 Les queles choses et covenances desus dites, je, li diz Haymés, promat et ai promis por moi et por mes hoirs tenir bien et lealmant \24 et porter bone garantie des devant dites choses a dit Estevenot et a dit Jehan, son fil, et a lour hoirs en touz leuz et contre \25 touz. 17 Et se nuns voloit aler contre çou, je vuil et comant que totes raisons, accions de droit et de non droit, d-escript et non escript \26 fussent denoiés a ces ou a celui qui vouroit aller contre en totes menieres de corz. 18 Et por çou que çou soit chose creable et \27 certainne, je, li diz Haymés de Facoigneis, sires de Velar, ai mis mon grant seel pandant en ces presantes lattres, 19 faites et \28 donees l-am mil trois cenz et dous, ou mois de joing.