Téléchargement du document

Documents linguistiques galloromans
Corpus : chNCh (chNCh)
Responsable du corpus : NN
Édition de la charte : NN

chNCh030b

1295, 21 juillet.

Type de document: charte: donation en fief

Objet: Donation en fief par Othon [IV] de Bourgogne à Gauthier [II] de Montfaucon-Montbéliard, son homme-lige, de Rougemont-le-Château et ses dépendances qui était tenu par Jean de Ferrette, mort sans héritier, en récompense des bons services qu’il lui a rendus.

Auteur: Othon [IV] de Bourgogne.

Disposant: Othon [IV] de Bourgogne.

Sceau: sceaux d'Othon [IV] de Bourgogne et de la cour de Besançon.

Bénéficiaire: Gauthier [II] de Montfaucon-Montbéliard.

Autres Acteurs: Jean de Ferrette.

Rédacteur: Guillaume de Vaux.

Scribe: Jo. de Ch. (?)

Lieu de conservation: AEN, Recettes diverses 220 (Cartulaire Montfaucon), n° 269.

1 [N]os, Othes, cuens de Bourgoigne et sires de Salins, 2 façons savoir a touz ces qui verront et orront ces presentes \2 lettres 3 que come messires Jehans de Ferreres, sires de Roigemont en Alemaigne, li quex tenoit \3 en fyé ligement de nos le chastel de Roigemont ensamble toutes les appartenances, c-est assavoir \4 en justisces, en seignorie, en fyez, en rerefyez, en homes, en forteresces, en villes, en terres, en prez, \5 en pescheries, en domenures et en toutes autres choses, soit alez de vie a mort sanz hoirs de \6 son corps, 4 nos le dit fyé dou chastel de Roigemont et des choses dessus dites ensamble \7 tout le droit et toute la raison qui nous pooit estre acquise es dites choses par la mort dou dit \8 Jeham ou par aucune autre cause ou raison, avons doné et donons en fyé ligement en acroissance \9 dou fyé que il tient de nous a nostre amey et feiaul coisim monseignour Gautier de Monfaucon, \10 pour lui et pour ses hoirs, permaignablement pour les loiauls et profitables servises que nous avons recehu \11 de luy, et pour ce que li diz messires Gautiers en est entrez en nostre homaige. 5 Et avons doné \12 et donons a dit Gautier plein pooir de entrer en possession dou dit fyé. 6 Et pour lui, nous establissons \13 estre en possession jusque a tant qu-il ait prise et heue la possession corporal dou dit fyé et \14 des appartenances; 7 et l-en establissons nostre commandement et procurour especial ensi com en la soe chose. 8 \15 Et promettons pour nos et pour noz successours tenir et garder en bone foy a dit Gautier et \16 es suens et non venir encontre. 9 Et avons requis honorable persone et saige l-officiaul de la \17 court de Besançon que il mette le seel de la dite court de Besançon en ces presentes lettres \18 avec le nostre seel, le quel nos avons mis en ces presentes lettres en tesmoignage de verité. Et nos, \19 officiaul de la court de Besançon dessus diz, a la relacion de Guillame de Vax, clerc juré de nostre \20 court de Besançon, nostre commandement expeciaul pour ce envoié de-par nous, auquel nous avons quant \21 a-ce doné nostre puissance et avons pleniere foy, avons mis le seel de la dite court de \22 Besançon ensamble le seel dou dit conte en ces presentes lettres, en tesmoignaige \23 de verité, 10 qui furent faites et donees a Ornans, le juedi devant la Magdeleine, l-am nostre seignour \24 corrant par mil doux cenz quatre vinz et quinze.