Téléchargement du document

Documents linguistiques galloromans
Corpus : chNCh (chNCh)
Responsable du corpus : NN
Édition de la charte : NN

chNCh029a

1300, 26 novembre.

Type de document: charte: reconnaissance de vente

Objet: Reconnaissance par Geoffroi de Granges et sa femme de la vente à Mile de Durnes et à son frère Jean de Durnes, chanoine de Langres, de toutes leurs possessions à Marolles-sous-Lignières et à Montieramey qui relèvent du fief d’Agnès de Durnes pour 75 livres.

Auteur: Henri de Bar.

Disposant: Geoffroi de Granges et Marie, sa femme.

Sceau: sceau de la prévôté de Troyes.

Bénéficiaire: Mile de Durnes et Jean de Durnes.

Autres Acteurs: Jacques Goulard et Jeannot de Granges, témoins.

Support: Parchemin jadis scellé sur double queue.

Lieu de conservation: AEN, W8 n° 17. Vidimus d’un acte du 9 novembre 1295 (cf. n°31a)

1 A touz cels qui ces presentes lectres \2 verront et orront, 2 Henris de Bar, garde dou seel de la prevosté de Troies, salut. 3 Saichient tuit 4 que par davant Jaque de Concloie, cler, et Henri Dameron, jurez et estaubliz a ce faire a Troies de par nostre signour le roy, vinrent \3 en propres persones mes sires Josfroiz de Granches, chevailiers, ma dame Marie, sa feme, et recognourent de lours bones voluntés, senz force et senz barat, 5 que il ont vendu, quicté et otroié a touz jours senz rappeller \4 a mon signour Mile de Durnay, chevailier, et a Jehan de Durnay, son fraire, cler, chainoigne de Loingres, achetanz pour aux et pour lour hoirs, tout quanque il aivoient, povoient ou douvoient avoir a Mairoles lez […] ^[1] \5 Moustier Aramé ou finaige et appartenances soit en terres, en prez, en boiz, en maisons, en ostises, en censives, en coustumes, en hommes, en femes taillaubles, en justice haute et baisse et en toutes autres [cho] ^[2] \6ses quies qu-elles soient. 6 Les quiex chouses muevent toutes dou fié noble dame, ma dame de Durnay, mere au dis acheteours, a tenir et a avoir des diz acheteours et de lour hoirs touz les heritaiges desus [diz] ^[3], \7 ensint comme il se comportent, perpetuelmant, paisiblemant et quictemant en non de vendue desus dite pour le pris et pour la some de sexante et quinze livres tornoiz petiz que li dit vendeour ont heuz et receu [des] ^[4] \8 dis acheteours en leaul pecune nombree, et s-en sunt tenu pour bien paié par davant les dis jurez, a l-excepcion de la dite pecune non heue et non receue pour cause de vendue desus dite de tout en tout [renun][-] [] ^[5] \9-cent. 7 Prometant par la foy de lours cors donnee en la main des dis jurez et seur l-obligacion de touz lours biens et des biens de lour hoirs muebles et non muebles, presenz et avenir, que il en contre ceste [vendue][-] [] ^[6] \10 ne venront ne ven[i]r feront par aux ne par autre en-tout le temps avenir ne droit ne action n-i reclameront ne feront reclamer ençoiz les heritaiges et les possessions desus diz ensinc comme il se comportent gaurantir[ont] ^[7], \11 acquicteront et desfendront aux diz acheteours et a lour hoirs envers touz et contre touz qui riens y voulrient ou pourroient reclamer ou demander en plait et hors plait, en jugemant et hors jugemant [a] ^[8] \12 lours propre cous et despanz et en prenront le plait en aux toutes foiz que il en seront requis seur peine et restaublicemant de touz coustemanz, despanz et donmaiges a rendre et restaublir aux diz acheteours ou a lour hoirs \13 que il diroient ou li uns d-aux que il aurrient heuz et encourruz pour desfaut de garantie non portee, si comme il est desus dit. 8 Et en seroient creu ou li uns d-aux ou lour commandemans portans ces lectres par lour \14 simple sairemant senz autre prueve. 9 Pour les quiex chouses plus fermemant tenir et garder li dit vendeour s-en sunt souzmis a la juridicion nostre signour le roy, dou baillif et dou prevost de Troies et de lours successours \15 en meniere que cil qui lors seroient bailliz ou prevos de Troies les puissent et devent controindre chascum pour le tout par la prise et par la vendue de lours diz biens a tenir et garder les choses desus dites […] ^[9] \16 de chose cogneue et adjugie d-aux en lour cour. 10 Et renuncent en ce fait par lours dites foiz a touz privileges ^[10] de croiz prise et a prenre a toutes frainchises et signeries a ce qu-il puissent dire aux estre deceuz ou [avoir] ^[11] vendu \17 outre la moitié dou droit pris, au benefice de division et a autre aide de droit qui en ce fait lour pourrient vailoir et aux dis acheteours noure. 11 En tesmoignaige de la quel chose par le rapport des dis jurez, \18 j-ai seellees ces lectres dou seel de la prevosté de Troies, sauf le droit nostre signour le roy et l-autru. 12 Ce fuit fait presenz Jehannot de Granges, escuier, et Jaque Goularde, le macredi davant feste saint Martim \19 d-iver, l-an de graice mil .CC. quatre vinz et quinze.

Notes de transcription
^[1] Troudansleparchemin.
^[2] Troudansleparchemin.
^[3] Troudansleparchemin.
^[4] Troudansleparchemin.
^[5] Troudansleparchemin.
^[6] Troudansleparchemin.
^[7] Troudansleparchemin.
^[8] Troudansleparchemin.
^[9] Texte effacé.
^[10] Le texte porte priveles.
^[11] Texte effacé.