Téléchargement du document

Documents linguistiques galloromans
Corpus : chNCh (chNCh)
Responsable du corpus : NN
Édition de la charte : NN

chNCh017

1280, 16 octobre.

Type de document: charte: reconnaissance de fief

Objet: Reconnaissance par Guillaume dit Faule, de Bouclans, de tout ce qu’il tient ligement en fief de Jean [I] de Montfaucon-Montbéliard à Bouclans, ainsi que tout ce qu’il ou ses héritiers pourraient acquérir en tout lieu et à Bouclans avec le consentement de Jean, à l’exception des mises en gage et de tout ce qu’il tient d’un autre seigneur.

Auteur: Official de la cour de Besançon.

Disposant: Guillaume dit Faule.

Sceau: sceau de la cour de Besançon.

Bénéficiaire: Jean [I] de Montfaucon-Montbéliard.

Support: Parchemin jadis scellé sur double queue.

Lieu de conservation: AEN, T3 n° 27.

Verso: du Fale de Boclens (XIV^e siècle).

1 Nos, officials de la cort de Besençon, 2 façons a savoir a toz cels qui verront et orront ces presentes latres 3 que, \2 en nostre presence por ce specialment establiz, mes sires Vilames diz Fales, chevaliers, de Boclans, present lou noble \3 baron Jehan de Montbeliart, signor de Montfacon, ai reconu en droit et en jugement per devant nos 4 qu-il est hons \4 liges a dit Jehan, signor de-Montfacon, devant dit, devant toz homes et lo promat a servir bien et loialment \5 come ses hons liges devant totes genz. 5 Et ai reconu li diz chevaliers qu-il tient dou dit Jehan ligement quanque \6 il tient a Boclans en heritage et as appertenances et quanque il i tient per achat et per atufiement soit en champs, \7 en prez, en maisons, en rentes, en censes et en atres choses queles que ales soient, sens les guagieres, se acunes an i ai, \8 et quanque il tient atre part qui n-est d-atrui fié. 6 Et est encor a savoir que li diz Vilames fait fié \9 lige a dit Jehan, lui et a ses hoirs, permeingnablement, por lui et por ses hoirs, en acroissement du fié \10 devant dit de quanque il conquerrai dois or en avant, il et sui hoir, en quelque lieu qu-il lo conquerront. 7 \11 Et ai reconu li diz chevaliers qu-il ne puet ne ne doit dois or en avant riens conquerir, il ne sui hoir, \12 en la vile de Boclans ne as appertenances se ce n-est per la volonté a dit Jehan, son signor devant dit, et de ses \13 hoirs. 8 Et ces choses, totes et sengles, ai promis li diz chevaliers, por lui et por ses hoirs, tenir, guarder \14 et aemplir a toz jors mais per sa foi donee corporalment en nostre main. 9 En tesmonage de la quel chose, a la \15 proiere et a la requisicion dou dit mon si Vilame, nos avons mis lou sael de nostre cort de Besençon en ces \16 presentes latres 10 qui furent faites et donees lou mecredi devant la feste seint Luc evvangeliste en l-am \17 de l’Encarnacion Nostre Signor qui corroit per mil .CC.LXXX. anz.