Téléchargement du document

Documents linguistiques galloromans
Corpus : chNCh (chNCh)
Responsable du corpus : NN
Édition de la charte : NN

chNCh024a

1286, 17 septembre.

Type de document: charte: hommage lige

Objet: Hommage lige par Amédée de Vautravers à Jean [I] de Montfaucon-Montbéliard duquel il tient 8 livrées de terre à Bouclans. Amédée remet ces 8 livrées à Jean en l’échange d’un prêt de 40 livres. Jean profite désromais du revenu des 8 livrées de terres jusqu’au remboursement total du prêt. Amédée demeure l’homme de Jean, à l’exception des féautés dues au seigneur de Neuchâtel et au seigneur de Joux.

Auteur: Amédée de Vautravers.

Disposant: Amédée de Vautravers.

Sceau: sceau de la cour de Besançon.

Bénéficiaire: Jean [I] de Montfaucon-Montbéliard.

Lieu de conservation: AEN, Recettes diverses 220 (Cartulaire Montfaucon), n° 415.

1 [J]e, messire Ameys de Waltravers, chevaliers, 2 fais savoir a touz ces qui verront et orront ces presentes lettres 3 \2 que je suis antrez en l-omaige de-mon-tres chier seignour Jeham de Monbeliart, seignour de Monfaucon, \3 pour ce que li diz Jehans m-a promis a assigner a-Boclans, ansi com je le dis, huit lbr. de terre a estevenans \4, les quex huit lbr. de terre j-ai obligié a dit Jeham pour quarante lbr. d-estevenans les queles j-ai heu \5 et recehu entierement dou dit Jeham, monseignour, en bons deniers numbrez par cause de prest. 4 \6 Et ai volu et outroié que li diz Jehans teigne les huit lbr. de terre et face les fruiz et les \7 yssues d-ycelles suens jusque tant que li diz Jehans ou sui hoir soient paié de moi ou de \8 mes hoirs des quarante lbr. dessus dites, sanz riens conter ne rabatre et sanz obicier ne \9 faire compensacion des fruiz et des yssues devant dites. 5 Et ai promis et promect a dit Jehan \10 ausi biem servir tant comme il tenra les huit lbr. de terre en gaige com se je les tenoie \11 en ma main, et me tien pour paié des yssues dou terme passé. 6 Et cest homaige ai \12 je fait au dit Jeham, monseignour, pour les dites huit lbr. de terre qu-il m-a promis doner en fyé \13 et assigner a Boclans, par ensi comme il est dessus dit, sauve la feauté au seignour de Nuelchastel \14 et sauve la feauté au seignour de Jour. 7 Et totes ces choses dessus dites ai je promis et \15 promeit, par ma foy corporelment donee, tenir et garder et non-mie venir encontre par \16 moi ne par autrui. 8 En tesmoignage de la quel chose, j-ai fait mettre en ces lettres le seel \17 de la court de Besançon en tesmoignage de verté. 9 Ce fu fait le mardi aprés la feste de \18 l-Exaltacion Sainte Croiz. 10 Et nous, officiax de Besançon, a la proiere et a-la requeste dou \19 devant dit Amey de Waltravers, chevaliers, li quex ai confessé en droit par devant nous totes \20 les choses devant dites estre veraies, avons mis le seel de la court de Besançon en ces \21 lettres en tesmoignage de verté. 11 Donees le mardi dessus dit, l-an de grace .M.CC. octante et six, ou mois de septembre.