Téléchargement du document

Documents linguistiques galloromans
Corpus : chNCh (chNCh)
Responsable du corpus : NN
Édition de la charte : NN

chNCh017a

1280, 16 octobre.

Type de document: charte: reconnaissance de fief

Objet: Reconnaissance par Guillaume dit Faule, de Bouclans, de tout ce qu’il tient ligement en fief de Jean [I] de Montfaucon-Montbéliard à Bouclans, ainsi que tout ce qu’il ou ses héritiers pourraient acquérir en tout lieu et à Bouclans avec le consentement de Jean, à l’exception des mises en gage et de tout ce qu’il tient d’un autre seigneur.

Auteur: Official de la cour de Besançon.

Disposant: Guillaume dit Faule.

Sceau: sceau de la cour de Besançon.

Bénéficiaire: Jean [I] de Montfaucon-Montbéliard.

Lieu de conservation: AEN, Recettes diverses 220 (Cartulaire Montfaucon), n° 403.

1 [N]os, official de la court de Besançon, 2 façons savoir a touz ces qui verront et orront \2 ces presentes lettres 3 que, en nostre presence pour ce expecialment establiz, messires Willames diz Faules, chevaliers, \3 de Bouclans, present le noble baron Jehan de Mombeliart, seignour de Monfaucon, a recognu en \4 droit et en jugement par devant nous 4 qu-il est hons liges a dit Jeham, seignour de Monfaucon, \5 devant toz homes et le promect a-servir bien et loialment come ses hons liges de\6vant totes genz. 5 Et a recogneu li diz chevaliers qu-il tient dou dit Jeham ligement \7 quanque il tient a Boclans en heritaige et es appartenances et quanque il y-tient par achat \8 et par atuffiement soit en champs, en prez, en maisons, en rentes, en censes et en autres \9 choses quelx-que eiles soient, sanz les gaigieres, se aucunes en y ha, et quanque il tient \10 autre part s-il n-est d-autrui fyé. 6 Et est encor asavoir que li diz Willames fait fyé lige \11 a dit Jeham, lui et a ses hoirs, permenablement, pour lui et pour ses hoirs, en acroissement \12 dou fyé devant dit de quanque il conquerra des or en avant, il et sui hoir, en quelque leu \13 qu-il le conquerront. 7 Et a recogneu li diz Richars qu-il ne puet ne ne doit des or \14 en avant riens conquerir, il ne sui hoir, en la vile de Boclans ne es appartenances se \15 ce n-est par la volunté a dit Jeham, son seignour, et de ses hoirs. 8 Et ces choses, totes et \16 sengles, ai promis li diz chevaliers, pour lui et pour ses hoirs, tenir et garder et acomplir a toz jors \17 mais par sa foy donee corporelment en nostre main. 9 En tesmoignage de la quel chose, a la priere \18 et a-la requisicion dou dit monsi Willame, nos avons mis le seel de nostre court de Besançon \19 en ces presentes lettres, 10 qui furent faites et donees le macredi aprés la feste Saint Evvangile, en-l-an \20 de-l-Incarnacion Nostre Seignour qui corroit par .M.CC. et .LXXX.