Téléchargement du document

Documents linguistiques galloromans
Corpus : chNCh (chNCh)
Responsable du corpus : NN
Édition de la charte : Bernadette Gavillet.

chNCh016

1278, août.

Type de document: charte: partage

Objet: Partage par Thierri [III] de Montfaucon-Montbéliard des biens d’Amédée de Neuchâtel, de Henri de Neuchâtel, de Marguerite et d’Agnelet, enfants de Sibylle de Montfaucon-Montbéliard, petits-enfants de Thierri, issus de leur héritage. Suivant les conseils de plusieurs personnes, dont son frère Amédée [III] de Montfaucon-Montbéliard, Thierri stipule qu’Amédée reçoit la majorité des terres; Henri devient, pour ce qui lui échoit, l’homme-lige de son frère; et les deux sœurs obtiennent des terres au Val-de-Ruz, à Boudry et à la Côte, à l’exception des vignes, pour mille livres. Thierri reprend les hommages précédemment reçus par ses petits-fils pour les répartir à nouveau entre eux. Il se réserve ce qui n’a pas été mentionné dans le partage.

Auteur: Thierri [III] de Montfaucon-Montbéliard.

Sceau: sceaux de Thierri [III] de Montfaucon-Montbéliard, d'Amédée et Henri de Neuchâtel et de Jean de Neuchâtel, prévôt de Neuchâtel.

Bénéficiaire: Amédée de Neuchâtel, Henri de Neuchâtel, Marguerite et Agnelet, leurs sœurs.

Autres Acteurs: Amédée [III] de Montfaucon-Montbéliard.

Support: Parchemin jadis scellé de quatre sceaux sur double queue; il subsiste ceux de Thierri, comte de Montbéliard, d’Amédée et d’Henri de Neuchâtel.

Lieu de conservation: AEN, E1 n°13.

Édition antérieure: Publication par G.-A. Matile, Monuments…, n° CCII, p. 169-170. Analyse par H. Jéquier, Le Val de Travers…, 206.

Verso: Du partage de Nufchastel et de toute la terre (XIV^e siècle).

1 Nos, Thierris, coens de Monbeliart, 2 façons savoir a touz ces qui verront ou orrunt ces pressantes lattres 3 que, con descorde fust meue antre Hamey et Henri \2 de Nuefchastel, freres, anfanz dame Sebile, nostre fille, qui fui, si come de la partie de lour herietaige et de la partie a lour sorours, 4 li devant dit Hameys et \3 Henris et lours sorours se sunt mis dou-tout outremant de faire les parties de lor herietaige sor nos, 5 et ont promis par lour sairemanz faiz, \4 les seintes evangiles touchies, tenir farmemant et leamant les parties de lour herietaige ensi come nos les ferons et ordenerons. 6 Et nos por la \5 pais et por le bien de lour terre, par le consoil de mon sire Hamey, segnor de Monfacom, nostre frere, et par le consoil d-autres bones genz, façons \6 et ordenons les parties de l-erietaige es devant diz Hamey et Henri, freres, et lour sorours, Agnelat et Marguerite, an tel meniere. 7 Nos \7 disons, voluns, façons et ordenuns les parties antre les devant diz anfanz an tel meniere 8 que Hameys ait Roichefort et quanque il i ont et \8 doient avoir, et la tenor des maissons devant et Valtravers et les signories des leus devant diz, et tel droit come il ont an la maison \9 qui fui a Soschal, de Nuefchestel, et les usaiges an bois, an prez, an chans, an pasquiers, en aigues, tex come la dite maissons les ai ahuiz jusque \10 ci, et la maison dou truel devant, et la place de la maison qui fui Turanbert le pide, et la vigne Triers-Porte, desoz la voie devers le lait, et \11 les emenaiges de Nuefchestel touz, et les forz de Nuefchestel, an-tel meniere que on n-i puet faire autres forz mas-que ces qui i sont establi, et \12 la moitié des vantes de Nuefchestel, de foires et de merchiez et de touz les jourz, et la moitié dou vin des tarraiges et des çansses et des autres ran\13tes de vin, et la moitié des vignes, ensi come nos les comanderons a partir; 9 et touz li remenanz de Nuefchestel et dou finaige, et li molin de Sarrie\14res demoure Henri an nun de partie. 10 Et de ce et dou remenant de tote sa pertie est antrez li diz Henris an l-omaige lige de Hamey, son frere. 11 Et les \15 homaiges des gentis-homes qu-il ont receuz, voluns qu-il soient quitié et qu-il soient an nostre mein por partir a nostre volunté, et cil et li autre. 12 Et dou \16 remenant qu-il doient avoir, que nos ne avons nomey an ces parties, voluns qu-il soit a nostre esguart ou a l-esguart de nostre comandemant. 13 \17 Les sorours es diz freres, Agnelaz et Marguerite, ont por lour parties ce qu-il ont ou Val de Rue, le tout, guaigiere et erietaige, et Baudri \18 et la Coste, fuer les vignes, por mil livres de lossannois. 14 Et disons que Hameys soit avouez et gardeins de l-iglise de Nuefchestel. 15 Ou tes\19moignaige de ceste chosse, nos, Thierris, coens de Monbeliart, Jehanz, prevoz de Nuefchestel, Hameys et Henris, frere devant dit, avons \20 mis noz saes an ces pressantes lattres. 16 Ce fui fait l-am que miliaires des anz de l-Incarnacion Nostre Signor corroit per mil \21 dous cenz et sexante et dix et .VIII. anz, ou mois d-aoust.