Téléchargement du document

Documents linguistiques galloromans
Corpus : chartes de Douai (chDo)
Responsable du corpus : Martin-D. Glessgen
Édition de la charte : Monique Mestayer / Thomas Brunner

chdouai0365

1265, mai. - Douai.

Type de document: charte: reconnaissance de dette

Objet: reconnaissance d'une dette de 21 livres 12 sous par. par André "le Warnier", de Raillencourt, et son frère Hugues de Haynecourt, envers Pierre "Florent".

Auteur: non annoncé, échevins de Douai.

Disposant: André "le Warnier", de Raillencourt, et Hugues de Haynecourt, son frère.

Sceau: non scellé; devise chirographaire: CIROGRAPHE

Bénéficiaire: Pierre Florent, bourgeois de Douai.

Autres Acteurs: échevins de Douai: Gilles Lalain et Simon Malet.

Support: Original parchemin chirographe superposé bipartite - partie supérieure.

Lieu de conservation: AM Douai, FF 661/5910.

Verso: C'est couvenence Pieron Florent.

1 Sacent tout cil-ki-sunt et ki-a-venir sunt ke 2 Andrius li Warniers de Raillencort et Hues de Hainecort, ses freres, doivent \2 et ont en-covent, cascuns por le-tout, a-Pieron Florent, bourgois de Douay, .XXI. lb. et .XII. s. de par. de boine dete et de loial-a-ren\3dre et a-paier dedens le jour Toussains le premiere ki vient; et s'il-avenoit cose ke-ceste dete n'estoit rendue et paiee au borgois \4 devantdit u-au-sen hoir, se de-lui estoit defalit, u-a-sen conmant a Douay dedens le termine devantdit, li deteur devantdit li doivent et ont \5 en covent, cascuns por le tout, a rendre tous les cous, tous les despens et tous les damages ke il i-aroit u-feroit par le defaute de leur \6 paiement en quelconke maniere ke ce-fust juskes a sen dit u juskes au dit de sen hoir, se de lui estoit defalit, sans autre provance fai\7re avoec le dete devantdite. Et avoec çou, li deteur devantdit voelent et otrient ke li borgois devantdis u ses hoirs u ses conmans \8 puist doner del leur au signeur de-le-tere u as baillius u a-quele justice k'il volra por se dete devantdite a requere et faire avoir \9 juskes a cent s. de par. sans les covenences devantdites ramenrir; et de tout çou faire et tenir, ensi com ci devant est dit, en metent \10 et ont mis li-deteur devantdit en droit, en loi et en abandon envers tous signeurs et envers toutes justices tous leur biens et aus et tout \11 le leur u ke-il-l'aient en tele maniere ke li borgois devantdis u-ses hoirs u ses conmans le puist prendre et faire prendre a-aus et au-leur \12 et a-cascun d'aus por le tout partout u ke-il-l'aient com le sien juskes a-tele covenence ki ci devant est dite. 3 Et en toutes ces coses, li-deteur \13 devantdit renoncent et renonciet a-tous previlieges ke croisiet ont u-poront avoir et a-tous autres previlieges,-a-toutes bares \14 a-toutes exceptions, a-toutes aiwes de loi de Sainte Eglise et de loi mondaine, a-tous respis de quele persone ke ce soit et a-toutes les coses \15 ki-d'endroit ces-covenences leur poroient aidier et le borgois devantdit u-sen hoir grever u nuire. Et tout çou li ont li deteur \16 devantdit en-covent et creanté par-foit fianchie a faire et a tenir bien et loialment. A ceste covenence furent com eskievin Gilles li \17 Alains et Simons Malés, en l'an del-Incarnation Nostre Signeur mil .CC. LXV., el mois de may.